Makers News #44

🎙️ Урлагийн их наадам боллоо 💃🏻

December 08, 2023

Powered by

Өдрийн мэнд! 12-р сард нэмэх хэмтэй өдөр тохиосон нь дэлхийн дулаарлыг дахин мэдрүүллээ. ☀️  Makers news цахим товхимлынхоо 44 дэх дугаарыг тухлан уншина уу. 😉

💡” Урлагийн их наадам 2023” боллоо

Компанийн 30 жилийн ойг тохиолдуулан зохион байгуулсан “Урлагийн их наадам 2023“ амжилттай болж өндөрлөлөө. Энэ удаагийн урлагийн наадмаар “Ёс зүйтэй хамт олон” гэсэн агуулгыг мюзикл хэлбэрээр илэрхийлсэн нь онцлог байлаа.

Наадамд Хөөтийн уурхай, Нарийнсухайтын уурхай, МАК Евро Блок үйлдвэр, МАК Евро Виндоор үйлдвэр, Төв оффисын 5 баг авьяас чадвараа сорин өрсөлдсөн юм. Улмаар Нарийнсухайтын уурхайн баг тэргүүн байр эзэлж, МАК Евро Виндоор үйлдвэрийн баг дэд байрт шалгарлаа.

🧠 МАК Цемент: “Quiz Night”

“МАК Цемент” ХХК-ийн хамт олон 12/06-ны өдөр “Quiz Night” зохион байгуулжээ. Тус тэмцээнд нийт 17 багийн 102 ажилтан оролцсон байна.

  • 🥇 I байрт: Уулын хэсгийн Miners баг

  • 🥈 II байрт: Санхүү, эдийн засгийн хэсгийн баг

  • 🥉 III байрт: ЕМХ-ийн Хар салхи багууд шагналт байрт шалгарчээ.

Мөн ХАБЭХБОХ-ийн мэдлэг шалгах нэмэлт асуултад “Уулсын хэсэг - Miners баг”, “ЦҮХ-ийн баг“ хамгийн өндөр оноо авчээ.

МАК-ийн одоогийн Ерөнхийлөгч Н.Цэлмүүн 2016 оны 7-р сарын 1-ний өдөр “Монголын Алт” (МАК) ХХК-ийн Ерөнхийлөгчөөр томилогдсон. 🛫 

Монголын бизнесийн орчны ерөнхий үнэлгээ буурав 📉

МҮХАҮТ болон МУИС-ийн Бизнесийн сургууль хамтран идэвхтэй үйл ажиллагаа явуулж буй 3770 ААН-ийг хамруулан Монголын бизнесийн орчны 2023 оны судалгааг хийсэн байна. Улмаар бизнесийн орчны ерөнхий үнэлгээ 2.68 болж, 2020 оноос 8 хувиар буурсан тааруу үр дүн гарчээ.

Байгалийн хийн гарц нэмэгдсээр байна 👏

“TMK Energy“ компанийн байгалийн хийн гарц 8-р сард олборлолтоо эхлүүлснээс хойш сар бүр 2 дахин нэмэгдсэн талаар мэдээллээ. Мөн өнгөрсөн сарын 30-нд 368 м.куб хий гарган авсан нь шинэ дээд үзүүлэлт болжээ.

БНХАУ-д Монголын соёлын төв байгуулагдлаа 💁

Монгол улсаас БНХАУ-д суугаа Элчин сайдын яам дэргэдээ Монголын соёл, мэдээллийн төв байгуулжээ. Энэ нь хилийн чанад дахь хамгийн анхны Монгол соёлын төв болсон аж.

Зайсангийн ундны усанд гэдэсний савханцар илэрчээ 🧫

Зайсан орчмын төвлөрсөн бус усны эх үүсвэртэй орон сууцны ундны усанд нян, халуунд тэсвэртэй гэдэсний бүлгийн савханцар Ecoli, гэдэсний бүлгийн эмгэг төрөгч Salmonella, Shigella илэрчээ. Мөн нитрат, ионы агууламж зөвшөөрөгдөх хэмжээнээс давсан үзүүлэлттэй байгаа тул иргэд, аж ахуйн нэгж байгууллагууд ундны усандаа шинжилгээ хийлгэх шаардлагатай аж.

Түгжрэлийг бууруулах, орон сууцжуулах тухай хууль батлав ⚖️

Уг хуулиар нийтийн тээврийн хүртээмж, авто зогсоолын ашиглалтыг сайжруулах, агаар, хөрсний бохирдлоос үүсэх нийгэм, эдийн засгийн нөлөөллийг бууруулахтай холбоотой харилцааг зохицуулах аж.

Интернэтийн хувьсал

Хятад дэлхийн хамгийн хурдан интернэт сүлжээний суурь дэд бүтцийг албан ёсоор нээснээ зарлалаа. Энэ нь секундэд 1.2 терабит мэдээлэл дамжуулах хурдтай юм байна. Зүйрлэбэл, 1 секундэд бүрэн хэмжээний 150 киног дамжуулах хүчин чадалтай гэсэн үг юм. Улмаар Бээжинг тус улсын өмнөд хэсгийн 2900 км алслагдсан бүс нутагтай холбожээ.

“Амьд” робот бүтээжээ

Эрдэмтэд хүний мөгөөрсөн хоолойноос авсан эсийг ашиглан бичил робот бүтээн Антробот хэмээн нэрлэжээ. Цаашдаа эдгээрийг анагаах ухаанд ашиглаж болох эсэхийг тодруулахаар ажиллах юм байна. Сонирхолтой нь, антроботууд гэмтсэн мэдрэлийн эсийг нөхөн төлжихөд түлхэц үзүүлж байгаа нь анзаарагджээ.

Beyoncé Box Office-т тэргүүлэв

Поп дуучин Beyoncé “Renaissance“ нэртэй аялан тоглолтоо кино болгон гаргаж буй. Түүний кино өнгөрсөн амралтын өдрүүдийн “Box Office“-ийг тэргүүлжээ. Киноны зөвхөн нээлтийн орлого нь 21 сая ам.долларт хүрээд байна.

Blackpink YG-д үлдлээ

YG энтертайнмент Blackpink хамтлагийн 4 гишүүнтэй гэрээгээ шинэчлэн байгуулснаа зарлалаа. Уг мэдээлэл гарсны дараа Lisa-г хамтлагаасаа гарч магадгүй гэсэн цуу ярианы улмаас 50%-иар үнэ нь унаад байсан YG-ийн хувьцааны ханш 29% өсжээ.

Rock Star Games-ийн бүх цаг үеийн шилдэг бүтээлүүдийн нэг “GTA Grand Theft Auto VI”-ийн албан ёсны трэйлер Youtube сувагт цацагдсан даруйдаа 124 сая удаагийн хандалт аваад байна. Тоглоом сонирхогчдыг гайхшируулах ямар сюрпризүүд багтсаныг дараах трэйлерээс хүлээн аваарай.

4