Makers News #61

🏡 MAKBM Event-ийн эргэн тойронд

April 05, 2024

Powered by

Баасан гарагийн мэнд ээ! 😇 Энэ удаагийн дугаарт MAK Building Materials арга хэмжээний эргэн тойронд өрнөсөн гол мэдээллүүдийг тоймлон хүргэхээр бэлтгэлээ. Бид цаашид юунд зорьж, ямар төслүүдийг хэрэгжүүлэхээр төлөвлөж байгааг цахим товхимлоосоо мэдэж аваарай. Дэлхий хаашаа, бид тийшээ. 🟢

🏡 MAKBM Event-ийн эргэн тойронд

Аж үйлдвэржилт, барилгын салбарын холбоод, мэргэжилтнүүд, экспертийг нэг дор цуглуулан салбарын тулгамдсан асуудал, шийдлийн талаар олон талт хэлэлцүүлэг өрнүүлж, шинэ бүтээгдэхүүнүүд болон "Аж үйлдвэрийн парк" байгуулах төслөө танилцуулсан “MAK Building Materials” арга хэмжээ энэ 7 хоногт зохион байгуулагдлаа 🤩

Бид өнгөрсөн хугацаанд юу бүтээв? 👀

Эх орны эрдэс, түүхий эдээр баялаг бүтээх алсын хараатайгаар барилгын материал үйлдвэрлэлийн төслөө бид 2012 оноос хэрэгжүүлж эхэлсэн. Одоогийн байдлаар европ стандартын блок, цемент, цонх, хаалга, агаар сэлгэлтийн хоолой, хуванцар поддон, барилгын болон технологийн шохой болон Япон стандартын бетон зуурмагийн зэрэг 7 үйлдвэрийг ашиглалтад оруулаад байна. Үүнээс гадна, өнгөрсөн хугацаанд нийт 260 гаруй сая ам.долларын гадагш чиглэх валютын урсгалыг эх орондоо үлдээж, аж үйлдвэрийн салбарт 1200 орчим ажлын байрыг бий болгоод байна 👏

Бид одоо юу бүтээж байгаа вэ? 😎

Хуванцар поддон, си төмөр, дугариг агаар сэлгэлтийн хоолой, ирмэг дарсан, нүхэлсэн шил болон бетон зуурмаг, зөөврийн бетон зуурмагийн үйлдвэр зэргийг зах зээлд нэвтрүүлж эхэлснээ “MAKBM 2024” арга хэмжээний үеэр танилцуулсан юм.

Бид цаашид юунд зорьж байна вэ? 🟢

💚Үйл ажиллагаандаа ESG стандартыг нэвтрүүлж, үйлдвэр, уурхайн бүх техникийг үе шаттайгаар цахилгаан хөдөлгүүрт шилжүүлж, эрчим хүчний хэрэглээгээ нар, салхи зэрэг сэргээгдэх эрчим хүчээр шийднэ.

✅Түүнчлэн хүлэмжийн хийг бууруулах шийдэл бүхий ногоон цемент үйлдвэрлэнэ.

🏭"Аж үйлдвэрийн парк" байгуулах төслийн хүрээнд бетон хийцийн үйлдвэр, 3D принтинг студи, инженерчилсэн чулуун хавтан, гипсэн хавтан, шил болон хуванцар бүтээгдэхүүний үйлдвэр байгуулахаар төлөвлөөд байна.

🚛 Хэрэглэгчдэдээ улам ойртож, тээвэрлэлтийн асуудлыг шийдэх үүднээс УБ хотод MAK East, MAK West, MAK Central гэсэн 3 борлуулалтын төв ажиллуулж байгаа бөгөөд цаашид Дархан, Цогтцэцийд шинээр борлуулалтын төв нээхээр ажиллаж байна.

