🎉 TTRC-ийн 13 жилийн ой 👏

Powered by

Өглөөний мэнд ээ! ☀️ МАК компанийн харьяа, судалгаа, шинжилгээний үр дүн нь дэлхийн 213 улсад хүлээн зөвшөөрөгдсөн “Трү Ти Ар Си” ХХК-ийн 13 жилийн ой тохиож байна. Технологийн судалгааны төвийн бүтээгч хамт олондоо ойн баярын мэнд хүргэе 👏

👏 TTRC: ISO 9001:2015 стандартыг 4 дэх удаагаа амжилттай магадлан итгэмжлүүллээ

“Трү Ти Ар Си” ХХК нь 2021 онд ISO 9001:2015 стандартыг үйл ажиллагаандаа нэвтрүүлж, салбартаа уг стандартыг нэвтрүүлсэн анхны лаборатори болж байлаа. Тэд өнгөрсөн долоо хоногт уг стандартыг 4 дэх удаагаа амжилттай магадлан итгэмжлүүлсэн байна.

Тус компани нь өнгөрсөн хугацаанд MNS/ISO-17025 стандартаар 5 удаа, ISO-9001:2015 стандартаар 4 удаа тус тус магадлан итгэмжлэгдсэн юм. Үүнээс гадна, Монгол Улсын хэмжээнд баяжуулах үйлдвэрүүдийн технологийн үнэлгээ, хөндлөнгийн сорьцлолт, хяналт гүйцэтгэх албан ёсны эрхтэй, олон улсын ILAC тэмдэг эзэмшдэг, туршилт, судалгаа, шинжилгээний үр дүн нь дэлхийн 213 оронд хүлээн зөвшөөрөгдсөн байгууллага юм.

“Трү Ти Ар Си” ХХК-ийн хамт олондоо 13 жилийн ойн баярын мэнд хүргэе 👏 

🥌 МАК-ийн дэмжлэгээр Монголын Кёрлингийн өсвөрийн тамирчид Норвеги улсад олон улсын бэлтгэлд хамрагдаж байна

МАК компанийн дэмжин ажиллаж буй “Монголын Кёрлингийн холбоо”-ны өсвөрийн тамирчид Норвеги улсын Лиллехаммер хотноо зохион байгуулагдаж буй олон улсын өсвөрийн тамирчдын бэлтгэл хөтөлбөрт 2 дахь удаагаа оролцож байна. Энэхүү хөтөлбөрийг Дэлхийн кёрлингийн холбоо болон Лиллехаммер хотын олимпын өв залгамжлалын холбоо хамтран зохион байгуулж байгаа юм. Хөтөлбөрөөр дамжуулан тамирчдад кёрлингийн спортын техник, ур чадвар, стратеги заахаас гадна, допинггүй эрүүл олимпизмийн үнэ цэнийг ойлгуулах зорилготой аж.

“Монголын Кёрлингийн холбоо”-оос ирэх 9-р сараас эхлэн нийтэд нээлттэй сургалт зохион байгуулах бөгөөд хамрагдах хүсэлтэй ажилтнууд “МАК Корнер Стоун” ХХК-ийн Мэргэжилтэн, Монголын Кёрлингийн Холбооны дасгалжуулагч, Үйл ажиллагааны менежер Б.Баяртай холбогдож дэлгэрэнгүй мэдээлэл аваарай. Сонирхуулахад, манай компани Түргэний аманд хэрэгжүүлж буй бүтээн байгуулалтын төслийнхөө хүрээнд Кёрлингийн ордон барихаар төлөвлөөд байгаа билээ.

✍️ МЦ: Ажилтнуудаа бусад үйлдвэрүүдээр аялууллаа

“Мак Цемент” ХХК ээлжийн ажилтнуудаа ижил төстэй үйл ажиллагаа явуулж буй байгууллагуудтай танилцуулан мэргэжлийн ур чадвар, ойлголт мэдлэгийг нь нэмэгдүүлж, шинэ зүйлс сурч мэдэх боломжоор хангах зорилгоор “Туршлага судлах, танилцах” аялал зохион байгууллаа. Энэ үйл ажиллагааг 08/16-09/08-ны хооронд нийт 4 удаа зохион байгуулахаар төлөвлөж, эхний ээлжийн 22 ажилтан “МАК Евро Виндоор” үйлдвэртэй танилцсан байна.

🎓 МАК компанийн боловсролын салбарт оруулсан хөрөнгө оруулалт

МАК компани өнгөрсөн хугацаанд боловсрол, эрүүл мэнд, спортын салбарын 100 гаруй нийгмийн хариуцлагын төсөл, хөтөлбөр хэрэгжүүлж нийт ₮28.2 тэрбумыг зарцуулаад байна. Энэ хүрээнд орон нутагт хийсэн томоохон бүтээн байгуулалтуудын талаарх мэдээллийг багцлан хүргэж байна.

