Makers News #63

📃 Б.Нямтайшир даргын байр суурь

April 19, 2024

Powered by

Баасан гарагийн мэнд! 😇УИХ-ын ээлжит чуулганаар Үндэсний баялгийн сангийн тухай хуулийн төслийг хэлэлцэж байгаатай холбогдуулан Бодлогын зөвлөлийн дарга Б.Нямтайшир байр сууриа илэрхийллээ. Хуулийн төсөл болон бусад зайлшгүй мэдэх ёстой зүйлсийн талаар цахим товхимлын энэ дугаараас хүлээн аваарай. 😇

📰 Бодлогын зөвлөлийн дарга Б.Нямтайширын байр суурь

📌 УИХ-ын хаврын ээлжит чуулганаар Үндэсний баялгийн сангийн тухай хуулийн төслийг яаралтай горимоор хэлэлцэж байна.

📌 Уг хуулийн төслийн талаар Бодлогын зөвлөлийн дарга Б.Нямтайширын "Өдрийн сонин”-д өгсөн ярилцлагыг та бүхэн уншиж, МАК компани ямар байр суурьтай байгаатай танилцаарай.

Хуулийн төсөлд тусгасан гол асуудлыг хөндөж, шийдэл дэвшүүлсэн энэхүү ярилцлагыг олон нийтэд түгээж, дэмжиж өгнө үү, баярлалаа. 😇

🤝 SX-EW үйлдвэрийн EPS гэрээг байгууллаа

БНХАУ-ын CHINA ENFI ENGINEERING CORPORATION компанитай Цагаан суваргын төслийн SX-EW үйлдвэрийн EPS /инженерийн шугам сүлжээ, худалдан авалт болон барилгын үйлчилгээг гүйцэтгэх цогц гэрээ/ гэрээг байгууллаа. SX-EW үйлдвэр нь Цагаан суваргын ордын исэлдсэн хүдрээс жилд 6000 тонн катодын зэс гарган авах хүчин чадал бүхий үйлдвэр юм 📃

💁 МЕБҮ: Хамтын ажиллагааг сайжруулах хүрээнд сургалт зохион байгууллаа

МАК Евро Блок үйлдвэр Нэгдсэн менежментийн тогтолцооны стандартын шаардлагын хүрээнд оролцогч талуудын хэрэгцээг тодорхойлох, хамтын ажиллагааг сайжруулах зорилгоор "Хөдөлмөрийн аюулгүй байдал, эрүүл мэндэд уур амьсгалын өөрчлөлтийн үзүүлэх нөлөө" сэдэвт сургалт зохион байгуулсан байна. Уг арга хэмжээнд Төмөр замын УБ өртөө, Баян өртөө, ТТТХК, Зэвсэгт хүчний 314-р ангийн нийт 70 гаруй ажилтан, албан хаагч оролцжээ.

Энэ үеэр:

  • Евроблок үйлдвэрийн ХАБЭАБО хэсгийн ХАБЭА-н инженер Б.Мөрөнтамир “Үйлдвэрт хэрэгжиж буй стандартуудын үр нөлөө”

  • Чила лектор “Хөдөлмөрийн аюулгүй байдал ба Сэтгэл зүй” сэдвээр тус тус сургалт зохион байгуулж, оролцогчдын дунд АХА тэмцээн зохион байгуулсан байна.

💰 “Дотоод сургагч багш” хөтөлбөрийн 2024 оны элсэлт эхэллээ

Та бүхэн дотоод сургагч багш хөтөлбөрт хамрагдсанаар тасралтгүй суралцаж, илтгэх ур чадвараа ахиулах боломжтой. Дараах холбоосоор нэвтэрч бүртгүүлээрэй. 😉

💰 Тэтгэврийн хуримтлал таныг ирээдүйд учирч болзошгүй санхүүгийн эрсдэлээс хамгаална

Хас Банк ХК-ийн ажилтнууд тэтгэврийн хуримтлалаа хэрхэн үр дүнтэй ашигласан тухай видео контентыг хүлээн авна уу. Одоогоор манай компанийн нийт үндсэн ажилтнуудын 96% нь тэтгэврийн хуримтлалын гэрээ байгуулаад байна. Та бүхэн ирээдүйд үүсэж болзошгүй санхүүгийн эрсдэлээс өөрийгөө болон гэр бүлээ хамгаалж, тэтгэврийн хуримтлалын хөтөлбөртөө идэвхтэй хамрагдаарай 🤩 

💁‍♀️ ТАНИЛЦ: Нийгмийн даатгалын багц хуулийн өөрчлөлт

Нийгмийн даатгалын багц хуульд дараах өөрчлөлтүүд оржээ. Тодруулбал,

  • Ажилгүйдлийн тэтгэмж авах даатгуулагч ажлаас чөлөөлөгдсөн тухай ажил олгогчийн шийдвэр гарсан өдрөөс хойш 4 долоо хоногийн дотор, хүндэтгэн үзэх шалтгаантай бол 3 сарын дотор хүсэлтийг шийдвэрлэхээр болжээ. Өмнө нь хуанлийн 14 хоногт шийдвэрлэдэг байсан юм.

  • Хөдөлмөрийн чадвараа түр алдсаны тэтгэмж авах даатгуулагч эрүүл мэндийн байгууллагаас олгосон эмнэлгийн хуудас авснаас хойш 4 долоо хоногийн дотор, хүндэтгэн үзэх шалтгаантай бол 6 сарын дотор шийдвэрлэхээр болжээ. Өмнө нь ажлын 5 хоногт шийдвэрлэх журамтай байсан юм.

