Makers News #50

🤗 Цалинтай чөлөө: Сард 1 удаа цалинтай чөлөө авч болно

January 19, 2024

Powered by

Баасан гарагийн мэнд! Голомт Банктай хамтран гаргасан Makers картын захиалга түр хугацаагаар хойшиллоо. Мөн энэ оноос хэрэгжиж эхлээд буй цалин урамшууллын шинэ бодлогын талаарх дэлгэрэнгүй мэдээлэлтэй танилцаарай. 😉

💁‍♀️ Бодлогын зөвлөлийн дарга Б.Нямтайширын ярилцлагыг хүлээн авч үзээрэй

Компанийн Бодлогын зөвлөлийн дарга Б.Нямтайшир “Central” телевизийн “Баяртай үдэш” ярилцлагын нэвтрүүлэгт оролцлоо. Та бүхэн нэвтрүүлгийн бүтэн дугаарыг доорх холбоосоор нэвтрэн хүлээн авч үзээрэй.

💁‍♀️ ТАНИЛЦ: Цалин, урамшууллын шинэ бодлоготой холбоотой тодруулга

Энэ оны нэгдүгээр сарын нэгнээс цалин, урамшууллын хэд хэдэн шинэ бодлого хэрэгжиж эхлээд байгаа билээ. Урамшуулал тус бүрийн талаар холбогдох албан тушаалтнуудаас тодруулан та бүхэнд хүргэж байна.

Компанийн нийт үндсэн ажилтнуудыг “Жилийн ₮10 хүртэлх саяын нөхөн төлбөр бүхий эрүүл мэндийн даатгал”-д хамруулах, “Жилд 1 удаа бодогдсон цалингийн 5%-тай тэнцэх хэмжээний хүүхдийн сургалтын төлбөрийн дэмжлэг” үзүүлэх урамшууллын тухай Эдийн засаг, эрсдэлийн удирлагын газрын захирал Ц.Алтангэрэлээс тодрууллаа.

Мөн 6 удаагийн цалинтай чөлөөгөө хэрхэн эдлэх, Удаан жилийн урамшууллыг хэд дэх жилээс хэрхэн авах тухай мэдээллийг ЗУГ-ын хуульч Б.Төрболдоос тодруулсан бичлэгээс үзээрэй.

💳 Голомт Банктай хамтарсан Makers картын захиалга түр хугацаагаар хойшиллоо

Голомт Банктай хамтран гаргаж буй Makers картын захиалга энэ долоо хоногт нээгдсэн ч тус банкны хэвлэлтийн системд алдаа гарсны улмаас түр хугацаагаар хойшилж байна. Захиалга хэвийн болсон үед та бүхэн өөрт ойр байрлах салбарт ажлын үнэмлэхээ авч очин картаа захиалаарай. Тэгвэл Хаан Банкаар цалингаа авч буй ажилтнууд карт захиалахдаа заавал ажлын байрны тодорхойлолт авч очих шаардлагатайг анхаараарай. Харин Хас Банкны картын захиалга тун удахгүй эхлэх болно. Stay tuned! 😉 

💧 НСУ: Усны зүй зохистой хэрэглээг хэвшүүлнэ

Нарийнсухайтын уурхайн хамт олон “Багаар хэрэглэж, ихээр хэмнэе” аян зарласан байна. Уг аянаар дамжуулан нийт ажилтнууддаа усны зөв хэрэглээний талаар ойлголт өгч, уурхайн нийт цэвэр усны хэрэглээг бууруулахад ажилтан бүрийн оролцоог нэмэгдүүлэхээр зорьж байгаа юм байна.

💻 Б.Мөнхжаргал “MGL-1“ холбооны сорил тэмцээнийг тэргүүллээ

МАК Евро Виндоор үйлдвэрийн Хуванцар, хөнгөн цагаан рам үйлдвэрлэх хэсгийн Булан наагч, өрмийн суурь машины оператор Б.Мөнхжаргал “MGL-1” холбооны сорил тэмцээнд чансаагаараа тэргүүлжээ. Тэрээр 2017 оноос тулааны спортоор хичээллэж эхэлсэн бөгөөд энэ хугацаанд Муа-тай боксын УАШТ-ээс 3 удаа хүрэл медаль, Ушу саньда төрлийн УАШТ-ээс 2 удаа хүрэл медаль, Сонсогчийн алдар АШТ-ээс хүрэл медаль тус тус хүртэж байжээ.

МАК компани 2023 онд БОНХАЖ-аас зөвшөөрөгдсөн хэмжээнээс 2.8 дахин бага ус хэрэглэсэн байна 💧

БНХАУ руу экспортлох нүүрсний хэмжээ өсөх боломжтой 📈

Тээврийн дэд бүтцийн сайжруулалт, өрсөлдөхүйц үнийн нөлөөгөөр энэ онд манай улсаас импортлох БНХАУ-ын коксжих нүүрсний хэмжээ 10 гаруй хувиар өсөх боломжтой гэж Бээжинд төвтэй Нүүрсний биржийн удирдлага мэдэгдсэн байна.

