Makers News #46

💳 Makers картын захиалга эхэллээ 🎉

December 22, 2023

Powered by

Баасан гарагийн мэнд! Компанийн 30 жилийн ойг тохиолдуулан гаргаж буй Makers карт та бүхний гарт очиход бэлэн болсныг дуулгахад таатай байна. Товхимлоо уншиж захиалах заавартай танилцаарай 😉

💳 Хаан Банк: Makers картын захиалга нээгдлээ

Зөвхөн МАК-ийн ажилтнуудад зориулан гаргаж буй Makers карт та бүхний гарт очиж эхэллээ. Тодруулбал, Хаан Банкаар цалингаа авч буй ажилтнууд заасан салбаруудад ажлын байрны тодорхойлолтоо авч очин төлбөрөө тушааж, картаа захиалан авах юм. Та бүхэн дараах салбаруудаар үйлчлүүлэх боломжтой. Үүнд,

  • Үйлдвэр комбинат тооцооны төв, ХУД, 19-р хороо

  • Олон овоо тооцооны төв, Дорноговь, Даланжаргалан

  • Мандах тооцооны төв, Дорноговь, Мандах

  • Гурвантэс тооцооны төв, Өмнөговь, Гурвантэс

🏭 МАК Дэлхийн Нийлэг Хийн Технологийн Зөвлөлд гишүүнээр элслээ

МАК компани Дэлхийн Нийлэг хийн Технологийн Зөвлөлийн (GSTC) гишүүн боллоо. Энэхүү байгууллагын гишүүн болсноор устөрөгчийн үйлдвэрлэлийн чиглэлээр үйл ажиллагаа явуулж буй дэлхийн тэргүүлэгч компаниудтай хамтран ажиллаж, сүүлийн үеийн дэвшилтэт технологийг нэвтрүүлж, дотоодын түүхий эдэд түшиглэн химийн аж үйлдвэрийг хөгжүүлэх боломж бүрдэж байгаа юм 👏

📖 30 жилийн ойн сэтгүүлтэй танилцана уу

Компанийн 30 жилийн ойн тусгай сэтгүүл гарсан билээ. Та бүхэн энд дарж, компанийн үүсгэн байгуулагдсан түүх, амжилтын зураглал, ирээдүйн хөгжлийн стратеги зэрэг өргөн цар хүрээ бүхий мэдээллийг уншаарай.

🎄 МЕВАХҮ Шинэ жилийн гацуураа өөрсдөө урлажээ

МАК Евро Виндоор үйлдвэрийн Модон рам үйлдвэрлэх хэсгийн ажилтнууд үйлдвэрлэлийн хаягдал материал ашиглан шинэ жилийн гацуураа өөрсдийн гараар урлажээ. Харин хэсэг, нэгжийн ажилтнууд нь хамтарч нийт ажилтнуудынхаа зургаар чимэглэсэн байна 🤩

🧠 Мак Цемент: Quiz Night зохион байгууллаа

МАК Цемент ХХК үйлдвэр, уурхайн орчинд ажиллаж буй ажилтнуудынхаа дунд “Quiz Night“ асуулт, хариултын тэмцээн зохион байгуулжээ. Энэ удаагийн тэмцээнд нийт 18 багийн 108 ажилтан оролцсон байна. Зургаан үеийн нийлбэр дүнгээр:

  • 🥇 I байр: “Бид” баг /Уулын хэсэг/

  • 🥈 II байр: “Хар салхи” /ЕМХ хэсэг/

  • 🥉 III байр: ААХ хэсгийн багууд тус тус шалгарчээ.

Харин ХАБЭАБОХ-ийн мэдлэг шалгах асуултад Уулын хэсгийн “Горняк“ баг хамгийн өндөр оноо авч амтат пиццагаар дайлуулжээ 🍕

МАК 2007 онд Элдэвийн нүүрсний уурхайд нүүрсний анхны хуурай баяжуулалтын FGX-12 төхөөрөмжийг ашиглалтад оруулсан

Шархад орчимд агаарын бохирдол хамгийн их байна 😷

Агаарын чанарын индекс 500 давах нь маш их бохирдолтой буюу хамгийн аюултай үзүүлэлт юм. Харин Шархад орчимд өглөөний 10:30 цагийн байдлаар энэ үзүүлэлтээс 5 дахин их буюу 2,184 нэгж зааж байна. Та бүхэн гадуур зорчихдоо амны хаалт зүүгээрэй.

