Makers News #58

Хуримтлалтай МАК-чууд 💰

March 15, 2024

Powered by

Өдрийн мэнд ээ! Makers news цахим товхимлын 58 дахь дугаар та бүхэнд хүрч байна. Хэрвээ та тэтгэврийн хуримтлалын гэрээгээ байгуулж амжаагүй бол харьяа компани, үйлдвэр, уурхайнхаа Хүний нөөцийн мэргэжилтэнд хандаарай. 😇

👷‍♀️ Нийт ажилтнуудын 80.7% нь тэтгэврийн хуримтлалтай болжээ

Энэ оноос компанийн цалин урамшууллын бодлого шинэчлэгдэж, нийт үндсэн ажилтнууддаа дараах 4 төрлийн урамшууллыг олгож эхлээд байгаа. Тодруулбал,

  • Тэтгэврийн хуримтлал

  • Жилд 6 удаагийн цалинтай чөлөө

  • Жилийн ₮10 саяын нөхөн төлбөр бүхий эрүүл мэндийн даатгал

  • Хүүхдийн сургалтын төлбөрийн дэмжлэг зэрэг юм.

Энэ хүрээнд нийт ажилтнуудын 80.7% нь тэтгэврийн хуримтлалын гэрээ байгуулаад байна. Хэрвээ та гэрээгээ байгуулж амжаагүй бол өөрийн ажиллаж буй харьяа компани, үйлдвэр, уурхайн Хүний нөөцийн мэргэжилтэнд хандаарай.

Түүнчлэн Захиргаа Удирдлагын газрын Архив, бичиг хэргийн эрхлэгч Б.Отггонцэцэгт /[email protected]/ хандан мэдээлэл авах боломжтой.

👩‍🎓 ТАНИЛЦ: Жинхлэх тайлан бэлдэх загвар

Захиргаа Удирдлагын Газраас шинэ ажилтнуудад зориулан Жинхлэх тайлан бэлтгэх загвар гаргалаа. Тиймээс та бүхэн дараах загварын дагуу тайлангийн материалаа бэлтгээрэй. Үндсэн ажилтнууд газар, нэгжийнхээ шинэ ажилтнуудад энэ талаар дуулгаарай. 🤗

👩‍🎓 НСУ: ХАБЭА-г эрхэмлэгч ажилтнуудаа шалгарууллаа

Нарийнсухайтын уурхайн хамт олон аюулгүй ажиллагааны соёл төлөвшүүлэх, аюулгүй ажиллагааны манлайлал бий болгох зорилгоор сар бүр ХАБЭА-г эрхэмлэн ажиллаж буй шилдэг ажилтнуудаа шалгаруулж байна. Энэ сарын шилдэг ажилтнаар:

  • Д.Амартүвшин - Хово автосамосвалын жолооч

  • Ж. Баясгалан - Электоринкийн мастер

  • Х.Мухамедали - Тохируулгын цахилгаанчин

  • Б.Номинбат - Электоринкийн мастер нар тус тус шалгарсан байна. Та бүхэнд баяр хүргэе! 🎉

Эрдэнэт үйлдвэрийн Үйлдвэрлэл, технологийн парк 2027 онд ашиглалтад орно 👏

Тус паркийн төсөл 2021 онд эхэлсэн бөгөөд батлагдсан ТЭЗҮ-ээр $762 саяын өртөгтэй зэсийн баяжмал боловсруулах үйлдвэр, $60 саяын катодын зэсийн үйлдвэр, $40 саяын молибдены баяжмал боловсруулах үйлдвэр тус тус байгуулах юм.

Энэ онд нүүрс экспортын рекорд шинэчлэгдэх төлөвтэй байна 😇

Манай улс энэ оны эхний хоёр сард нийт 10.9 сая тонн нүүрс экспортолсон талаар Үндэсний статистикийн хорооноос тайлагналаа. Өнгөрсөн оны эхний хоёр сард 8 сая тонныг экспортолж байсан бол 2022 оны мөн үед 1.3 сая тонныг гадны зах зээлд нийлүүлж байсан юм.

УИХ 46 шинэ төсөл, арга хэмжээний төсөвт өртгийг өөрчлөн баталлаа 😑

Тодруулбал, Баянхонгор-Шаргалжуут чиглэлтийн 54.2 км авто замын өртөг ₮54.4 тэрбумаар нэмэгдсэн. Харин музей, боловсролын салбарт тоног төхөөрөмж авах зэрэг 8 төслийн төсөв ₮7.8 тэрбумаар буурч батлагджээ.

