- Makers News
- Posts
- 🤩 МАК Цементийн лого шинэчлэгдлээ
🤩 МАК Цементийн лого шинэчлэгдлээ
📑 Цементийн шинэ лого | ⚽ Хөлбөмбөгийн тэмцээн | 🥌 Кёрлингийн амжилт
Makers News
August 30, 2024
Powered by
Өглөөний мэнд ээ! ☀️ Намар цаг ирж, хичээл сургууль эхлэн их хотын завгүй амьдрал тун удахгүй буцлах гэж байна. Үүнээс урьтаж МАК-чууд бид хөлбөмбөгийн аваргуудаа ирэх 7 хоногт шалгаруулах нь ээ. Хамтдаа тоймоо хүлээн авъя 👏
Та newsletter-ийн зураг, дизайныг бүтнээр нь харахыг хүсвэл баруун дээд буланд байрлах “Trust Sender” товч дээр дарна уу.
🤩 Танилц: МАК Цемент ХХК-ийн шинэ лого
Барилга, Бүтээн байгуулалт + Тогтвортой байдал + Өсөлт дэвшил 🙌🇲🇳🏭
Европ стандарт бүхий өндөр чанарын бүтээгдэхүүнийг тогтвортой нийлүүлдэг МАК Цемент ХХК-ийн албан ёсны лого шинэчлэгдлээ.
Логоны тайлал:
Building Layer - Үйлдвэрлэл, аж үйлдвэрийн бүтээн байгуулалтууд
Stability and Movement - Тогтвортой байдал, бат бэх суурь
Growth Line - Тасралтгүй үргэлжлэх өсөлт хөгжил, ирээдүйн ололт, амжилтуудыг тус тус бэлгэджээ.
⚽ Хөлбөмбөгийн аварга шалгаруулах тэмцээн 09/07-нд болно
Нийт ажилтнуудын дунд жил бүр зохион байгуулагддаг “MAK Cup” спортын наадмын Хөлбөмбөгийн аварга шалгаруулах тэмцээн 2024 оны 9-р сарын 07-ны Бямба гарагт зохион байгуулагдах гэж байна. Нийт үйлдвэр, уурхайн баг, тамирчдаа идэвхтэй оролцохыг уриалж байна.
Удирдамжтай танилцах 👇
|
Байршил: Төв аймаг, Зуунмод хот,
Төв аймаг Зуунмод хотоос ⛩Манзуширын хийд хүрэх зам дагуу
Сонирхуулахад, Хөлбөмбөгийн аварга шалгаруулах тэмцээний үеэр хөгжөөн дэмжигч, фанатуудын дунд 11 метрийн торгуулийн цохилтын “Super Ball⚽” тэмцээн зохион байгуулж, шилдэг хөгжөөн дэмжигчдийн багийг шалгаруулах тул нийт МАК-чууд та бүхэн тус арга хэмжээнд идэвхтэй оролцоорой 🤗👍🏻🎉
🥌 Монголын Кёрлингийн өсвөрийн тамирчид Норвегид гялалзлаа
Кёрлингийн өсвөрийн шигшээ багийн ахлагчид: Г.Энхзаяа, З.Баярбат
“Монголын Кёрлингийн холбоо”-ны өсвөрийн тамирчид МАК компанийн дэжлэгээр Норвеги улсын Лиллехаммер хотод зохион байгуулагдсан олон улсын өсвөрийн тамирчдын бэлтгэлийн хөтөлбөрт амжилттай хамрагдаад эх орондоо ирлээ. Уг хөтөлбөрт идэвхтэй хамрагдаж бэлтгэлжилт, хандлага, багийн ажиллагаа зэргийн нийлбэр дүнгээр Кёрлингийн өсвөрийн шигшээ багийн ахлагч Г.Энхзаяа 2-р байрт шалгарсан байна 🤩
Кёрлингийн өсвөрийн шигшээ багийн ахлагчид: Г.Энхзаяа, З.Баярбат
Түүнчлэн сургалтын кэмпийн ур чадвараа хамгийн сайн ахиулсан тамирчнаар Кёрлингийн өсвөрийн шигшээ багийн ахлагч З.Баярбат тодорчээ 👏
Most Improved Athlete of the Camp - Bayarbat Zolbayar
“Монголын Кёрлингийн холбоо” 9-р сараас эхлэн нийтэд нээлттэй сургалт зохион байгуулах бөгөөд хамрагдах хүсэлтэй ажилтнууд “МАК Корнер Стоун” ХХК-ийн Мэргэжилтэн, Монголын Кёрлингийн Холбооны дасгалжуулагч, Үйл ажиллагааны менежер Б.Баяртай холбогдож дэлгэрэнгүй мэдээлэл аваарай. Сонирхуулахад, манай компани Түргэний аманд хэрэгжүүлж буй бүтээн байгуулалтын төслийнхөө хүрээнд Кёрлингийн ордон барихаар төлөвлөөд байгаа билээ.
