- Makers News
- Posts
- Makers News #77
Powered by
Баасан гарагийн мэнд! Жил жилийн нэгэн адилаар МАК-чууд бид дэнж хотойтол дэлгэр сайхан наадлаа. Түүнчлэн бид Дархан хотноо шинэхэн борлуулалтын төвөө нэснийг дуулгахад таатай байна. 😇
👩🎓“МАК Наадам 2024”-ийн эргэн тойронд
МАК-чууд бид бөх нь хүчтэй, сум, шагай нь мэргэн байж, өргөн дэлгэр наадлаа. Энэ жилийн наадмын эргэн тойронд болсон үйл явдлын тоймыг хүргэж байна.
Хүчит бөхийн барилдаанд 64 бөх эр баяраа сорин уран мэхийг уралдуулан зодоглож, дараах бөхчүүд үзүүр, түрүүнд шалгарсан юм.
🥇Түрүү бөх: С.Бат-Ирээдүй, НСУ, Зам усалгааны машины жолооч, Аймгийн начин
🥈Үзүүрлэсэн бөх: Д.Энхбаатар, МЕБҮ-ийн Диспетчер, Сумын заан
🥉Шөвгөрсөн бөх: С.Эрдэнэбат, Батзаяа, Залуу бөх
Харин сурын харвааны эрэгтэй төрөлд,
🥇 Тэргүүн байр: Х.Наранбаяр
🥈 Дэд байр: Г.Балжин
🥉Гутгаар байр: Д.Баянтамир нарын хараа нь хурц, сум нь мэргэн байж шагналт байрт шалгарсан юм.
Сурын харвааны эмэгтэй төрөлд,
🥇 Тэргүүн байр: Ц.Цэцэгдэлгэр
🥈 Дэд байр: Х.Үүрцайх
🥉 Гутгаар байр: Г.Гэрэлтжин нар шагналт байрт шалгарлаа.
Шагайн харвааны ганцаарчилсан төрөлд,
🥇 Тэргүүн байр: н.Онон
🥈 Дэд байр: н.Баатархүү нар шалгарсан юм.
Шагайн харвааны багийн төрөлд,
🥇 Тэргүүн байр: Хүрэн толгой коал майнинг ХХК
🥈 Дэд байр: Нарийнсухайт, МАК Цемент ХХК-ийн хамтарсан баг тус тус шалгарлаа.
Наадмын чимэг дээлтэй МАК-чууд 🥰
👏Дарханд хотод шинэ борлуулалтын төвөө нээлээ
Бид хэрэглэгчдэдээ улам ойртож “Найрамдлын хот” Дарханд шинэ борлуулалтын төвөө нээлээ. Дэлхийн шилдэг техник, тоног төхөөрөмж, европ стандартын дагуу үйлдвэрлэсэн бүтээгдэхүүнээ хэрэглэгчдийн гарт шууд хүргэх зорилгоор орон нутагт шууд борлуулалтын төвүүдээ шат дараатайгаар нээн ажиллуулж байна. Ингэснээр хэрэглэгчид үнийн нэмэгдэлгүй, хадгалалт, тээвэрлэлтийн горим алдагдаагүй өндөр чанарын бүтээгдэхүүнийг хүлээн авах боломжтой болж байгаа юм.
😇МАК үйл ажиллагаа явуулж буй сумдынхаа ойн баярт хүндэтгэл үзүүлэв
“Монголын Алт” (МАК) ХХК үйл ажиллагаа явуулж буй сумд болох Дорноговь аймгийн Даланжаргалан, Төв аймгийн Сэргэлэн сумын түүхт 100 жилийн баяр наадамд оролцон хүндэтгэл үзүүллээ. МАК Цемент үйлдвэр Даланжаргалан сумын нутагт, МАК Евро Блок, МАК Евро Виндоор, МАК Евро Венти үйлдвэрүүд Төв аймгийн Сэргэлэн сумын нутагт байрладаг билээ.
😇Та бүхнийг хандивын аянд нэгдэхийг уриалж байна
Геологи хайгуулын газрын өрмийн мастер Г.Энхтөрийн охин Үүрийнтуяа (8 нас) нь “Цусны хавдар” оноштойгоор ХСҮТ-д шаардлагатай эмчилгээг хийлгэсэн. Гэсэн ч 2024 оны 05 сарын 19-ний үзлэгээр “Хавдар эрүүл нүдэнд нөлөөлсөн, дэлүү томорч гол судас цүлхэн үүссэн” тул Монголд эмчилгээ хийх боломжгүй хэмээн оношлогдсон байна. Улмаар БНХАУ-ын Бээжин хотод эмчилгээ хийлгэх боломжтой гэх хариу авсан бөгөөд эмчилгээ, хагалгааны зардал ойролцоогоор 46 орчим сая төгрөг болж байгаа тул хамт олноосоо тусламж хүсэж байгаа юм. Та бүхнийг Э.Үүрийнтуяа охинд хандивын гараа сунгахыг уриалж байна.
Jade Gas “Улаан нуур” төсөл дээр БНХАУ-ын DWK-тэй хамтарна 🤝
Jade Gas нүүрсний давхаргын метан хийн “Улаан нуур” төсөл дээр Хятадын өрөмдлөгийн үйлчилгээ үзүүлэгч компани болох DWK хамтарна гэлээ. Jade Gas Өмнөговь аймаг дахь олборлолтын ажлаа ахиулахын тулд тэдэнтэй заавал биелүүлэх үүрэггүй гэрээг байгуулаад буй.
