Makers News #51

Powered by

Өдрийн мэнд! Энэ жилийн “Ботгонд Бонус” хөтөлбөрийн эргэн тойронд өрнөсөн үйл явдлуудын мэдээллийг тоймлон хүргэж байна. Та бүхэн тухлан уншаарай. 😉

🐫 “Ботгонд Бонус - 2024“ арга хэмжээний эргэн тойронд

Манай компани нийгмийн хариуцлагын хүрээнд дэлхийд ховордсон хоёр бөхт тэмээн сүргийн тоо толгойг өсгөх, говийн бүсийн экологийн тэнцвэрт байдлыг хамгаалахад хувь нэмрээ оруулах зорилготой “Ботгонд Бонус“ урамшууллыг Өмнөговь аймгийн Гурвантэс, Дорноговь аймгийн Мандах, Даланжаргалан, Дундговь аймгийн Баянжаргалан, Дэлгэрхангай сумдад олгодог билээ. Энэхүү хөтөлбөр өдгөө 11 дэх жилдээ амжилттай хэрэгжиж байна.

Энэ жилийн урамшууллыг Дорноговь аймгийн Мандах сумаас эхлэн олголоо. Тус сумын тэмээн сүргийн тоо толгой урамшуулал олгож эхэлсэн 2013 оноос хойш тасралтгүй өссөөр байгаа юм. Тодруулбал, хөтөлбөр хэрэгжиж эхлэх үед 900 гаруй ботго тоолуулж байсан бол энэ жил 1923 ботго тоолуулсан 153 өрхийн малчид нийт 38.4 сая төгрөгийн урамшуулал авлаа.

Түүнчлэн энэхүү хөтөлбөрийн хүрээнд нутгийн 206 ахмад настанд хүндэтгэл үзүүлэн гарын бэлэг гардуулснаас гадна 2 төрлөөр хүчит бөхийн барилдаан зохион байгууллаа.

🌳 Нутгийн иргэдэд байгаль орчны үнэлгээний тайлан танилцууллаа

“Ботгонд Бонус” хөтөлбөрийн урамшуулал гардуулах арга хэмжээний үеэр Мандах сумын иргэдэд тус сумын газар нутагт хэрэгжиж буй “Цагаансуварга”-ын исэлдсэн хүдрийн төсөл болон Газрын тосны “Төхөм X” урд талбайн байгаль орчны нөлөөллийн нарийвчилсан үнэлгээний нэмэлт тодотголын тайланг танилцууллаа. Ингэхдээ төслийн явц, байгаль орчинд үзүүлэх сөрөг нөлөөлөл, тэдгээрийг хэрхэн бууруулан ажиллаж байгаа талаар дэлгэрэнгүй мэдээлэл хүргэлээ.

🏭 Цагаансуварга төслийн бүтээн байгуулалт 50%-тай өрнөж байна

Дорноговь аймгийн Мандах суманд хэрэгжиж буй “Цагаансуварга” Уулын баяжуулах үйлдвэрийн бүтээн байгуулалт 2023 оны 4-р улирлын гүйцэтгэлээр 50%-тай үргэлжилж байна. Одоогоор төслийн бүтээн байгуулалтад шаардлагатай бараа материал, тоног төхөөрөмжүүдийг шат дараатай татан авч байгаа бөгөөд энэ оны 3-р сарын эцсээр барилга, угсралтын ажлаа эхлүүлэхээр төлөвлөжээ.

Мөн уулын хэсгийн ашиглалтын үндсэн техникүүд, тоног төхөөрөмжүүдийн худалдан авалтын гэрээ байгуулагдсан, 2-р сараас нийлүүлэгдэх хүлээлттэй байна.

 🐫 Ботгонд бонус: Дундговь аймгийн Баянжаргалан сумын малчид урамшууллаа гардан авлаа

Ботгонд Бонус хөтөлбөрийн буухиа Дундговь аймгийн Баянжаргалан суманд үргэлжиллээ. Тус суманд 73 ботго бойжуулсан 18 өрхийн малчдад урамшуулал олгож, 166 ахмад настанд сар шинийн баярын босгон дээр хүндэтгэл үзүүлэн гарын бэлэг гардууллаа.

 👏 Цагийн хүрд “МАК Цемент”-ийг онцоллоо

МҮОНТ-ийн “Цагийн хүрд” мэдээллийн хөтөлбөр “Цагийн хүрдийн баатрууд” тусгай сурвалжилгадаа МАК Евро Цемент үйлдвэрийн бүтээн байгуулалтыг онцоллоо. Монгол Улсын эдийн засагт оруулж буй тус үйлдвэрийн хувь нэмэр, орон нутгийн хамтын ажиллагаа, нийгмийн хариуцлага, ажилтнуудын ажиллаж, амьдрах орчин, нөхцөл зэргийг сурвалжилсан байна. Та бүхэн дараах холбоосоор хүлээн авч үзээрэй. 😉 

👇 Бүх мэдээллийг нэг дороос

Компанийн үндсэн брэндингд нийцүүлэн ажлын үнэмлэхний загварыг шинэчилж байгаа билээ. Тэгвэл шинэчилсэн үнэмлэх дээр байршуулсан энэхүү QR кодыг ашиглан байгууллагын албан ёсны вебсайт, борлуулалтын вебсайт, дотоод вебсайт, сошиал хаягууд болон байгууллагын хөгжүүлсэн апп-ууд руу нэг дороос хандах боломжтой боллоо. Та бүхэн туршаад үзээрэй 😉 

 ✅ Тэтгэврийн дансны гэрээ байгуулж эхэллээ

2024 оны 01 сарын 01-ээс эхлэн хэрэгжиж байгаа урамшууллуудын талаар ажилтнуудад мэдээлэл хүргэх ажлыг үе шаттай зохион байгуулж байна. Энэ удаад тэтгэврийн хуримтлалын дансны танилцуулгыг хийсэн бөгөөд Төв оффис, БМБГ, ТҮТ, EAST, WEST-ийн нийт 315 ажилтан тэтгэврийн хуримтлалын гэрээ байгуулаад байна. ☺️

✈️ Дубай руу хөнгөлөлттэй үнээр аялаарай

Хүннү Эйр компани зөвхөн МАК-ийн ажилтнуудад зориулан 02/03-02/10-ны өдрүүдэд АНЭУ-ын Дубай хот руу ₮3,650,000-өөр аялах урамшуулал зарлалаа. Энэхүү аялал нь хөтөчгүй чөлөөт аялал бөгөөд төлбөрт дараах зүйлс багтжээ:

✅ Хоёр талын шууд нислэгийн тийз

✅ 3 одтой зочид буудал

✅ Өглөөний цай

✅ Аяллын эрүүл мэндийн даатгал

✅ Нисэх буудлаас тосох, үдэх үйлчилгээ

МАК-ийн ажилтнууд гэр бүлийн хамтаар аялалд хамрагдах боломжтой бөгөөд та бүхэн 8609-9070, 9011-7040, 8666-7551 дугаараас дэлгэрэнгүй мэдээлэл авч, бүртгүүлээрэй.

Netflix компани Nickelodeon-ийн олон ангит хүүхэлдэйн кино болох “The Last Airbender”-ийг цуврал кино болгон бүтээж байгаа билээ. Энэхүү цуврал энэ оны хоёрдугаар сарын 22-ны өдрөөс цацагдаж эхлэх нь ээ 🤩