🤩 “Coal Market Summit”-д МАК-ийн судлаач илтгэл танилцуулна
Дэлхийн нүүрсний зах зээлийн гол эх сурвалж гэгддэг Sxcoal-аас 9-р сарын 25-27-ны өдрүүдэд БНХАУ-ын Гуанши мужийн Наньнин хотод зохион байгуулах 15 дахь удаагийн “Coal Market Summit”-д Худалдааны Газрын Зах зээл судлаач Э.Наран-Очир “Монгол Улсын нүүрсний зах зээлийн дүн шинжилгээ, төлөв” сэдвээр илтгэл танилцуулахаар боллоо.
Нийт МАК-чуудынхаа өмнөөс баяр хүргэж, амжилт хүсье 👏
👷👷♀️ Цагаансуварга төсөл дотоод сонгон шалгаруулалт зарлалаа
Монгол Улсын Зэсийн 3 дахь мега төсөл Цагаансуварга төсөлд хувь нэмрээ оруулж, их бүтээн байгуулалтад гар бие оролцохыг хүссэн хэн бүхэнд нээлттэй дотоод сонгон шалгаруулалт албан тушаалын бүх ангилалд зарлагдлаа. Сонгон шалгаруулалттай холбоотой дэлгэрэнгүй мэдээллийг Хүний нөөцийн Ахлах мэргэжилтэн С.Золзаяа, Хүний нөөцийн мэргэжилтэн Б.Тэргэл нараас авах боломжтой.
Утас: 99103158, 99334293, 99386600
И-мэйл: [email protected]
Төслийн хүрээнд 1,300 гаруй хүн байнгын ажлын байраар хангагдаж, 100-150 туслан гүйцэтгэгч компаниар дамжуулан 5,000-7,500 ажлын байр шинээр бий болно. Мөн улс, орон нутгийн төсөвт жилд дунджаар 150 сая ам.доллар буюу Монгол улсад нийт 4 тэрбум ам.долларын татвар хураамжийн орлого төвлөрүүлэх боломжтой төсөл юм.
Монгол улс хагас сая жуулчин хүлээн аваад байна 🧳
Оны эхний 8 сарын байдлаар Монгол улсад 527,000 жуулчин ирж эдийн засагт $1 тэрбумын орлого оруулсан байна. Жуулчдын тоо өмнөх оны мөн үеэс 20% өсөөд буй. Түрүү жил аялал жуулчлалын салбар анх удаа $1 тэрбумын орлоготой ажиллаж байсан бөгөөд энэ онд салбарын орлого шинэ түүхэн дээд түвшинд хүрэх төлөвтэй байна.
🇨🇳 Нүүрсний экспортын шинэ гарц Энэтхэг үү? 🇮🇳
БНХАУ 7-р сард 10.84 сая тонн коксжих нүүрс импортолсны 46 хувийг Монгол Улс нийлүүлж, экспортоороо тэргүүлснийг SxCoal мэдээлэв. Монголоос 5.04 сая тонн коксжих нүүрс авсан нь өмнөх оны мөн үеэс 15.9 хувиар өссөн дүн боловч өмнөх сараас 8.3 хувиар буурчээ. Сонирхуулахад, Энэтхэг улс Монголоос нүүрс импортлох боломжтой гэж үзэж байна. МХБ-ийн удирдлага Энэтхэгт болсон “Нүүрсний зах зээлийн төлөв” форумд оролцох үеэр энэ талаар хэлэлцжээ.
Газрын тос боловсруулах үйлдвэрийн I үе шат дууслаа 🏭
Дорноговь аймагт баригдаж буй газрын тос боловсруулах үйлдвэрийн EPC-01 буюу технологийн бус дэд бүтцийн барилга байгууламжийн ажил бүрэн дуусаж, улсын комисс хүлээн авсан байна. Одоогоор ус, цахилгаан хангамжийн систем, засвар-механикийн цех, лаборатори, агуулах зэрэг бүтээн байгуулалтууд хийгдээд байна. Энэтхэг улсын санхүүжилтээр хэрэгжүүлж буй уг төсөл 2026 онд бүрэн ашиглалтад орох хүлээлттэй байна.
Тээврийн хэрэгслийг тэгш, сондгойгоор хязгаарлахгүй 🚗
2024-2025 оны хичээлийн шинэ жил эхэлж буйтай холбогдуулан тээврийн хэрэгслүүдийг улсын дугаарын тэгш, сондгойгоор зорчуулах хязгаарлалт хийхгүй гэнэ. Харин хичээлийн цаг эхлэх болон тарах үед гол гудамж замд нөлөөлөл үзүүлдэг сургуулиудын хичээл эхлэх цагийг зөрүүлэх зохицуулалт хийхээр болжээ.
