- Makers News
- Posts
- Makers News #70
Powered by
Баасан гарагийн мэнд хүргэе! 😇Бид ногоон үйлдвэрлэлийг хөгжүүлэх зорилгынхоо хүрээнд HUAWEI компанитай хамтран нарны цахилгаан станц байгуулахаар боллоо. 👏👏👏 Ногоон ирээдүйн төлөө хамтдаа! 🔋
🔋 МАК компани Huawei компанитай хамтран нарны цахилгаан станц байгуулна
МАК-чууд бид БНХАУ-ын Huawei компанитай хамтран нарны цахилгаан станц байгуулж, үйлдвэр, уурхайн эрчим хүчний хэрэглээг сэргээгдэх эрчим хүчээр хангахаар боллоо. Тодруулбал, 40МВт-ын нарны цахилгаан станц болон 90МВт-ын цэнэг хураагуур байгуулах юм.
Ингэснээр бид жил бүр 70ГВт.ц ногоон эрчим хүч үйлдвэрлэж, 55 мян.тн буюу 2.5 сая модтой тэнцүү хэмжээний хүлэмжийн хийн ялгарлыг бууруулах боломжтой болж байна. 😇
🌳 “МАК Цемент” ХХК: Говьсүмбэр аймгийн политехникийн коллежийн оюутнуудад үйлдвэрээ танилцууллаа
“МАК Цемент” ХХК-ийн хамт олон Говьсүмбэр аймгийн политехникийн коллежийн оюутнуудад үйлдвэрээ танилцуулан, шаардлагатай ажлын байранд анкет хүлээн авч хамтран ажиллажээ. Үйл ажиллагаанд дараах мэргэжлээр суралцаж буй оюутнуудыг хамруулсан байна.
Зам барилгын машин механизмын оператор
Хүнд машин механизмын засварчин
Гагнуурчин
Автын засварчин
Барилгын цахилгаан монтаж
Нөхөн сэргээлт
🌳 “МАК Цемент” ХХК: Даланжаргалан сумын сурагчид үйлдвэртэй танилцжээ
Дорноговь аймгийн Даланжаргалан сумын 9-р ангийн 36 сурагч “МАК Цемент” үйлдвэртэй танилцжээ. Тус сумын сургуулийн захиргаанаас тавьсан хүсэлтийн дагуу жил бүр сурагчдыг хүлээн авч, үйлдвэртэй танилцуулдаг уламжлалтай. Энэ үеэр сурагчдад ажил, мэргэжлийн чиг баримжаа олгох сургалт зохион байгуулж, мэргэжлийн инженерүүд хүүхдүүдийн сонирхсон асуултад хариулан, зөвлөгөө өгчээ.
🏆 Э.Түдэв MR Olympia Korea Amateur 2024 тэмцээний 2-р байрт шалгарлаа
Хангамж, техник үйлчилгээний газрын Машин техникийн сэлбэг хариуцсан мэргэжилтэн Э.Түдэв БНСУ-д зохион байгуулагдсан MR.Olympia Korea Amateur 2024 бодибилдингийн тэмцээний сонирхогчдын Classic ангилалд оролцож, хоёрдугаар байрт шалгарчээ. Түүний өрсөлдсөн ангилалд Хятад, Солонгос, Тайван зэрэг 13 орны тамирчид оролцсон байна. Танд баяр хүргэе!👏
🏆НСУ: Шагайн харвааны улсын аварга шалгаруулах тэмцээнд амжилттай оролцжээ
Монгол Улсын аварга шалгаруулах Үндэсний шагайн харвааны 34 дэх удаагийн тэмцээнд "МАК Нарийн Сухайт" уурхайн Б.Түвшинбаяр ахлагчтай баг амжилттай оролцож гуравдугаар байр эзэлжээ. Та бүхэнд баяр хүргэе! 👏
Шивээхүрэн-Сэхэ чиглэлийн төмөр замын бүтээн байгуулалт дууслаа 🛤️
Нийт нүүрсний экспортын 48%-г гаргадаг Шивээхүрэн боомтыг БНХАУ-ын Сэхэ боомттой холбох 6.9 км төмөр замын бүтээн байгуулалт дууслаа. Ингэснээр Нарийнсухайтын бүлэг ордоос уул уурхайн бүтээгдэхүүнийг төмөр замаар тээвэрлэн экспортод гаргах шинэ гарц нээгдэж, хилийн боомтын нэвтрүүлэх хүчин чадал 10 сая.тн-оор нэмэгдэх юм.
