Makers News #64

😇 MAKBM хуудаст нэгдээрэй

April 26, 2024

Powered by

Өдрийн мэнд! МАК-ийн барилгын материалын бүтээгдэхүүнүүдийн талаарх мэдээллийг нэг дор төвлөрүүлэх MAK Building Materials фэйсбүүк хуудаст нэгдээрэй 😇

👍 MAK Building Materials хуудаст нэгдээрэй

МАК-ийн барилгын материалуудын талаарх мэдээллийг нэг дороос авах боломжтой MAK Building Materials фэйсбүүк хаяг нээгдлээ. Та бүхэн шинэ хуудсыг дагаж, ойр тойрныхондоо мөн хуваалцаарай 😇

🏆 Build Mongolia 2024: МАК “Best Developer” номинацид шалгарлаа

Бид уул уурхай, барилга, бүтээн байгуулалтын салбарынхныг нэгтгэдэг Build Mongolia 2024 үзэсгэлэнд барилгын материалын 5 нэр төрлийн брэнд бүтээгдэхүүнээр оролцож, шинэ бүтээгдэхүүнүүдээ дэлгэн танилцуулж байна. Арга хэмжээ зохион байгуулагчдын зүгээс манай компанийг ''Best Developer" номинацид шалгаруулсан байна.

Арга хэмжээ өнөөдөр өндөрлөх бөгөөд бид хэрэглэгчдэд MAK Building Materials-ийн талаар дэлгэрэнгүй мэдээлэл хүргэн хөнгөлөлттэй үнээр захиалга авч, ханган нийлүүлэлтийн чиглэлээр хамтран ажиллах компаниудыг бүртгэж байна.

☕ “The Maker Cafe” нээлтээ хийлээ

МАК компанийн хэрэгжүүлж буй олон улсын жишиг стандартад нийцсэн, олон нийтэд нээлттэй үйлчлэх “The Maker Cafe”-ийн нээлт боллоо. Уг кафе нь орчны өнгө үзэмжийг нэмэгдүүлж, залуусын чөлөөт цагаа зөв боловсон өнгөрүүлэх газрын тоог нэмж буйгаараа ач холбогдолтой юм.

Цаашид барилгын гаднах талбайд ногоон байгууламж, гэрэлтүүлэг бүхий аюулгүй орчныг бүрдүүлэхээр зорин ажиллаж байна. Нийт МАК-чуудынхаа зүгээс кафегийн хамт олондоо ажлын өндөр амжилт хүсье 😊

💰 Тэтгэврийн хуримтлалын гэрээ байгуулах шинэ боломж

Хас Банк ХК-тай хамтран хэрэгжүүлж буй тэтгэврийн хуримтлалын гэрээг “Makers App”-аар дамжуулан байгуулах боломжтой боллоо. Одоогоор компанийн нийт ажилтнуудын 96 хувь тэтгэврийн хуримтлалын дансаа нээгээд байна 😉

 👨‍🏫👩‍🏫 “Дотоод сургагч багш” хөтөлбөрийн элсэлт сунгагдлаа

“Дотоод сургагч багш” хөтөлбөрийн бүртгэл 2024 оны 5-р сарын 2 хүртэл сунгагдлаа. Та бүхэн уг хөтөлбөрт хамрагдсанаар тасралтгүй суралцаж, илтгэх ур чадвараа ахиулах боломжтой. Дараах холбоосоор бүртгүүлээрэй 😉

🎮 “МАК Цемент” ХХК E-Sport-ийн шилдгүүдээ шалгарууллаа

“МАК Цемент” ХХК E-Sport CUP 2024 тэмцээнээ өнгөрсөн 7 хоногт зохион байгуулсан байна. Тодруулбал, Dota2 төрөлд 8 баг, CS Go-2 төрөлд 8 баг, PubG Mobile төрөлд 8 баг, Mobile Legends төрөлд 10 баг тус тус оролцсон байна 😉

Зэсийн биржийн арилжаа эхэлнэ 😊

Зэсийн баяжмалын анхны цахим арилжааг 4-р сарын 29-нд зохион байгуулахаар боллоо. Эхний арилжаагаар 22.3%-н агуулгатай 3000 тн зэсийн баяжмалыг тн тутмыг $2,141.83-оос эхлэн дуудах аж. Энэ оны төсөвт 1.5 сая тонн зэсийг тонн тутамд $9,000-оор арилжихаар тусгаад байгаа юм.

