Makers News #55

"МАК Централ"борлуулалтын төв нээгдэхэд бэлэн боллоо 👏

February 23, 2024

Powered by

Баасан гарагийн мэнд! Хүйтний ам цаашилж, барилгын салбарын үйл ажиллагаа идэвхжих дөхсөн энэ үеэр “МАК Централ” борлуулалтын төвийн бүтээн байгуулалт дуусаж, үйл ажиллагаагаа эхлүүлэхэд бэлэн болоод байна. 😊

🎉 “МАК Централ” борлуулалтын төв үүд хаалгаа нээхээр бэлдэж байна

БГД-ийн 24-р хорооны нутаг дэвсгэрт байрлах “МАК Централ” борлуулалтын төвийн бүтээн байгуулалт дуусаж, үйл ажиллагаагаа эхлүүлэхэд бэлэн боллоо. Тус төв нь энэ оны хоёрдугаар сараас МАК евро цемент, МАК евро блок бүтээгдэхүүний татан авалтаа эхлүүлэн борлуулалтын бэлтгэл ажлаа хангаж байгаа юм.

Энэхүү төв нь 17,500 тн савласан цементийн багтаамж бүхий агуулах, 4,000 м3 блок байршуулан хадгалах талбай, ачаа вагон хүлээж авах 72м төмөр зам шинээр байгуулан ашиглалтад оруулаад байгаа юм.

Түүнчлэн цахилгаан хангамжийн 800кВт хүчин чадал бүхий КТПН угсарч, цэвэр, бохир ус, ус шингээлтийн худаг зэрэг инженерийн шугам сүлжээний ажил гүйцэтгэжээ.

😎 МАК-ийн үйлдвэр уурхайгаар аялаарай

Компанийн вэб сайтад үйлдвэр уурхайн 360о аяллын цэс нэмэгдлээ. Та бүхэн дараах холбоосоор зочлон үйлдвэр, уурхай болон Шивээхүрэн терминалын бүтээн байгуулалттай танилцаарай.

👩‍🏫 НСУ: Усны менежментийн план зурагтай боллоо

Усны менежментийн план зурагтай болсноор ажилтнуудад уурхайн усны хэрэглээг баталгаат эх үүсвэрээс хангаж байгаа тухай мэдээлэл өгч, усны зүй зохистой хэрэглээний талаарх мэдлэгийг нь дээшлүүлэх ач холбогдолтой юм.

Мөн Нарийнсухайтын уурхай энэ онд ахуйн хэрэглээний усаа хэмнэх, хянах зорилгоор нийтийн байр, ариун цэврийн өрөө, угаалгын өрөөнүүдэд автомат холигч цорго туршилтаар суурилуулж эхэлжээ.

👩‍🏫 НДЕГ-аас сургалт зохион байгууллаа

“Нийгмийн Даатгалын Ерөнхий Хууль” шинэчлэгдсэнтэй холбогдуулан НДЕГ-аас төв оффист сургалт зохион байгууллаа. Сургалтад Захиргаа удирдлагын газар, Санхүү бүртгэлийн газар, Эрх зүйн газрын ажилтнууд болон үйлдвэр, уурхайн хүний нөөц, санхүүгийн мэргэжилтнүүд цахимаар хамрагдлаа.

⛹️ МЕВАХҮ: Спортын шилдгүүдээ тодруулна

МЕВАХҮ-ийн хамт олон МАК-ийн спортын наадмын бэлтгэлээ хангах, салбарын ажилтнуудын эрүүл мэнд, бие бялдрын хөгжил, спортын ур чадварыг дээшлүүлэх зорилгоор Сагсан бөмбөг болон Волейболын аваргуудаа шалгаруулахаар болжээ. Тодруулбал,

  • 2024.02.24-ний өдөр Сагсан бөмбөгийн аварга шалгаруулах тэмцээн

  • 2024.03.02-ны өдөр Волейболын аварга шалгаруулах тэмцээнээ тус тус зохион байгуулах юм байна.

Эдийн засгийн өсөлт 2018 оноос хойших хамгийн өндөр түвшинд хүрлээ 📈

Нүүрсний экспорт түүхэн дээд хэмжээнд хүрсэн 2023 онд Монгол Улсын дотоодын нийт бүтээгдэхүүн 7% өссөн гэж Үндэсний статикийн хорооноос мэдээллээ. Энэ өсөлтөд уул уурхай, олборлолтын салбарын өсөлт голлох нөлөө үзүүлжээ. Тодруулбал, 7%-ийн 4.4 нэгж хувийг уул уурхай болон тээврийн салбарын өсөлт бүрдүүлсэн байна.

