Makers News #72

🧑‍🎓 МЦ: 27 ажилтан мэргэжил олгох сургалт төгслөө 👏

Author

Makers News
June 14, 2024

Powered by

Баасан гарагийн мэнд ээ! Уралдаан тэмцээн, үйлдвэрүүдийн тэмдэглэлт ой давхацсан өрнүүн долоо хоног өндөрлөж байна. Амралтын өдрөө ая тухтай өнгөрүүлээрэй. 😉

  🎊 МАК Евро Блок үйлдвэрийн 9 жилийн ой тохиолоо

Монголын барилгын салбарт европ стандартыг анхлан нэвтрүүлж, нутагшуулсан МАК Евро Блок үйлдвэр байгуулагдсан цагаасаа хойш 1.3 сая м3 евро блок үйлдвэрлэн зах зээлд нийлүүлж, 1 сая ам.долларын валютын гадагш чиглэх урсгалыг хаажээ.

Сонирхуулахад, МАК Евро Блок үйлдвэрийн өнгөрсөн хугацаанд үйлдвэрлэсэн бүтээгдэхүүнээр,

  • 🏗 811 орон сууц,

  • 🏗 960 хүүхдийн багтаамжтай 1180 дунд сургууль,

  • 🏗 200 хүүхэд хүлээн авах хүчин чадал бүхий 3259 цэцэрлэгийг тус тус бүтээн байгуулах боломжтой.

 🧑‍🎓 МАК Цемент ХХК-ийн 27 ажилтан мэргэжил олгох сургалт төгслөө

“МАК Цемент” ХХК-ийн 27 ажилтан нэг жилийн мэргэжил олгох сургалтад хамрагдан амжилттай төгслөө. Тэд 2024.06.02-05-ны өдрүүдэд онол, практикийн шалгалтаа амжилттай өгчээ. Тэдгээр ажилтнууд нь Зам барилгын машин механизмын оператор, Метал боловсруулах машины оператороор суралцан төгсөж байгаа юм байна. 👏 

🎯 MAK CUP-2024: "Биллиард & Дартс"-ын 3 төрөлт тэмцээний аваргууд тодров

“Монголын Алт” (МАК) ХХК-ийн уламжлал болгон зохион байгуулдаг "МАК CUP" спортын наадмын "Биллиард & Дартс"-ын 3 төрөлт тэмцээн амжилттай зохион байгуулагдлаа. Энэ жилийн тэмцээнд 150 орчим тамирчид оюун ухаан, эрч хүч, авхаалж самбаагаа сорин өрсөлдөж аваргуудаа шалгарууллаа.

“ДАРТС” тэмцээний эрэгтэй ганцаарчилсан төрөлд:

  • 🥇 I байр – Х.ТҮМЭНЖАРГАЛ, ГХГ-ын Ахлах геофизикч

  • 🥈 II байр – Х.НАРАНБАЯР Ээлжийн мастер /МАК Вест/

  • 🥉 III байр – Г.БАЯРТУЛГА, НСУ-ын Hitachi-2600 экскаваторын оператор

“ДАРТС” эмэгтэй ганцаарчилсан төрөлд:

  • 🥇 I байр – Э.ОЮУНЖАРГАЛ, МЦ ХХК-ийн 110кВ дэд станцын диспетчер

  • 🥈 II байр –Ш.ЭРДЭНЭТУЯА, ХХАБГ-ын Теле хяналтын ажилтан

  • 🥉 III байр – Б.ПУНЦАГДУЛАМ, НСУ-н Архив, бичиг хэргийн ажилтан

“ДАРТС” багийн төрөлд:

  • 🥇 I байр –“МАК ЦЕМЕНТ” ХХК-ийн баг

  • 🥈 II байр – МЭДЭЭЛЭЛ ТЕХНОЛОГИЙН ГАЗАР /Төв оффис/

  • 🥉 III байр –“ТРҮ ТИ АР СИ” ХХК

“СНУКЕР” биллиардын төрөлд:

  • 🥇 I байр – М.БАТМӨНХ, Диспетчер /МЦ/

  • 🥈 II байр – Б.БАТБАЯР, ЭКГ-10 машинист /ДМУ/

  • 🥉 III байр – Г.БЯМБАЖАВ, ХХХариуцсан хэсгийн дарга /ХХАБГ/

  • 🏅 IV байр – Б.ОТГОНБИЛЭГ, Нярав /СБГ/

“ПҮҮЛ” биллиардын эрэгтэй төрөлд:

  • 🥇 I байр – Л.ЖЕНЯ, Өрмийн мастер /ХТКМ/

  • 🥈 II байр – Т.ЦЭРЭНБАТ, Ээлжийн мастер /МЦ/

  • 🥉 III байр – С.НЯМДОРЖ, Нярав /TTRC/

  • 🏅 IV байр – М.БАТЗАЯА, Ээлжийн мастер /МЕБҮ/

“ПҮҮЛ” биллиардын эмэгтэй төрөлд:

  • 🥇 I байр – Г.БУЯНТӨГС, Хөдөлгөөн засалч /МЦ/

  • 🥈 II байр – Г.ЦАГААНЧИМЭГ, Нягтлан бодогч /СБГ/

  • 🥉 III байр – Ц.СОЛОНГО, Эдийн засагч /МЕВАХҮ/

  • 🏅 IV байр – Н.ЖАВЗАНДУЛАМ, Худалдан авалтын мэрэгжилтэн /ХТҮГ/

💁‍♀️ Үндэсний Эвсэл “Үндэстнээрээ баяжъя” уриатай мөрийн хөтөлбөрөө танилцууллаа

“Үндэсний Эвсэл”-ээс ээлжит УИХ-ын сонгуульд нэр дэвшигчид үнэмлэхээ гардан авч, иргэд сонгогчидтой хийх уулзалтаа эхлүүлээд байна. УИХ-ын сонгуульд анх удаа оролцож буй “Үндэсний Эвсэл” нь “Үндэсний үйлдвэрлэлээ дэмжье, үндэстнээрээ баяжъя” гэсэн уриан дор мөрийн хөтөлбөрөө боловсруулаад байгаа юм.

“Тавантолгой төмөр зам” ХХК он гарсаар 1.5 сая.тн ачаа тээвэрлэжээ 🛤️

Тээвэрлэсэн ачааг төрлөөр нь ангилбал, 1.1 сая.тн нь экспортын нүүрс, 317.8 мян.тн нь сайжруулсан түлшний түүхий эд, үлдсэн хэсэг нь нефтийн бүтээгдэхүүн, аммоний нитрат болон бусад төрлийн ачаа аж.

 Наадамчдын гүүрийг $74 саяар барина 🌉

Тодруулбал, Туулын авто замыг Нисэхийн хурдны замтай холбох 846.5 м урт тус гүүрийн зураг төслийн ажил дуусжээ. 2 урсгал, 4-6 эгнээ, 2 талдаа явган хүний замтай байхаар төлөвлөгдсөн тус гүүрний барилгын ажил 2024-2026 онд хийгдэж ашиглалтад орох аж.

11 настай охид, хөвгүүдийг папилома вирусын эсрэг вакцинд хамруулна 💉

Ирэх 9-р сараас охид, хөвгүүдэд товлолын дагуу папиллома вирусийн халдварын эсрэг дархлаажуулалтыг хийж эхэлнэ. Хуульд 11 насныхныг дархлаажуулалтад хамруулахаар тусгасан бол бусад насныхан сайн дурын дархлаажуулалтад хамрагдах боломжтой юм.