ЭТТ ХК ногдол ашиг тараана 💸

ЭТТ ХК-ийн 2023 оны цэвэр ашиг ₮3 их наядад хүрчээ. Үүний ₮2.2 их наяд нь төрийн эзэмшлийнх бол ₮870 гаруй тэрбум нь иргэдийнх аж. Улмаар тус компаниас цагаан сараас өмнө иргэдэд ногдол ашиг болох ₮120,000 олгоно хэмээн мэдэгдлээ.

2023 онд ЭМДС-аас ₮1.6 тэрбумын санхүүжилт олгожээ 🏥

Санхүүжилтийн 22% буюу ₮356 тэрбумыг ЭМЯ-ын харьяа эмнэлгүүдэд, 18.2% буюу 292 тэрбумыг орон нутгийн нэгдсэн эмнэлгүүдэд, 15% буюу ₮240 тэрбумыг хувийн эмнэлгүүдэд тус тус олгосон байна.

Төрөлт буурч байна 👶

Монгол Улсын хүн ам 2023 оны урьдчилсан дүнгээр 3.5 сая болж өмнөх оны мөн үеэс 1.4%-иар буурлаа. Түүнчлэн, 1000 хүнд ногдох төрөлт 0.6% буурчээ. Ингэснээр манай улсын төрөлтийн түвшин сүүлийн 4 жил дарааллан буурсан үзүүлэлттэй байна.

70 сая жилийн настай үлэг гүрвэлийн яс олдлоо 🦖

University of England сургуулийн докторант Монголын говьд 3 долоо хоног ажиллаж цэрдийн галавын үеийн Немэгтозаврын яс олжээ. Уг олдворыг Монголын палентологийн төвд аваачиж судлахаар болсон байна. Одоогоор уг олдворыг 70 сая жилийн настай гэж үзэж байгаа юм.

Маргаашаас нийтийн тээврийн чиглэлд өөрчлөлт орно 🚍

Маргаашаас эхлэн урт чиглэлийг холбосон найман тойргоор нийтийн тээврийн 74 шинэ чиглэлд 1075 автобус үйлчилгээнд явна. Ингэснээр иргэдийн автобус хүлээх хугацаа 2-4 минут орчим болно гэж тооцоолж байгаа юм байна. Шинэ төлөвлөлтөөр 40 чиглэлд 494 автобус богино эргэлтээр үйлчилгээнд явах юм байна.

Гиннесийн амжилт тогтоолоо

“Мазаалай” олон улсын мөсний баярын нээлтийн үеэр 12м өргөн, 18 урттай мөсөн гулгуураар цагийн дотор 408 хүн гулгаж, Гиннесийн дээд амжилт тогтоолоо. Уг арга хэмжээг Гиннесийн албан ёсны шүүгч Айрис Хоу, Соёлын яамны Лондон дахь Гиннес хариуцсан зөвлөх Элизабет Фокс нар шүүжээ.

NASA: Дуунаас хурдан онгоц

NASA 1500км/цагийн хурдтай дуунаас хурдан Х-59 гэх онгоцоо олон нийтэд танилцууллаа. 30 метр урт их бие, 10 метр урт далавчтай энэхүү онгоц нь нислэгийн үеэр чанга чимээ гаргахгүй гэдгээрээ онцлог аж. Онгоцны анхны нислэгийг энэ оны сүүлээр АНУ-ын дотоодын аль нэг чиглэлд турших юм байна.

Friends-ийн зохиолыг зарна

“Friends” цувралын хогийн саванд хаягдсан зохиолын хэсгийг дуудлага худалдаанд оруулах гэж байна. Үнэ нь $760-$1020-оос эхлэх төлөвтэй байгаа юм. Кино багийнхан зураг авалтын дараа script-ээ устгадаг байсан ч Лондон дахь зураг авалтын үеэр студийн нэгэн ажилтан хаясан зохиолыг авч хадгалсан байжээ.

50 жил ажиллах батарей

Хятадын Betavolt стартап компани ухаалаг гар утсаа цэнэглэхгүйгээр 50 жилийн турш ашиглах боломжтой цөмийн батарей бүтээснээ зарлалаа. Энэ технологи нь ХХ зуунаас судлагдаж эхэлсэн ч тус компани амжилттай хэрэглээнд нэвтрүүлж байна.

“Авьяаслаг Монголчууд-2016“ шоуны ялагч О.Энх-Эрдэнэ “America’s Got Talent: Fantasy League“ шоунд оролцож, шүүгчдийг гайхширууллаа. Тэрээр эхний шатны шалгаруулалтад тэнцэж, шүүгч Хэйди Блумын багт ороод байна.