2024 онд нүүрсний экспорт өсөх магадлал өндөр байна 😊

Өнгөрсөн онд БНХАУ-ын Монгол Улсаас импотрлох нүүрсний хэмжээ 2022 онтой харьцуулахад 2 дахин нэмэгдэж, дээд амжилт тогтоосон. Тэгвэл Бээжинд төвтэй Нүүрсний худалдааны албаныхан 2024 онд БНХАУ-ын Монголоос импортлох нүүрсний хэмжээ 10 гаруй хувиар өсөх магадлалтай гэж тооцоолжээ. Үүнд Монгол Улсын нүүрс тээврийн дэд бүтцийн хөгжил, хямд үнэ нөлөөлнө гэж үзэж байгаа юм байна.

“Эрдэнэс Тавантолгой“ ХК 4-р сард ногдол ашиг тараана 💸

“Эрдэнэс Тавантолгой” ХК-аас 2023 оны цэвэр ашгаас нэгж хувьцаанд 266 төгрөгийн ногдол ашиг хуваарилна гэж мэдээллээ. Ингэснээр, 1072 хувьцаатай иргэн бүр энэ оны 4-р сард ₮256,000 төгрөгийн ногдол ашиг хүртэхээр болж байна.

Газрын дуудлага худалдаагаар ₮50 тэрбумыг төвлөрүүлнэ 💰

Нийслэлийн 2024 оны төсөвт өөрчлөлт оруулах тухай тогтоолын төсөлд метроны төслийг санхүүжүүлэх, сургууль, цэцэрлэгийн хүртээмжийг нэмэгдүүлэх, тохижилт гэсэн 3 чиглэлээр төсөвт тодотгол хийнэ гэж төлөвлөжээ. Энэ хүрээнд газрын цахим дуудлага худалдаа, газар эзэмших эрхийн гэрчилгээний орлогыг ₮50 тэрбумаар нэмэгдүүлэхээр тооцоолж, төсвийн төсөлд тусгасан байна.

Сэрэмжлүүлэг: Ойрын өдрүүдэд хүйтний эрч чангарна ❗

Ойрын өдрүүдэд хүйтний эрч улам чангарах төлөвтэй байгааг Онцгой байдлын ерөнхий газраас анхаарууллаа. Дархадын хотгор, Идэр, Тэс, Байдраг зэрэг томоохон голын хөндийгөөр шөнөдөө 43-48 хэм хүрч хүйтрэх юм байна. Түүнчлэн энэ жил манай улсад сүүлийн 49 жилийн туршид ажиглагдаагүй их хэмжээний цас орсон тул аян замд гарахдаа анхаарал болгоомжтой байгаарай.

“The Beatles”-н кино хийгдэнэ

Тэртээ 2004 онд “Бүх цаг үеийн шилдэг 100 хамтлаг”-ийн жагсаалтыг тэргүүлж байсан “The Beatles” хамтлагийн гишүүдийн намтраар баримтат кино бүтээхээр болжээ. Уг киног Британийн найруулагч Сэм Мендес хийх бөгөөд 2027 онд нээлтээ хийнэ гэлээ.

Модон хиймэл дагуул бүтээв

Японы эрдэмтэд замбага модоор LignoSat гэх хиймэл дагуул бүтээж, амжилттай туршжээ. Сансрын хог хаягдлыг бууруулах зорилгоор бүтээсэн энэхүү модон хиймэл дагуул нь кофений аяганы хэмжээтэй бөгөөд хамгийн багадаа 6 сарын хугацаанд ажиллах юм байна.

Трамп пүүз гаргалаа

АНУ-ын ерөнхийлөгч асан Дональд Трамп өнгөрсөн бямба гарагт Филаделфи хотод сонгуулийн кампанит ажлаар зочлохдоо өөрийн брэндийн пүүзээ танилцуулжээ. Алтлаг өнгөтэй, ар талдаа АНУ-ын далбаатай, урд талдаа “Т“ үсэгтэй уг пүүз нь $399 юм байна.

Роботоор хоол хүргэнэ

Үндэстэн дамнасан “Uber Eats“ компани ирэх сараас Япон улсад роботоор хоол хүргэх үйлчилгээ нэвтрүүлэхээр болсноо мэдэгдлээ. Тэд “Cartken“ роботын компани болон “Mitsubishi Electronics“-той хамтран ажиллаж хоол хүргэлтийн робот бүтээсэн юм байна.

Дэлхийн алдарт “Нарны цирк“-ийн жүжигчин, уран нугараач С.Оюун-Эрдэнэ 30 секундэд тусгай шалгуурын дагуу уран нугаралтын суниалтыг 28 удаа гүйцэтгэж, шүүчид 24-ийг нь тооцсоноор Гиннесийн дээд амжилтын эзэн боллоо. Тэрээр 6 настайгаасаа уран нугаралтаар хичээллэсэн бөгөөд уг циркт 20 гаруй жил ажиллаж байгаа аж. 👇