Makers News #43

💡 "МАК Инновац"-ын сүүлийн шатны шалгаруулалт боллоо 💡

December 01, 2023

Powered by

Баасан гарагийн мэнд! Энэ долоо хоногт компанийн хэмжээнд өрнөсөн үйл явдал болон та бүхний сонорт хүрвэл зохих ач холбогдолтой мэдээллүүдийг нэгтгэлээ. Тухлан уншаарай. 😉

💡 “МАК Инновац”-ын сүүлийн шатны шалгаруулалт боллоо

Компанийн 30 жилийн ойг тохиолдуулан Ерөнхийлөгчийн санаачилгаар салбар болон охин компани, үйлдвэр, уурхай, газар нэгжийн нийт ажилтнуудын дунд зохион байгуулж буй “МАК Инновац“ тэмцээний сүүлийн шатны шалгаруулалт боллоо. Уг шалгаруулалтад уул уурхайн инновацын төрөлд 2 баг, үйлдвэрлэлийн инновацын төрөлд 5 баг, менежментийн инновацын төрөлд 9 баг төслийн хэрэгжилт, үр дүнгээ танилцууллаа.

Уралдаанаас шалгарсан төслүүдэд санхүүжилт олгон байгууллагын дотоод үйл ажиллагаанд нэвтрүүлэх юм. Ялагчдыг компанийн 30 жилийн ойн арга хэмжээний үеэр зарлаж, шагнал гардуулна.

🧠 “MAK Quiz Night”-ийн шилдгүүд

11-р сард нийт ажилтнуудын дунд “UB Quiz Night“ тэмцээний хөтлөгч Микотой хамтран “MAK Quiz Night“ тэмцээнийг зохион байгууллаа. Тэмцээнд нийт 21 баг мэдлэг, авхаалж самбаагаа сорин өрсөлдөж,

  • 🥇 I байр: ҮТГ-ын “6X“ баг

  • 🥈 II байр: Эрх зүйн газрын “In Vino Veritas“ баг

  • 🥉 III байр: Төв оффисын “5 давхар баг“ тус тус шалгарлаа.

🥇 I байр: ҮТГ-ын “6X“ баг

🥈 II байр: Эрх зүйн газрын “In Vino Veritas“ баг

🥉 III байр: Төв оффисын “5 давхар” баг

💻 Шинэ ERP системийг хэрхэн ашиглах тухай сургалт болно

Компанийн хэмжээнд ERP системийг шинэчлэн нэвтрүүлэх гэж байна. Энэ хүрээнд гүйцэтгэгч компанийн зүгээс 2023.12.04-12.08-ний өдрүүдэд Төв оффисын ажилтнуудад, 2023.12.07-нд МЕБҮ, МЕВАХҮ-д ажиллаж бүх модуль дээр хэрхэн ажиллах тухай сургалт орж, зөвлөгөө өгөх юм байна. Та бүхэн идэвхтэй хамрагдаарай.

📚 Нарийнсухайтын уурхай номын сантай боллоо

Нарийнсухайтын уурхайн Аж ахуйн хэсгийн хамт олон уурхайн нийт ажилтнуудад зориулан кофе шопын дэргэд номын сан тохижуулжээ. Ажилтнууд өнөөдрөөс номын сангаар үйлчлүүлж эхэлж байна.

⭐ Танилц: МАК-ийн жишиг үйлдвэр, уурхай

Компанийн 2023 оны Байгаль орчны менежментийн тогтолцоогоор тэргүүлэгчдийг тодрууллаа.

  • 2023 оны шилдэг Байгаль орчны менежментийн тогтолцоог хэрэгжүүлэгч үйлдвэр: МАК Евро Блок

  • 2023 оны шилдэг Байгаль орчны менежментийн тогтолцоог хэрэгжүүлэгч уурхай: Нарийнсухайтын уурхай тус тус шалгарсан байна.

🎄 Цементийн үйлдвэрт шинэ жилийн уур амьсгал орлоо

МАК Цементийн үйлдвэрийн хамт олон шинэ жилдээ бэлдэн амрах байраа чимэглэсэн байна. Сонирхуулахад, ирэх долоо хоногийн 3 дахь өдөр буюу 12/06-нд үйлдвэр, уурхайн эхний шинэ жил болох гэж байна.