Сэлэнгэ аймгийн Ерөө суманд байгуулсан 960 хүүхдийн багтаамжтай сургууль нь Монгол Улсын хэмжээнд жишиг болохуйц бүтээн байгуулалт юм. Энэхүү сургууль 4 давхар, 3112 м2 талбайтай бөгөөд 30 гаруй анги танхим, лаборатори, номын сан, спорт ба урлаг заал, хооллох танхим, эмч, сэтгэл зүйчийн өрөө, хүүхдэд зориулсан ариун цэврийн өрөө, шүршүүр, хөгжлийн бэрхшээлтэй хүүхдэд зориулсан цахилгаан шат болон биеийн тамирын талбай, гадна орчны тохижилт зэргийг цогцоор нь шийдсэн билээ.

Мөн Өмнөговь аймгийн Гурвантэс суманд нийт ₮2.3 тэрбумын хөрөнгө оруулалтаар 320 хүүхдийн дунд сургууль, 120 хүүхдийн багтаамжтай дотуур байр барьж орон нутагт хүлээлгэн өгсөн. Түүнчлэн орон нутгийн хүүхэд багачуудыг хөгжих боломжоор хангах үүднээс “Хүүхэд, залуучуудын соёл, спортын төв”-ийг байгуулсан юм.

Үүнээс гадна Дорноговь аймгийн Даланжаргалан суманд 120 хүүхдийн багтаамжтай “Номт-Ирээдүй” цэцэрлэгийг өөрийн хөрөнгөөр барьж орон нутагт хүлээлгэн өгсөн юм.

Эдгээр бүтээн байгуулалтаас гадна үйл ажиллагаа явуулж эхэлсэн цагаасаа хойш оюутан залууст ₮2.3 тэрбумын сургалтын тэтгэлэг олгож, бүрэн дунд боловсрол эзэмшиж буй багачуудад шинжлэх ухааны үндэслэлтэйгээр нийгмийн харилцаа, сэтгэл хөдлөл, ёс зүйн чадамж олгох цогц хөтөлбөр болох SEE Learning хөтөлбөрийг 2020 оноос хойш дэмжин ажиллаж байна.

Дарсны соёл анх Грек улсаас үүссэн ба бурхны бэлэг хэмээн нэрийдэж, тэр ч бүү хэл дарсны бурхантай байсан гэдэг. Дэлхий даяар усам үзэмний 10,000 гаруй нэр төрөл байдгаас 1000 гаруй нэр төрлөөр нь дэлхийн өнцөг булан бүрд дарс үйлдвэрлэдэг. Тэр дундаас 50 гаруй нэр төрлөөр нь улс орнууд өөр өөрийн технологиор дарс үйлдвэрлэж байна. Жишээ нь, зах зээлд Францын Cabernet sauvignon, Merlot, Syrah, Cabernet franc, Sauvignon blanc, түгээмэл бол Италийн Pino grigio, Pino blanc, Gewurztraminer, Sangiovese, Pino noir зэрэг дарс түгээмэл бий. Дарсыг согтууруулах ундаа гэх нь "хэлмэгдүүлэлт" гэж болно. Дарс уудаг хүмүүс царай төрх шингэн, бие бялдар эрүүл, өөртөө итгэлтэй байх нь элбэг. Дарс уух тусам хүн аз жаргалтай болдог нь анхилуун үнэр, амтдаг байдал, маягтай хундага зэргээс шууд хамаардаг. Хэрвээ оройн хоолонд хүнд улаан мах эсвэл шингэц муутай хоол идсэн бол нэг хундага дарс уухад л хангалттай.🍷

Дуучин Кэти Перри өнгөрсөн долоо хоногт цацсан “Lifetimes” дууныхаа зураг авалтыг хийхдээ Балеарийн арлуудын экологийн эмзэг хэсэгт хамаарагддаг элсэн манханд зөвшөөрөлгүй зураг авалт хийсэн хэмээн буруутган шалгаж эхэлжээ. Сонирхуулахад түүний 143 гэх шинэ цомог ирэх сарын 20-нд худалдаанд гарах юм. 🎤

Та бүхэн дараах ажлын байруудад тохирно гэж үзэж буй найз нөхөд, танилууддаа эдгээр зарыг түгээж хүний нөөц бүрдүүлэлтэд хувь нэмрээ оруулаарай. 🤩

Та орон зайн байршлаас үл хамааран МАК-ийн идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт жишиг тогтоож буй МАК компанийн бүтээн байгуулалтуудаар хамтдаа зочилцгооё 👇