- Makers News
- Posts
- Makers News #78
Powered by
Олимп эхлэх өдрийн мэнд! 😁 Хүн төрөлхтний эв нэгдлийн бэлгэдэл болсон 33 дахь удаагийн зуны олимпын наадам “Парис 2024” өнөөдөр эхэлж байна. Монголын баг тамирчдаа дэмжин гэгэлзэх өдрүүд айсуй. ◯◯◯◯◯
🔋 Үйлдвэр, уурхайн бүсэд цахилгаан автобус ашиглана
“Монголын Алт” (МАК) ХХК нь ногоон хөгжлийг эрхэмлэн байгальд ээлтэй үйл ажиллагаа явуулах бодлогынхоо хүрээнд үйлдвэр, уурхайн бүсэд цахилгаан автобус ашиглахаар боллоо. Та бүхэнд үйлдвэр, уурхайн бүсэд үйлчлэх цахилгаан автобусны батлагдсан загварыг танилцуулж байна. 😇
🏗 МАК-ийн бүтээгдэхүүнүүдийг “InvesCore” ББСБ-ын бизнесийн зээлээр худалдан авах боломжтой боллоо
Барилгын материал борлуулалтын газар “InvesCore” ББСБ-тай хамтран ажиллах гэрээ байгууллаа. Ингэснээр хэрэглэгчид MAK Building Materials-ийн Европ стандартын бүтээгдэхүүнүүдийг бизнесийн зээлээр худалдан авах боломжийг нээж байна. Тодруулбал, ₮2 тэрбум хүртэлх үнийн дүнтэй зээлийг 36 хүртэлх сарын хугацаатайгаар авах боломжтой болжээ.
МАК-чууд та бүхэн ойрын хүрээллийн хүмүүстээ дуулгахаа мартуузай. 😉
🏹 Нарийнсухайтын уурхайн ажилтан Б.Лхагвадорж “Монгол Улсын онч харваач” цолны болзол хангалаа
Нарийнсухайтын уурхайн үйлчилгээний машины жолооч Б.Лхагвадорж Үндэсний их баяр наадмаар 686 харваачаас шилдэг 16-д шалгарч, улсын наадамд дөрөвдүгээр байр эзэлжээ. Ийнхүү тэрээр МОНГОЛ УЛСЫН ОНЧ ХАРВААЧ цолны болзол хангасан байна. Шинэхэн улсын цолтондоо баяр хүргэе ээ. 👏
😇Та бүхнийг хандивын аянд нэгдэхийг уриалж байна
Нарийнсухайтын уурхайн уулын хэсгийн 220 тн автосамсомалын оператор Б.Баярцогтын бага охин болох Б.Энэрэл нь төрөхийн хүндрэлээс үүссэн тархины таталт өвчнөөр шаналж байгаа юм. Улмаар Бээжин хотноо яаралтай эмчилгээ хийлгэх шаардлагатай болсон тул хамт олноосоо дэмжлэг хүсэж байна.
Нарийнсухайтын уурхайн уулын хэсгийн 220 тн автосамсомалын оператор Э.Ариунбатын цусан дахь хавдрын маркер өндөр байгаа учраас өртөг ихтэй олон удаагийн давтамжит эмчилгээ хийлгэх шаардлагатай болсон тул хамт олноосоо дэмжлэг хүссэн байна.
МАК-чууд та бүхнийг сэтгэлийн дэм болгон хандив өргөхийг уриалж байна.😇
Гадаад харилцааны сайдын АНУ дахь айлчлалын эргэн тойронд 🤝
Гадаад харилцааны сайд Америкт хийж буй айлчлалынхаа хүрээнд төрийн нарийн бичгийн дарга Энтони Ж.Блинкентэй албан ёсны уулзалт хийв. Талууд Монгол Улсын эдийн засгийн тэсвэртэй байдал, хөрөнгө оруулалтын орчныг сайжруулах, нэн чухал эрдэс баялаг, эрчим хүч, хот байгуулалтын чиглэлээр санал солилцжээ. Түүнчлэн Энтони Ж.Блинкен 8 сарын 1-нд Монголд айлчлах аж.
