Makers News #49

💸 Урамшуулал+ Шинэчлэл 🚀

January 12, 2024

Powered by

Өдрийн мэнд! Энэ оноос ERP 16 системд шилжсэнээр өдөр тутмын үйл ажиллагааг хялбарчилсан олон өөрчлөлт гарч байна. Мөн цалин, урамшууллын шинэ бодлоготой холбоотой дэлгэрэнгүй тайлбар мэдээлэлтэй танилцана уу. 😉

💁‍♀️ Тэтгэврийн хуримтлалын талаар бидний мэдэх ёстой бүхэн

Энэ оноос эхлэн хэрэгжиж буй цалин, урамшууллын бодлогын талаарх мэдээллийг холбогдох албан тушаалтнуудаас тодруулан та бүхэнд хүргэж байна. Энэ удаад “Тэтгэврийн хуримтлалын хөтөлбөр”-ийн талаар Санхүү, хөрөнгө оруулалт эрхэлсэн дэд ерөнхийлөгч Ц.Ариунтөгсөөс тодрууллаа.

Сонирхуулахад, дунджаар ₮2,500,000-ийн цалин авч буй ажилтан 5 жилийн дараа ₮3,050,000 хуримтлуулсан байх ба компанийн зүгээс мөн ижил хэмжээний хуримтлал бий болгосноор нийт ₮6,100,000 хуримтлалтай болох юм. Энэ дүн дээр хуримтлалын хүүг нэмж, хүүгийн татвар, НДШ, ХХОАТ, данс хаасны шимтгэл зэргийг хасаж тооцвол нийт ₮7,309,027 авах боломжтой болох юм.

💁‍♀️ Төлбөрийн хүсэлтийг зөвхөн ERP системээр илгээдэг боллоо

ERP 16 системийн “Төлбөрийн хүсэлт” модулийг ашиглах боломжтой боллоо. Ингэснээр төлбөрийн хүсэлтийг и-мэйл болон цаасаар илгээхээ больж байгаа юм. Тодруулбал, программд холбогдох нэхэмжлэх, зөвшөөрөл, гэрээ зэргийг хавсарган хүсэлтээ илгээж, газрын захирлаараа батлуулна. Үүний дараа төлбөр тооцооны хэсгээс гүйлгээ хийх бөгөөд гүйлгээний баримтыг хавсралтаар оруулах юм.

💻 Ажлын үнэмлэхийн загвар шинэчлэгдэж байна

Компанийн брэндинг шинэчлэгдсэнтэй холбогдуулан нийт ажилтнуудын ажлын үнэмлэх шинэчлэгдэж байна. Тиймээс үнэмлэхийн зургаа солих хүсэлтэй ажилтнууд зургаа овог, нэр, харъяа газар, нэгж, албан тушаалын хамт тодорхой бичиж [email protected] хаяг руу илгээгээрэй.

МАК-ийн нийт ажилтнуудын 51.2%-ийг “Y” үеийнхэн буюу 1981-1996 оныхон бүрдүүлж байна. 👷

Олон улсын чанартай “Замын-Үүд” хуурай боомт байгуулна 💁

Тус хуурай боомтын ТЭЗҮ-г энэ оны II улиралд боловсруулж дуусах юм байна. Энэхүү олон улсын чанартай боомтыг байгуулснаар тээврийн зардал, тээвэрлэлтийн хугацааг бууруулж, гадаад худалдааны эргэлт сайжирна гэж тооцож байгаа аж.

Монгол Улсын гадаад худалдааны тэнцэл эерэг гарлаа 🙂

Манай улс 2023 онд 160 оронтой худалдаа хийн гадаад худалдааны нийт бараа эргэлт $24.4 тэрбум болж, 2022 оны мөн үеэс 3.2 тэрбумаар буюу 15% өсжээ. Экспортын дүн импортын дүнгээс $5.9 тэрбумаар давж, гадаад худалдааны тэнцэл ашигтай гарсан байна.

Монгол Улс гадаад паспортын чансаагаар 79-д эрэмбэлэгдлээ 🛂

Швейцарын зөвлөх үйлчилгээний Henley & Partners компани дэлхийн улс орнуудын паспортын чансааг гаргажээ. Ингэхдээ тухайн улсын паспорттой иргэд дэлхийн 227 улс, бүс нутгийн хэдэд нь визгүй зорчиж байгаагаар үнэлсэн байна. Жагсаалтад Монгол Улсын паспорт дэлхийн 63 улсад визгүй зорчих эрхтэйгээр 79 дүгээрт эрэмбэлэгджээ.

УБ хотод цахилгаан машин цэнэглэх станц нэмж байгуулна 🔋

Засгийн газраас цахилгаан автомашины хэрэглээг нэмэгдүүлэх төлөвлөгөө баталлаа. Энэ хүрээнд Улаанбаатар хотын 25 байршилд цахилгаан автомашин цэнэглэх станц барихаар төлөвлөж байна. Манай улсад 2023 оны 12-р сарын байдлаар 1061 цахилгаан тээврийн хэрэгсэл бүртгэгдсэн юм.

Такси үйлчилгээнд явахын тулд ₮3-₮10 саяар зөвшөөрөл авна 🚕

Энэ оны 10-р сарын 15-аас такси үйлчилгээ эрхлэх бол ₮3-₮10 саяыг төлж зөвшөөрөл авах хууль хэрэгжиж эхэлнэ. Зөвшөөрөл авалгүй такси үйлчилгээнд явсан тохиолдолд ₮5 саяар торгох юм байна.

Онгоцноос унасан iPhone

4900 метрийн өндрөөс унасан iPhone гар утас бүрэн бүтэн олджээ. Тодруулбал, өнгөрсөн баасан гарагт Alaska Airlines компанийн Boeing 737 Max 9 загварын онгоцны ослын хаалга салсан ослын үеэр унасан iPhone ийнхүү бүрэн бүтэн олдсон байна.

Хорт хавдрын эсийг устгана

АНУ-ын эрдэмтэд хорт хавдрын эсийг хэт ягаан туяагаар ойроос шарж, чичирхийлэл үүсгэн молекулын түвшинд 99% устгах шинэ арга нээснээ танилцууллаа. Энэхүү арга нь лабораторийн хулгана дээр үр дүнтэй байсан гэлээ.  

Нисдэг таксины туршилт хийнэ

Hyundai Motors компани цахилгаан хөдөлгүүртэй нисдэг таксины туршилтын нислэгээ энэ оны сүүлээр хийхээр төлөвлөжээ. Улмаар 2028 он гэхэд албан ёсоор үйчилгээ үзүүлж эхлүүлэхээр төлөвлөж байгаа юм байна.

OpenAI онлайн дэлгүүр нээлээ 

OpenAI компани уржигдар ChatGPT платформын төлбөртэй хэрэглэгчдэдээ зориулан GPT Store гэх онлайн дэлгүүр нээлээ. Хүмүүс энэ дэлгүүрт өөрийн тусгай зориулалтын чатботыг үүсгэн зарах боломжтой юм байна.

Английн Clicks Technology компани “Clicks creator keyboard” гэх бүтээгдэхүүнээ зах зээлд гаргахад бэлэн болжээ. Энэ нь iPhone ухаалаг гар утсыг бодит гартай холбох шинэ шийдэл юм. 📱