Гэдэсний халдварт өвчнөөс сэргийлэхийг анхаарууллаа 🦠 

Нийслэлийн Эрүүл Мэндийн Үндэсний төвөөс цаг агаар дулаарч байгаатай холбогдуулан гэдэсний халдварт өвчин тархах магадлал нэмэгдэж байгааг анхаарууллаа. Халдварт өвчинд бага насны хүүхдүүд хамгийн ихээр өртдөг тул өдөр тутамд гарыг нь бүлээн усаар савандаж угаан бохирлогдсон эд зүйлд хүрсэн даруйд цэвэрлэж байхыг анхааруулж байна.

Хайгуулын ажиллагааг эрчимжүүлнэ ⚒️

Өдгөө Монгол Улсын нийт нутаг дэвсгэрийн 3.3%-ийг ашигт малтмалын хүчин төгөлдөр тусгай зөвшөөрөлтэй талбай буюу хайгуулын талбай эзэлж байна. Харин геологийн суурь судалгаа болох 1:50000 масштабтай зураглал хийгдсэн талбайн эзлэх хувь 45 орчим хувьтай байна. 2024 оны төсөвт 40 тэрбум төгрөгийг хайгуулын зардалд суулгаж, туршилтын шугамаар 3 тэрбум төгрөгийн хайгуулын суурь судалгаа хийх тендер зарлаад байгаа юм. Тус тендерт агаарын геофизикийн судалгаагаар Австралийн Xcalibur компани шалгарчээ.

Apple-ийн талаарх шинэ таамаг

Технологийн шинжээч Мин-Чи Куо “Apple” компани ойрын хугацаанд MacBook бүтээгдэхүүний эвхэгддэг хувилбарыг танилцуулж, 2027 оноос масс үйлдвэрлэлд шилжүүлэх төлөвтэй байна хэмээн мэдээлжээ. Түүний таамаглалаар тус бүтээгдэхүүн нь iPhone эсвэл iPad-ийн эвхэгддэг хувилбаруудаас түрүүлж зах зээлд гарах магадлалтай аж.

Super Mario-той дахин уулзах нь

“Nintendo" болон "Illumination" студи хамтран Super Mario тоглоомын франчайзад суурилсан хоёр дахь хүүхэлдэйн киног 2026 оны 4-р сард зах зээлд нэвтрүүлэхээр болжээ. Тус франчайзын анхны кино болох The Super Mario Bros. Movie нь өнгөрсөн оны дөрөвдүгээр сард үзэгчдийн хүртээл болж, борлуулалтаараа тэргүүлсэн юм.

Робот эмэгтэй хүний биед халдав

Саудын Арабын QSS компани тус улсын анхны хүн дүрст роботыг олон нийтэд танилцуулах арга хэмжээний үеэр “Muhhamad the Humanoid Robot“ нэртэй робот эмэгтэй хүний биед халдлаа. Болсон үйл явдлын дараа QSS компани бүтээлээ хүний удирдлагагүйгээр бүрэн бие даан ажиллапаг гэхээс өөр тайлбар өгөөгүй юм.

“Төмөр уушги”-тай эрхэм таалал төгслөө

Халдварт саа өвчний хүндрэлийн улмаас бие нь хүзүүнээсээ доош мэдээгүй болж амьдралынхаа 70 жилийг “төмөр уушги” гэх машинд өнгөрүүлсэн Паул Александр 78 насандаа таалал төгсжээ. Тэрээр амьсгалах техникт суралцаж "төмөр уушги"-аас өдөрт хэдэн цаг гардаг байсан ба энэ цөөн хэдэн цагийг ашиглан коллежид суралцаж, 30 жилийн турш өмгөөлөгчөөр ажиллажээ.

Уэльсийн гүнж Катерин өнгөрсөн зул сарын баяраас хойш олны өмнө ил гарахгүй байгаагаас үүдэн олон цуу яриа дэгдэж байгаа юм. Өнгөрсөн амралтын өдрөөр Кенсингтон ордны захиргаанаас Катерины хүүхдүүдтэйгээ авхуулсан гэрэл зургийг нийтэлсэн боловч засварласан зураг болох нь илчлэгдэж дэлхий нийтийн анхаарлыг татаад байна. 👇