🌐 НСУ: Ажилтнууд санаачилга гарган мазаалай хамгаалах ажил эхлүүллээ

Нарийнсухайтын уурхайн ажилтнууд өөрсдийн санаачилгаар нэн ховордсон амьтан болох Мазаалай баавгайг хамгаалахаар Гурвантэс сумын Тост багийн нутаг дэвсгэрт орших Тост Тосон бумбын нурууны байгалийн нөөц газрын хамгаалалтын баруун захад өвс, тэжээлийн нөөцийн сав байршууллаа. Цаашид тус цэгт байх уст цэгт хөдөлгөөн мэдрэгчтэй хяналтын камер суурилуулахаар төлөвлөж байгаа юм байна.

Санаачилга гарган бодит ажил хэрэг болгож буй ажилтнууддаа нийт МАК-чуудынхаа нэрийн өмнөөс талархал илэрхийлье 👏

👩‍⚕️ “Надтай хамт ажиллах уу?” контентын шинэ дугаар

Олон улсын эмч нарын баярыг тохиолдуулан "Надтай хамт ажиллах уу?" контентод Нарийнсухайтын уурхайн их эмч Ц.Оюун оролцлоо. Та бүхэн шинэ дугаарыг хүлээн авч үзнэ үү 👇

Тус контентод оролцон өөрийн ажил үүргээ танилцуулах хүсэлтэй ажилтнууд [email protected] хаягаар холбогдоорой.

🐟 Загасчлалын тэмцээний шилдгүүд тодорлоо

Нийт ажилтнуудын дунд уламжлал болгон зохион байгуулагддаг "Спорт загасчлалын аварга шалгаруулах тэмцээн" 2024 оны 3-р сарын 30,31-ний өдрүүдэд Архангай аймгийн Өгийнуур суманд боллоо. Тэмцээнд нийт 7 баг, 28 тамирчин оролцож, 2 үеийн турш өрсөлдсөн юм.

🥇 Нэгдүгээр байр: МАК Цемент ХХК

🥈 Хоёрдугаар байр: Харуул хамгаалалт, аюулгүй байдлын газар

🥉 Гуравдугаар байр: Геологи, хайгуулын газар 

МАК Цемент ХХК-ийн Ц.Отгонпүрэв болон Б. Лхагвасүрэн нар 430гр Алгана загас барьж "Хамгийн том загас" номинацийн эзэд болжээ. Мөн Ц.Отгонпүрэв “Хамгийн түрүүнд загас барьсан” оролцогчоор шалгарсан байна 🐟

ААН-ийн орлогын албан татварын хуулийн төслийг хэлэлцэнэ ⚖️

Стратегийн ач холбогдол бүхий ордын тусгай зөвшөөрөл эзэмшигч хувьцаа, саналын эрхээ өвлүүлсэн, бэлэглэсэн тохиолдолд 30%-ийн татвар ногдуулах хуулийн төслийг УИХ-ын чуулганаар хэлэлцэх гэж байна. Аж ахуйн нэгжийн орлогын албан татварын тухай хуульд нэмэлт өөрчлөлт оруулах тухай хуулийн төсөлд одоо байгаа 10%-ийн татварыг 30% болгон нэмэгдүүлэхээр тусгаад байгаа юм байна.

TMK Energy-ийн туршилт амжилттай болж байна ⚒️

2023/04-р сард өрөмдлөгийн ажил нь эхэлсэн Нарийнсухайтын туршилтын гурван цооногийн олборлолт оны турш тасралтгүй явагдаж, хийн урсгалын хэмжээ нь тогтмол нэмэгдсээр байсныг TMK Energy компани 2023 оны үйл ажиллагааны тайландаа онцолсон байна. Мөн хөндлөнгийн шинжээчдээр дүгнэлтээр “Гурвантэс XXXV” төсөл нь техник шинж чанарын хувьд маш сайн, туршилтын цооногийн хөтөлбөр сайн загварчлагдсан, менежмент үр дүнтэй гэж гарчээ.

Гашуунсухайт-Ганцмод чиглэлийн төмөр замыг холбохоор тохиролцлоо 🚆

Хил дамнасан төмөр замын гүүрийг хамтран барих тухай 2 улсын ЗГ хоорондын хэлэлцээр баталгаажлаа. Үр дүнд нь байгуулснаар 10 гаруй жил хүлээгдэж байсан Монгол, Хятадын Гашуунсухайт-Ганцмод боомтын хил дамнасан төмөр замыг холбох, түүний бүтээн байгуулалтыг эхлүүлэх эрх зүйн үндэс бүрдэж байгаа юм.