Xanadu Mines-ийн металлургийн судалгааны үр дүн 👏

Xanadu Mines компани БНХАУ-ын Zijin Mining компанитай хамтран хэрэгжүүлж буй зэс, алтны Хармагтай төслийн металлургийн судалгааны үр дүнгээ танилцууллаа. Хөвүүлэн баяжуулах аргаар хийсэн судалгаагаар зэсийн хүдрийн металл авалт 94%, алтны металл авалт 92% буюу маш сайн гарчээ. Мөн эрдэсжсэн хүдрийн биетийн том ширхэгт хаягдал материалын эзлэх түвшин 43.8% гарсан байна.

Тайланд руу 60 хоног визгүй зорчино 🛫

Гадаад харилцааны сайдын Тайланд дахь айлчлалын үеэр 2 улсын хамтын ажиллагааны 2024-2025 оны хөтөлбөрийг ойрын хугацаанд батлахаар харилцан тохирлоо. Энэ хүрээнд 2 улсын иргэд харилцан визгүй зорчих 30 хоногийн хугацааг 60 болгон нэмэгдүүлэхээр болжээ.

Чингис хаан олон улсын нисэх буудал “4 од”-той боллоо ✈️

Иргэний нисэхийн салбарын түүхэнд анх удаа Чингис хаан олон улсын нисэх буудал нь Английн Skytrax олон улсын судалгаа, үнэлгээний байгууллагаас дэлхийд нэр хүндтэй “4 од” зэрэглэлийн нисэх буудал үнэлгээг авсан байна. Ингэснээр Франкфурт, Сидней, Лондоны Хитроу зэрэг нисэх буудлын эгнээнд багтаж байгаа юм. Уг байгууллага нь терминалын дизайн, бүтээгдэхүүн үйлчилгээ, харилцаа хандлага зэрэг 800 гаруй нарийвчилсан чанарын үзүүлэлтээр үнэлдэг юм байна.

МИАТ 2 дахь Dreamliner B787-9 агаарын хөлгөө хүлээн авлаа 🛬

Энэхүү онгоцоор одоогоор Истанбул, Франкфурт, Сөүл чиглэлд, цаашид АНУ, Сингапур, Австрали руу шууд нислэг үйлдэхээр төлөвлөж байгаа юм байна. Үр дүнд нь нислэгийн давтамж нэмэгдэж, тийзний үнэ буурах нөхцөл бүрдэхээр байгаа юм.

24 тэрбум км-ийн алсаас

Дэлхийгээс 24 тэрбум км зайд хүрээд буй 46 жилийн настай Voyager 1 хөлгийн мэдээлэл кодлох үүрэгтэй чип эвдэрсэн тухай NASA мэдээлж байв. Тэгвэл 5 сар орчим хугацаанд ажилласны үр дүнд мэргэжилтнүүд хөлөгтэй дахин хэвийн холбоо тогтоож чаджээ. 

Spotify-ийн тогтвортой өсөлт

2024 оны эхний улиралд Spotify-ийн сарын нийт идэвхтэй хэрэглэгчдийн тоо өмнөх оноос 19% өсөж, 615 саяд хүрлээ. Ингэснээр тайлант хугацаанд тус компанийн нийт ашиг 1 тэрбум евро болж, 27.6% нэмэгджээ.

Дахин боловсруулах боломжтой живх

Японы Unicharm Corp компани дэлхийн анхны дахин боловсруулагддаг живх үйлдвэрлэн худалдаалж эхэллээ. Уг живх нь “horizontal recycling” буюу буцаагаад ижил төрлийн шинэ бүтээгдэхүүн болгон боловсруулагдах зарчмаар бүтээгдсэн юм байна. Ингэхдээ озон ашиглан бактерийг устгаж, үнэр арилгах тусгай технологийг хэрэглэх гэнэ.

Климтийн сүүлийн бүтээл 30 сая еврогийн үнэ хүрлээ

Густав Климтийн сүүлчийн бүтээлүүдийн нэгд тооцогддог “Фролейн Лизерийн хөрөг” бүтээлийг Вена хотод дуудлага худалдаагаар заржээ. 28 сая еврогоос эхэлж дуудахад нэрээ нууцалсан Хонгконгийн оршин суугч 30 сая еврогоор худалдан авчээ. Климт уг бүтээлийг нас барахаасаа жилийн өмнө буюу 1917 онд Венийн нэгэн жүүд гэр бүлийн захиалгаар зурж байжээ.

DJI SkyPixel-ээс зохион байгуулсан 9 дахь удаагийн зураг болон видеоны уралдаанд Видео контент бүтээгч С.Ангараг буюу Coziestone “Mongolia” бүтээлээрээ оролцож шагналт байр эзэллээ. Монгол орны байгалийн үзэсгэлэнт тогтоцыг харуулах энэхүү бичлэгийг хүлээн авна уу 📹