Лаос руу үхэр, адуу, хонь, ямааны мах экспортолно 🤝

Тодруулбал, Лаосын Ерөнхийлөгчийн Монголд хийсэн айлчлалын үеэр талууд “Монголоос Лаос руу хонь, ямаа, үхэр, адууны хөлдөөсөн мах экспортлох олон улсын мал эмнэлгийн гэрчилгээ”-ний нөхцөл, шаардлагаа харилцан тохиролцож баталгаажуулсан байна.

Гар утас авахдаа e-mongolia-аар шалгаарай 🔎

Иргэдийг хулгайн төхөөрөмж худалдан авахаас сэргийлэх үүднээс E-Mongolia-д IMEI дугаар шалгах үйлчилгээг нэвтрүүлжээ. Үйлчилгээнүүд цэсээс “Алдагдсан, гээгдүүлсэн гар утасны мэдээлэл шалгах” гэсэн сонголтыг дарж худалдан авах гэж буй ухаалаг төхөөрөмжийнхөө IMEI дугаарыг оруулан шалгах юм байна шүү.

Apple TV мазаалайг онцолно

“Apple TV” Монголын говийн Мазаалай баавгайн тухай баримтат кино хийхээр болжээ. Зөвхөн Монгол оронд байдаг бахархалт амьтныг сурталчлах ажилд томоохон дэмжлэг болж буй энэхүү төслийн талаар Говийн мазаалай хамгаалах сангаас мэдээллээ. Тус сан 2017 онд ХБНГУ-ын Лоокпилм компанитай хамтарч “Мазаалай” хэмээх баримтат кино хийж, Европын холбооны улсуудад мазаалайг таниулж байсан юм.

OpenAI, Apple-ийн хамтрал

“OpenAI компани болон Apple компаниуд түншилнэ гэдгээ Дэлхийн хөгжүүлэгчдийн бага хурлын үеэр зарлалаа. ChatGPT-ийг iOS, iPadOS болон macOS-д нэгтгэх ажлыг энэ оны сүүлээр хийнэ гэдгээ мэдэгдээд байна. Түүнчлэн Siri ашиглахдаа OpenAI-ийн ChatGPT-ийг ашиглах эсэхээ хэрэглэгчид өөрсдөө шийдэх гэнэ. Мөн Apple-ийн Writing Tools функц дотор зураг үүсгэх, баримт бичиг болон бичвэр боловсруулах зэрэг боломжийг хэрэглэгчдэд олгох аж.

Чарльз хааны хөрөгт халдлаа

Их Британийн хаан Чарльзын анхны албан ёсны хөрөгт хоёр идэвхтэн малын фермүүдэд амьтны эрх зөрчигдөж буйг эсэргүүцэн халджээ. Ингэхдээ хааны нүүрэн дээр “Wallace and Gromit” анимэйшн киноны гол дүр Уоллосын дүрсийг нааж, “Бяслаг хэрэггүй, Громит. RSPCA фермүүдэд явагдаж буй энэ бүх харгислалыг хараач!” гэсэн өгүүлбэрийг наажээ.

Моторт завиар дэлхийг тойрчээ

24 настай Хироцүгү Кимүра моторт завиар нэг ч зогсолгүйгээр дэлхийг ганцаараа тойрон аялсан хамгийн залуу япон хүн болжээ. Тэрээр аяллаа 2023 оны 10-р сард эхэлүүлсэн аж. Түүнээс өмнө уг амжилтыг өдгөө 57 настай Кожиро Шираиши хэмээх эр 30 жилийн өмнө буюу 27 насандаа тогтоож байжээ.

Moana анимэйшний 2-р ангийн тийзер трейлэр цацагдлаа. Энэ оны 11-р сарын 28-ны өдөр албан ёсоор нээлтээ хийх энэхүү кино нь 2016 онд гарсан эхний ангийн үргэлжлэл байх аж. Тус ангийн найруулагчаар Zootopia, Frozen II зэрэг анимэйшнийг найруулсан Дэвид Деррик ажиллажээ. 🌊