Аж үйлдвэрийн салбарын үйлдвэрлэл өсөж байна 👏

Аж үйлдвэрийн салбарын үйлдвэрлэл I улиралд 13.6% нэмэгдэж, урьдчилсан гүйцэтгэлээр ₮7.2 их наяд боллоо. Үүнд уул уурхайн олборлолт 14.5% өсөж ₮5.1 их наяд, боловсруулах салбарын үйлдвэрлэл 9.9% өсөж ₮1.4 их наядад хүрсэн нь голлон нөлөөлсөн юм. Сонирхуулахад, уул уурхайн салбарын борлуулалт тайлант хугацаанд ₮10.6 их наядад хүрчээ.

Монголбанкны зээлийн мэдээллийн санд орохгүй байх боломж 💸

Монголбанк 04/01-ний байдлаар анхаарал хандуулах, хэвийн бус, эргэлзээтэй болон муу зээлийн ангилалтай, зээл нь бүрэн төлөгдөж дууссан зээлдэгч, төлбөр хариуцагчийн зээлийн мэдээллийг Монголбанкны зээлийн мэдээллийн санд тусгахгүй байхаар шийдвэрлэжээ. Мөн анхаарал хандуулах болон чанаргүй зээлийн ангилалд орсон зээл, өр төлбөрөө 06/02-ны дотор барагдуулсан тохиолдолд дээрх арга хэмжээнд хамруулах юм байна.

БНХАУ-ын нүүрсний импорт өсөв 📈 

БНХАУ оны эхний улиралд 97 сая.тн нүүрс импортолсон байна. Тус улсын зүгээс 2024 онд нүүрсний импортыг өсгөхгүй хэмээж байсан ч, эхний улирлын гүйцэтгэлээр өмнөх оноос 17% өндөр үзүүлэлттэй гарчээ.

Оюу толгойн өсөлт 📈

Оюу толгойн зэсийн олборлолт өнгөрсөн оны мөн үетэй харьцуулахад 8 хувиар өссөн байна. Тайлант хугацаанд Оюу толгойн гүний уурхайгаас 1.3 сая тонн хүдэр гарган авсан бөгөөд зэсийн дундаж агууламж нь 1.67 хувьтай байжээ. Харин ил уурхайгаас 0.39 хувийн дундаж агууламж бүхий 9 сая тонн хүдэр олборлосон байна..

Татварын орлого нэмэгджээ 💰

Татварын нийт орлого I улиралд 2023 оны мөн үеэс 52% өсөж ₮6.9 их наяд болов. Тус өсөлтөд орлогын албан татвар 78.7% өсөж ₮2.5 их наяд, НӨАТ 31% өсөж ₮1.3 их наядад хүрсэн нь голлон нөлөөлсөн байна. Харин татварын бус орлого 59% нэмэгдэж ₮413 тэрбум болжээ.

Сонгогчдын нэрийн жагсаалтад байгаа хаягийн мэдээллээ шалгаарай 😉

Та бүхэн дараах зааврын дагуу оршин суугаа хаягийн бүртгэлд бүртгэгдсэн нийт сонгогчийн мэдээлэлтэй танилцаарай. Мөн Сонгуулийн тухай хуулийн 25 дугаар зүйлийн 25.1 дэх хэсэгт заасны дагуу шилжин суурьших хөдөлгөөний бүртгэлийг энэ сарын 29-нөөс эхлэн түр хугацаанд зогсоох гэж байгаа шүү.

Дулаарал ба экосистем

Дэлхийн дулаарлын нөлөөгөөр далайн усны температур нэмэгдэж, экосистемийн тэнцвэрт байдалд чухал үүрэг гүйцэтгэдэг далайн шүр устах аюул тулгараад байна гэж АНУ-ын эрдэмтэд мэдээллээ. Далайн шүрний өнгө цайрч байгаа бөгөөд энэ нь аажмаар ялзарч, муудаж байгааг илтгэж байгаа аж.

OpenAI Ази тивд хөл тавилаа

Зах зээлийн үнэлгээ нь $80 тэрбумд хүрээд байгаа OpenAI компани Ази тивд хөл тавьж, Токио хотод шинэ салбараа нээжээ. Ингэснээр тус компани Японы дэлхийд тэргүүлэгч Toyota, Rakuten, Daikin зэрэг компаниудын үйлдвэрлэлийг автоматжуулахад туслах боломжтой хэмээн мэдэгдээд байна.

Сансрын хаягдал дэлхийд уналаа

Энэ сарын эхээр АНУ-ын Флорида муж дахь нэгэн айлын байшингийн дээрээс металл биет тааз, шалыг нь цөмлөн унасан юм. Үүнийг NASA судалсан ба тухайн биет нь Олон улсын сансрын станцын хэлтэрхий байсныг тогтоожээ. Сансрын хог хаягдал дэлхийгээс ангид байхаа больж байна. 

Уйтгартай утастай болох уу?

Nokia, Heineken компаниуд хамтран дижитал ертөнцөд бага цаг зарцуулж, бодит амьдралаа мэдрэхийг уриалан “уйтгартай утас” гаргалаа. Уг утас нь дотор талдаа 2.8 инч, гадна талдаа 1.77 инчийн дэлгэцтэй, 0.3 MP камертай, 2G, 3G, 4G дэмждэг юм байна. Ердөө 5000 ширхэгийн зах зээлд гаргах аж.

Лана Дел Рей Coaсhella наадмын тайзнаа 10 жилийн дараа эргэн ирлээ. Тэрээр энэ жилийн наадмын салхийг хагалан "Summertime Sadness" болон "Doin' Time" дуунуудаа дуулсан юм. 🥰