 “Хүннү Эйр“ ХХК нь анх 2011 онд “Mongolian
Airlines Group“ нэртэйгээр байгуулагдаж байсан 🛫 

Hunnu Air АНЭУ руу шууд нислэг үйлдэнэ ✈️

Монгол болон АНЭУ-ын төрийн тэргүүн нарын уулзалтын хүрээнд хоёр улсын иргэд харилцан визгүй зорчих, шууд нислэг үйлдэх санамж бичиг байгууллаа. Энэ хүрээнд 12-р сараас “Hunnu Air“ компани хоёр улсын хооронд шууд нислэг үйлдэхээр болсон байна.

Уул уурхайгаас шалтгаалсан өсөлт 🚀 

Монгол Улсын эдийн засаг 2023 онд 5.8%, 2024 онд 6.2% өсөх төсөөллийг Дэлхийн Банк гаргажээ. Уул уурхайн салбарын өсөлт нэмэгдэж, хувийн хэрэглээ сэргэн төсвийн зардал тэлэх нь эдийн засгийн өсөлтийг голлон тодорхойлно гэж тайланд онцолжээ.

Ноён уулын дурсгалуудыг буцаан авах хүсэлтээ илэрхийллээ 🏺

ОХУ-ын Санкт-Петербург хотод болсон "Ноён уул 100 жилийн туршид" эрдэм шинжилгээний хурлын үеэр Монгол Улсын Соёлын сайд Ч.Номин Санкт-Петербург хотын Эрмитажийн музейд хадгалагдаж буй Ноён уулын малтлагаас олдсон Монголын түүх соёлын дурсгалуудыг гэрээ ёсоор эх орондоо буцаан авах хүсэлтээ илэрхийлжээ.

Энэ сарын эцсээр нийт хүн амын тоо 3.5 сая хүрнэ 👨‍👩‍👦‍👦

Өнгөрсөн 9-р сард нийт хүн амын тоо 3.49 сая хүрсэн юм. Сонирхуулахад, манай улсын хүн амын тоо 2025 он гэхэд 3.6 сая, 2030 он гэхэд 3.8 сая хүрэх төлөвтэй байгаа аж.

Түлшний хомсдлыг шийднэ ⛽

Ойрын хугацаанд ОХУ-аас 730 вагон түлш импортлохоор болсон байна. Хойд хөршийн Экологи, байгалийн нөөцийн сайдын мэдээлснээр эхний ээлжинд энэ долоо хоногт 350 вагон түлш нийлүүлэх юм байна.

Монголчуудын 100 дахь түрүү

Дорнод аймгийн Сэргэлэн сумын харьяат Озеки Киришима Б.Лхагвасүрэн Японы мэргэжлийн сумо бөхийн дээд зиндаанд түрүүлж, Монгол сумочдын 100 дахь түрүүг авлаа. Тэрээр энэ онд 62 давж хамгийн олон даваа авсан бөх болсон төдийгүй энэ зиндааны түрүү бөхчүүдээс Озеки цолтой анхны сумоч болж байна.

 Сансраас дуудлага хийнэ

НАСА дэлхийгээс 160 сая км-ийн алсад буй “Psyche“ сансрын аппаратаас лазераар дамжуулсан мэдээллийг хүлээн авснаа зарлалаа. Энэ нь сансарт лазер оптик ашигласан анхны тохиолдол юм. Цаашид сансрын нисгэгчид энэхүү технологийг ашиглан дэлхий рүү шууд дуудлага хийх боломж бүрдэх аж.

Сэм Алтманы эргэн ирэлт

“Open Ai“ компанийн ТУЗ Сэм Алтманыг албан тушаалд нь буцаан томиллоо. Түүнийг халсны дараа нийт ажилтнуудынх нь 95% нь ажлаасаа гарахаа илэрхийлсэн төдийгүй “Open Ai”-ийн үүсгэн байгуулагчдын нэг Грег Брокман халагдах өргөдлөө өгөөд байсан юм.  

Gmail хаягаараа ороод гараарай

Google өнөөдрөөс эхлэн удаан хугацаанд ашиглаагүй gmail хаягт хадгалагдсан хувийн мэдээлэл, зураг зэргийг утсгахаа мэдэгдлээ. Үүнээс сэргийлэхийг хүсвэл хаягаараа нэвтрэн мэйл унших, хайлт хийх зэрэг үйлдэл хийх шаардлагатай юм байна.

“YG Entertainment“-ийн 6 гишүүнтэй “BabyMonster“ гэх охидын хамтлаг дебютээ хийлээ. Тэдний анхны уран бүтээл болох “Batter Up“ дуу нь одоогийн байдлаар Youtube-д 50 сая хандалт аваад байна.