I улиралд ₮230 тэрбумын ипотекийн зээл олгов 🏠

2024 оны I улиралд 2,000 өрхөд ₮230 тэрбумын ипотекийн зээл олгосон байна. Нийт зээлийн 65%-ийг Улаанбаатар хотын 1,200 өрхөд олгоод буй. Сонирхуулахад, энэ онд 6,400 өрх ₮802.6 тэрбумын дүн бүхий зээлийн хүсэлтийг банкнуудад өгчээ.

Үерийн улмаас Монгол улс жилд $24 саяын хохирол амсаж байна 🌊

Үерийн эрсдэлтэй бүсэд усан хангамж, ариун цэвэр, эрүүл ахуйн 18 байгууламж барихаар төлөвлөөд байна. Тус ажлыг Японы ЗГ-ын санхүүжилтээр НҮБ-ын Хүүхдийн сан хамтран хэрэгжүүлэх $1.8 саяын өртөгтэй төслийн хүрээнд санхүүжүүлэх юм байна. Сонирхуулахад, Монгол Улс үерийн гамшгийн улмаас жилд дунджаар 24 сая ам.долларын хохирол амсдаг гэсэн тооцоо судалгаа гарчээ.

Нисэх буудалд робот нохой ажиллаж байна

АНУ-ын Аляска мужийн хоёр дахь том нисэх буудал зэрлэг амьтдыг үргээх зорилгоор робот нохой ашиглаж эхэлжээ. Аляскын бусад нисэх буудлууд зэрлэг амьтдыг нислэгт саад учруулахаас сэргийлэхийн тулд чанга дуу чимээ гаргах, заримдаа үрлэн сум бүхий буу ашигладаг байна. Өнгөрсөн онд Аляск даяар зэрлэг амьтан нисэх онгоцтой мөргөлдсөн 92 тохиолдол бүртгэгджээ.

Робот туслахтай болох цаг айсуй

Apple компани цахилгаан автомашин бүтээх төслөө орхисныхоо дараа гэрийн ажилд туслах робот бүтээх төсөл эхлүүлэх гэж байгаа юм байна. Технологийн салбарын бусад компаниуд ч энэ төрлийн роботуудыг зохион бүтээхээр ажиллаж байгаа. Тухайлбал, 2021 онд Amazon.com компани 1600 долларын үнэтэй Астро роботоо танилцуулж байлаа.

Робот аж үйлдвэрийн парк

Хятад улс нийтийн үйлчилгээний талбар бий болгох, робот технологийн салбарт инновац нэвтрүүлж буй ААН-үүдийг дэмжих зорилгоор робот аж үйлдвэрийн парк байгуулахаар зэхэж байна. Аж үйлдвэрийн паркын бүтээн байгуулалт эхэлсэн бөгөөд 2026 оны эхний хагаст ашиглалтад оруулахаар төлөвлөж байгаагаа мэдэгдээд байна.

Тэрбумтнуудын тоо нэмэгдсээр

Энэ онд тэрбумтнуудын жагсаалтад 2,781 хүн шинээр багтсан нь түүхэн дээд үзүүлэлт болсныг Forbes сэтгүүл мэдээллээ. Сонирхуулахад, дуучин Тэйлор Свифт болон OpenAI компанийн Гүйцэтгэх захирал Сэм Олтмэн нар тэрбумтан болжээ. Жагсаалтыг Францын LVMH группийн эзэн Бернар Арно $233 тэрбумын хөрөнгөөр тэргүүлсээр байна.

Алдарт дуучин Beyoncé-ийн “Texas Hold ‘Em” дуу нь цацагдсан даруйдаа Billboard-ийн жагсаалтын нэгт бичигдсэнээр тэрээр энэ төрөлд тэргүүлсэн хамгийн анхны хар арьст эмэгтэй дуучин болоод байна. Түүний уран бүтээлийг сонирхоцгооё 👇