Салбар яамны нэр өөрчлөгдөв 🏛️
Салбар яамны нэрийг өөрчлөн “Хот байгуулалт, орон сууцжуулалтын яам” болгож, сайдаар Ж.Батсуурийг томилоод буй. Тэрээр шуурхай хуралдаан зохион байгуулж, яамны нэр өөрчлөгдсөнтэй холбогдуулан анхаарах шаардлагатай нэн чухал асуудлуудыг танилцуулж, яамны газар, хэлтэс болон харьяа байгууллага, төслийн нэгжийн удирдлагуудад нэн тэргүүнд хэрэгжүүлэх ажлуудын хүрээнд үүрэг чиглэл өгсөн байна.
Улаанбаатар хотын авто замын 70% нь ус зайлуулах шугамгүй 🙄
Энэ онд нийслэлийн 13 байршилд борооны ус зайлуулах шугам угсрахаар төлөвлөснөөс 7 байршилд угсраад байна. Сонирхуулахад, нийслэл 1,250 км хатуу хучилттай авто замтай ба 70% орчим нь ус шүүрүүлэх худаг, зайлуулах шугамгүй аж.
“Эмээлт” аж үйлдвэрийн паркийн ТЭЗҮ, төлөвлөгөөг шинэчлэв 🏭
“Эмээлт” эко аж үйлдвэрийн паркийн ТЭЗҮ, хэсэгчилсэн ерөнхий төлөвлөгөөг НИТХ-аар шинэчлэн баталлаа. Тус парк байгуулагдсанаар 5,600 гаруй ажлын байр бий болж, Аргалант-Эмээлт дагуул хотыu эдийн засгийн тусгай бүсийн чиг үүрэгтэй хөгжүүлэх аж.
Парис 2024 олимпын хуваарь 🇲🇳
"Парис 2024" зуны олимпын наадамд Монголын баг 9 спортын төрөлд 33 тамирчин оролцоно. Та доорх холбоосоос манай улсын аль тамирчин, хэдний өдөр, хэдэн цагаас өрсөлдөхийг харах боломжтой.
 Селин Дион олимпыг нээнэ Өдгөө 56 настай алдарт дуучин 2022 оны 12-р сард "Stiff Person Syndrome" хэмээх мэдрэлийн ховор эмгэгтэй болсноо зарлаж байв. Үүнээс болж аялан тоглолтоо цуцалж, олны өмнө гарахаа болиод байсан юм. Тэгвэл өнгөрсөн Даваа гарагт Селин Дион олимпын нээлтэд оролцохоор Парис хотод ирсэн тухай хэвлэлүүд мэдээлсээр байна. |  БНАСУ олимпод оролцож байна "Парис-2024" Олимпын наадам өнөөдөр эхэлж байна. Хойд Солонгос улс 8 жилийн дараа зуны олимпын наадамд баг тамирчдаа илгээлээ. Тодруулбал, 2016 оны Рио-де-Жанейрогийн олимпод оролцож байсан юм. Энэ удаагийн олимпод тус улсын спортын сайд Ким Ил Гукээр ахлуулсан 20 орчим гишүүнтэй баг тамирчид оролцох аж. |
 Аварга загаснаас кокаин илрэв Биологичид Рио де Жанейро хотын ойролцоо уснаас аварга загасны төрлийн 13 загас барьж шинжлэхэд тэдгээрийн булчин, элэг зэргээс их хэмжээний кокаин илэрчээ. Энэ нь өмнө нь далайн амьтдаас илэрч байсан кокаины хэмжээнээс даруй 100 дахин их байжээ. |  2NE1 хамтлаг ахин нэгдэнэ Өмнөд Солонгосын алдарт "2NE1" хамтлаг 15 жилийн ойгоороо эргэн нэгдэж, аялан тоглолтоо хийхээр болсныг "YG энтертайнмент"-аас мэдээллээ. Эхний тоглолд Сөүлд 10 дугаар сард болох бөгөөд хэдийн стадионы захиалгаа баталгаажуулсан талаар ойрын эх сурвалж мэдээлжээ. |
БНСУ-ын алдарт дуучин Jay Park-ийн "McNasty" гэх шинэхэн дууны клипенд монгол модель А.Золжаргал тогложээ. Тэрээр БНСУ-д шүдний техникчээр бакалавр, бизнесийн удирдлагаар магистрын зэргээ хамгаалсан аж. Өдгөө “DEAR DALHIA”, “HOLITUAL”, “RAEL”, “MOONT”, “BADBLOOD” зэрэг томоохон брэндүүдийн нүүр царайгаар ажиллаж байна. 😍