Нүүрсний экспорт 🚉
Чулуун нүүрсний экспорт он гарснаас хойш 29.9 сая.тн хүрсэн нь өмнөх оны мөн үеэс 34 хувиар өссөн дүн болж байна. Монгол Улсын энэ оны төсөвт 60 сая.тн нүүрс экспортлохоор тооцоолсон бол Засгийн газар нүүрсний экспортыг 78 сая.тн хүргэнэ гэсэн өөдрөг төсөөлөлтэй байгаа юм.
Он гарсаар 3361 өрхөд ипотекийн зээл олгожээ 🏡
Оны эхний 5 сарын байдлаар ₮397.3 тэрбумын ипотекийн зээлийг 3361 өрхөд олгожээ. Үүнээс Улаанбаатарт ₮267.3 тэрбумын зээлийг 2082 өрхөд, орон нутагт ₮130 тэрбумын зээлийг 1279 өрхөд олгосон байна.
Метроны геологийн судалгаа хийх цэгүүдийг тэмдэглэлээ 🚇
Метроны инженер, геологийн судалгааны өрөмдлөг хийх 40 цэгийг тэмдэглэсэн байна. Инженер, геологийн ажлыг 2-3 үе шаттай хийх бөгөөд 6 сарын 15-наас эхлэн тогтоосон байршлын дагуу 40 ширхэг цооногийг тус бүр 30 м-ийн гүн өрөмдөж, анхан шатны мэдээлэл цуглуулах аж.
Цэцэрлэгийн хүүхдийн хоолны зардлыг ₮3,000-₮4,100 болгоно 👶
8-10 цаг ажилладаг цэцэрлэгийн хүүхдийн нэг өдрийн хоолны зардал ₮525-өөр, тусгай болон сувилал, 24 цагаар ажилладаг цэцэрлэгийнх ₮500-өөр тус тус нэмэгдэж буй. Шаардагдах хоолны зардлыг жил бүрийн улсын төсөвт тусгах юм.
 Хайбрид Porsche Porsche 911 спорт загварын автомашиныхаа анхны хайбрид хувилбарыг танилцууллаа. 2025 оны 911 Carrera GTS нь түлшний хэмнэлт болон спорт загварыг хослуулснаараа онцлог юм. Энэхүү шинэ загвар нь 532 морины хүчтэй, 2.9 секундэд 96 км/цаг хүртэл хурдлах боломжтой ба $164,900-оор худалдаалагдах аж. |  Баяртай, Doge Цахим орчин дахь хамгийн алдартай meme-үүдийн нэг, "Doge"-ийн дүр болох шиба ину үүлдрийн Кабосу нэртэй нохой нас баржээ. Түүний зураг нь олон хүнд таалагдаж, Doge койн хэмээх крипто валютын лого болж байв. Түүний эзэн нь тэр 18 настайдаа цус багадах, элэгний өвчний улмаас энэ сарын 24-нд унтаж байхдаа, тайван нойрссон хэмээжээ. |
 “Гэртээ ганцаараа” киноны байшинг зарна “Гэртээ ганцаараа-1” кинон дээр Кэвиний ганцаараа үлддэг байшинг $5.25 саяар зарахаар болжээ. Энэхүү байшин нь унтлагын 5, угаалгын 6 өрөөтэй юм байна. Түүнчлэн алдарт “Queen“ хамтлагийн дуучин Фредди Меркюригийн амьдарч байсан байшинг ч зарахаар болоод байгаа аж. |  Хамгийн залуу зураач Эйс-Лиам гэх Гана хүү дэлхийн хамгийн залуу зураач болж Гиннесийн номд бүртгүүллээ. Хүү ой дөрвөн сартай бөгөөд түүний ээж Шантелл Куукуа Эганы хэлж буйгаар "Тэр ямар өнгө хоорондоо зохицож, холивол ямар өнгө гардгийг аль хэдийн мэддэг болсон" гэжээ. Ээж нь түүний авьяасыг дөнгөж зургаан сартай байхад нь анзаарсан байна. |
Японы “Mitsubishi Electric” компанийн бүтээсэн робот 3х3 рубик шоог 0.3 секундэд эвлүүлж Гиннесийн амжилт тогтоолоо. Энэхүү робот өнгө таних алгоритмаар ажилладаг бөгөөд биетийг 0.009 секундэд 90 градусаар эргүүлж чаддаг аж.