Өмнөх оны мөн үеэс экспорт 4.4%, импорт 25.9%-аар өсжээ 🏛️
Монгол Улс энэ оны эхний хагаст нийт 148 улстай худалдаа хийж, гадаад худалдааны нийт бараа эргэлт $13.3 тэрбумд хүрсэн байна. Үүнээс экспорт $7.9 тэрбум, импорт $5.4 тэрбумд хүрч, гадаад худалдааны тэнцэл $2.5 тэрбумын ашигтай гарчээ. Экспорт энэ оны эхний 6 сард өмнөх оны мөн үеэс $332.7 саяар өсөхөд нүүрс, зэсийн баяжмал, төмрийн хүдэр, баяжмалын экспортын өсөлт голлон нөлөөлжээ.
15.6 км дулааны магистраль шугамыг шинэчилнэ 🚿
Нийслэлийн 18 байршилд 15.6 км дулааны магистраль шугамыг шинэчилж эхэллээ. Тодруулбал, нийслэлийн хэмжээнд нийт 390 гаруй км урттай дулааны шугам сүлжээ байдаг бөгөөд эдгээрийн ихэнх нь 30-60 жилийн насжилттай байдаг аж. Түүнчлэн энэ жил дулааны шугам сүлжээний их засварыг гүйцэтгэхдээ шугам хоолойн хэмжээг өргөтгөхөөр болжээ.
Шинэ замын бүтээн байгуулалт 🚧
“Орхон” их сургуулиас урагш 115 дугаар сургууль хүртэл буюу Ээрмэлийн гудамжийг Туулын гудамжтай холбох ажил 2022 онд эхэлсэн ч газар чөлөөлөлтийн асуудлаас шалтгаалан гацаад байсан юм. Тэгвэл энэ сарын 10-аас замын хөдөлгөөнийг нээжээ.
Үер, усны аюулаас сэрэмжилнэ үү ⛈️
Цаг уур, орчны шинжилгээний газраас үер усны аюулаас сэрэмжлэхийг анхаарууллаа. Тодруулбал, Сэлэнгэ мөрний адаг, Орхон голын адаг, Хэрлэн, Балж, Онон, Ховд, Хархираа зэрэг голууд үерийн түвшинг 5-20 см давсан байдалтай байгаа юм байна.
 Сарны гадаргаас анх удаа агуй илрүүлэв Одоогоор энэхүү агуйг 100 метр гүн гэж тооцоолж байгаа юм. Цаашид тус агуйд саран дээр судалгаа хийхээр очих судлаач, эрдэмтэд, сансрын нисгэгчдийг байрлуулах бааз байгуулахад нэн тохиромжтой гэж үзэж байна. Эрдэмтэд саран дээр үүнтэй ижил зуу зуун агуй байгаа гэж үзэж байгаа юм. |  Зукербергийн өвөрмөц мэндчилгээ АНУ-ын тусгаар тогтнолын баяр буюу 7-р сарын 4-ний өдөр Мета-ийн захирал Марк Зукерберг өвөрмөц мэндчилгээ дэвшүүлжээ. Тодруулбал, тэрээр нэг гартаа Америкийн тугийг намируулж, нөгөө гартаа лаазтай шар айраг барин шимж, смокинг хослолтойгоор серфинг хийсэн юм. |
 iOS 18-ийн бета хувилбар нийтэд нээлттэй боллоо iOS 18-ийн Бета хувилбар луу 2018 оноос хойш гарсан iPhone-ийн загварууд шилжих боломжтой аж. Ингэснээр iPhone-ийн хэрэглэгчид өөрийн хүссэн emoji-гоо бүтээж, ашиглах боломжтой болж байна. Мөн AI ашиглан Photos аппликейшн дэх зурагнуудаа цомог болгох боломжтойгоос гадна Wi-Fi эсвэл үүрэн холбооны үйлчилгээ байхгүй үед ч хиймэл дагуулаар мессеж илгээх боломжтой болжээ. |  Халдлага ба сонгуулийн үр дүн АНУ-ын Ерөнхийлөгч асан Дональд Трамп Пенсильвани муж дахь сонгуулийн кампанит ажлынхаа үеэр халдлагад өртөж, чихэндээ бууны шарх авсан нь дэлхий нийтийн анхаарлыг татсан. Тус халдлага гарснаас хойш “Trump Media” компанийн хувьцааны ханш 30 гаруй хувиар өслөө. Энэхүү халдлага нь Трампын сонгуульд ялах магадлалыг нэмэгдүүлнэ хэмээн салбарын шинжээчид үзэж байна. |
Дэлхийн анхны AI мисс шалгаруулах тэмцээн болж, миссийн титмийг Мороккогийн нөлөөлөгч Кенза Лайли гэх AI модел зүүлээ. Тэрээр инстаграмд 200,000 орчим, TikTok дээр 45,000 дагагчтай аж. Түүний бүхий л зураг, хүлээн авалтын яриа нь хүртэл бүхэлдээ хиймэл оюун ухаанаар бүтээгдсэн аж. 🤖