Зүрхний бичил пейсмейкер суулгац эмчилгээг Монголд хийж эхлэв 🏥
Улсын гуравдугаар төв эмнэлэгт зүрхний хэт цөөн цохилтыг тогтмолжуулах бичил пейсмейкер суулгах мэс заслыг анх удаа хийсэн байна. Бичил суулгацыг судасны өөрчлөлттэй, халдварын болон цус алдах эрсдэл өндөр зэрэг шалтгаанаар уламжлалт пейсмейкер суулгах эмчилгээ тохиромжгүй эмчлүүлэгчдэд сонгон хийдэг байна. Уг суулгац эмчилгээ нь олон улсад 100-150 сая орчим төгрөгөөр хийгддэг өндөр өртөгт эмчилгээ юм.
 Netflix-ийн шинэ баримтат цуврал Стриминг үйлчилгээний тэргүүлэх компани Netflix 2023-2024 оны улиралд Jimmy Butler, Anthony Edwards, LeBron James, Domantas Sabonis, Jayson Tatum нарын талбай дээр болон талбайн гадна өрнөсөн хөшигний цаадах үйл явдлыг дэлгэх “Starting 5” нэртэй баримтат кино гаргахаар боллоо. Уг цувралаа 10-р сарын 9-нөөс цацах гэнэ. |  Монгол Улсын рекорд: 47.77 секунд “Парис-2024” паралимпын наадмын усанд сэлэлтийн өврөөр даллах 50 метрийн төрөлд Монгол улсыг төлөөлөн Х.Номуун өрсөлдлөө. Тэрбээр 47.77 секундын амжилтаар замаа туулж, гараандаа 7-р байрт орсон юм. Х.Номууны хувьд, энэ үзүүлэлтээрээ Монгол Улсын дээд амжилтыг шинэчлэн тогтоосон байна. |
 У.Баффетын Berkshire Hathaway-ийн үсрэлт Тэрбумтан Уоррен Баффетын "Berkshire Hathaway" компани АНУ-ын технологийн бус салбараас нэг их наяд ам.долларын зах зээлийн үнэлгээ давсан анхны компани боллоо. Тус компанийн хувьцааны ханш Лхагва гарагт 0.9 хувиар өссөнөөр "Alphabet", "Meta" зэрэг технологийн цөөхөн компани ноёлдог "Нэг их наядын клуб"-т нэгдэж байна. |  Nissan-ийн сонирхолтой туршилт Nissan компани зуны улиралд автомашины дотор салоныг халалтаас хамгаалах технологи туршиж байна. Тэд нарны гэрэлд бага халдаг технологитой будгийг ашиглаж байгаа юм байна. Хэрвээ автомашиныг ийм будгаар буддаг болбол дотор талдаа бага халж, агаар сэрүүцүүлэгчийн эрчим хүчний зарцуулалтыг бууруулах боломжтой ажээ. |
📱 Онлайн банк түлхүү ашигладаг болсон өнөөгийн дижиталжсан нийгэмд та харилцах дансандаа мөнгөө зүгээр л хэвтүүлээд байдаг юм биш биз? “Мөнгө хэзээ ч унтдаггүй” гэсэн үг байдаг. Ковидын цар тахлын хуулиар хориглогдсон байсан банкны хугацаагүй хадгаламж нь хуулийн хүчинтэй хугацаа дууссантай холбоотойгоор эргэн сэргэсэн байгааг та мэдсэн үү?
Өөрөөр хэлбэл, таны дансан дахь үлдэгдэлд өдөр бүр хүү бодогдоно. Нэмж хэлэхэд таны хадгаламжид бодогдсон хүүг таны дансны үлдэгдэл дээр хэзээ нэмж олгож байгаа талаар банкнаасаа лавлаж мэдэх хэрэгтэй.
Доорх хүснэгтээр бидний түлхүү ашигладаг банкнуудын Төгрөгийн хугацаагүй хадгаламжийн бүтээгдэхүүний талаарх мэдээллийг нэгдсэн байдлаар бэлтгэн та бүхэндээ хүргэж байна 👇
Алдарт реппер Kanye West БНСУ-д хийсэн аялан тоглолтынхоо үеэр Adidas брэндэд хандан эсэргүүцлээ илэрхийлсэн байна. Учир нь тус брэнд түүнийг зүй бус зан авир гаргасан хэмээн үзэж бизнесийн түншлэлээ зогсоосон юм. Үүгээр ч зогсохгүй, оюуны өмчийн эрхийг эзэмшдэг тул бүтээгдэхүүнүүдээ үргэлжлүүлэн худалдаалах боломжтой аж. Харин Kanye West тоглолтынхоо үеэр хэрхэн “тэсэрсэн”-ийг дараах бичлэгээс хүлээн авна уу 😤
Та бүхэн дараах ажлын байруудад тохирно гэж үзэж буй найз нөхөд, танилууддаа эдгээр зарыг түгээж хүний нөөц бүрдүүлэлтэд хувь нэмрээ оруулаарай. 🤩
Та орон зайн байршлаас үл хамааран МАК-ийн идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт жишиг тогтоож буй МАК компанийн бүтээн байгуулалтуудаар хамтдаа зочилцгооё 👇