Амралтын өдрөөр дугаарын хязгаарлалт үйлчлэхгүй 🚗

Замын хөдөлгөөний ачааллыг бууруулах зорилгоор ирэх оны 1-р сарыг дуустал автомашиныг улсын дугаарын тэгш, сондгойгоор хөдөлгөөнд оролцуулахаар шийдвэрлэсэн. Уг захирамжид өөрчлөлт оруулж, дугаарын хаязгаарлалт амралтын өдрөөр үйлчлэхээргүй болжээ.

ЭХЭМҮТ 2 төрлийн хагалгааны эмчилгээг шинээр нэвтрүүлжээ 👩‍⚕️

Тодруулбал, тэд энэ онд Монгол улсад хийх боломжгүй байсан ургаас урагт цус юүлэх хам шинжийн үеийн лазер мэс засал, зүрхний хүнд гажгийн үед шунтын мэс заслын эмчилгээг амжилттай нэвтрүүлжээ. 

Метан хийн зах зээл ⛏️

Өнгөрсөн онд Монгол болон Австрали улс хамтран 6 сарын турш нөөцийн судалгаа хийсний үр дүнд Монгол Улсын нүүрсний давхаргын метан хийн боломжит нөөцийг 7.4 их наяд метр.куб гэж тогтоосон. Одоогийн байдлаар улсын хэмжээнд бүтээгдэхүүн хуваах гэрээтэй 4 компанийн 6 талбай байна.

Үндэсний бахархалт амьтан: Мазаалай 🐻 

Манай улс 2023-2025 оныг “Монголд зочлох жил” болгон зарласантай холбогдуулан Засгийн газрын тогтоолоор мазаалай баавгайг үндэсний бахархалт амьтнаар зарлалаа. Сонирхуулахад, манай улсад 52 тоо толгой мазаалай бүртгэгдсэн.

Хиймэл оюун ухаан ба хайгуул

АНУ-ын Сан Франциско хотод төвтэй “KoBold Matals“ компани хиймэл оюун ухаан ашиглан хэд хэдэн орд илрүүлснээ мэдээллээ. Ингэснээр кобальтад түлхүү анхааран ажиллаж байсан тус компанид шинэ боломжууд нээгдэж байна.

Apple ба оюуны өмчийн маргаан

Apple компани өчигдрөөс эхлэн АНУ-ын зах зээлээс зарим ухаалаг цагаа эргүүлэн татаж байна. Учир нь “Masimo“ компани тэднийг цусан дахь хүчилтөрөгч хэмжих горимыг өөрсдийнх нь технологиос хуулбарласан хэмээн үзэж, шүүхэд хандаад байгаа юм.

Шинэ төрлийн жирэмслэлтээс хамгаалах эм бүтээжээ

АНУ-ын эрдэмтэд эрчүүдэд зориулан жирэмслэлтээс сэргийлэх эм бүтээжээ. Энэ эмийн найрлагад даавар ороогүй тул хүний биед сөрөг нөлөөгүй гэж үзэж байна. Амьтан дээрх туршилт амжилттай болсон ба удахгүй сайн дурын 16 эрэгтэйг оролцуулан турших юм байна.

Toyota АНУ-аас 1 сая машинаа эргүүлэн татна

Toyota компани зорчигчийн талын аюулгүйн дэрний системд доголдол үүссэн байж болзошгүй гэх шалтгаанаар АНУ-аас 1 сая гаруй автомашинаа эргүүлэн татахаар боллоо. Ингэхдээ, Camry, RAV4 зэрэг Toyota-н 6 загвар болон Lexus брэндийн 2020-2022 оны ES, RX загваруудыг эргүүлэн татах юм байна.

KAIST буюу БНСУ-ын судлаачдын зохион бүтээсэн робот нохой 100 метр зайг 19.87 секундэд туулж, Гиннесийн дээд амжилт тогтоолоо. Уг робот гүйлтийн зам дээр секундэд 6.5 м/сек хурдалсан нь дэлхийд бүртгэгдэх хоёр дахь дээд амжилт болох юм байна.