Makers News #42

🎄 Шинэ жил тэмдэглэх тов гарлаа 🎅

November 24, 2023

Powered by

Өдрийн мэнд! МАКчууд бид 12.06, 12.22, 12.25-нд тус тус шинэ жилийн баяраа тэмдэглэх тов гарлаа. 💃 Мөн байгууллагын ой болон шинэ жилийн баярыг угтсан “MAK Quiz Night“, “We are makers“ уралдааныг зарлаад байна. Та бүхэн удирдамжтай танилцаж, идэвхтэй оролцоорой. 😉

💁‍♀️ MAK-ийн брэндинг шинэчлэгдлээ

Манай компани 30 жилийнхээ босгон дээр үндсэн брэндингээ шинэчилснийг танилцуулж байна. Та бүхэн цаашдын үйл ажиллагаандаа шинэ брэндингээ ашиглаарай.

🎄 Шинэ жилийн арга хэмжээний тов гарлаа

Шинэ он гарахад 37 хоног үлдлээ. Энэ жил МАКчууд бид 12.06, 12.22, 12.25-нд шинэ жилийн баяраа тэмдэглэнэ. Тодруулбал,

  • 12.06-нд: Үйлдвэр, уурхайн эхний ээлж

  • 12.22-нд: Үйлдвэр, уурхайн хоёр дахь ээлж

  • 12.25-нд: Төв оффисын шинэ жилийн баярын цэнгүүн тус тус зохион байгуулагдах нь ээ.

💁‍♀️ Орон нутгийн иргэд “МАК Цемент” үйлдвэртэй танилцлаа

МАК Цемент үйлдвэрийн хамт олон Дундговь аймгийн Баянжаргалан сумын иргэдийн төлөөлөл болох 24 хүнийг үйлдвэртэйгээ танилцуулжээ. Энэ үеэр манай компанийн зүгээс тус сумын иргэдэд үзүүлсэн тусламж, нийгмийн хариуцлагын төслүүдийн талаар мэдээлэл өгсөн байна.

🚽 НСУ Био ариун цэврийн газартай боллоо

Нарийнсухайтын уурхай байгаль орчинд үзүүлэх сөрөг нөлөөллөө бууруулах зорилгын хүрээнд хөрсөнд бохирдол шингээдэггүй 5 ширхэг био 00-ийг мэргэжлийн байгууллагатай хамтран суурилуулжээ. Эдгээрийг Засвар үйлчилгээний төв, Гаалийн хяналтын талбай болон Уулын хэсгийн засварын талбайд байрлуулсан байна.

 🧠 11 сарын тэмцээн: MAK QUIZ NIGHT

Байгууллагын 30 жилийн ойн баярыг тохиолдуулан нийт ажилтнуудын дунд сар бүр сонирхолтой уралдаан тэмцээн зохион байгуулж байгаа. Энэ сард “UB Quiz Night“-н хөтлөгч Микотой хамтран “MAK Quiz Night“ тэмцээнийг зохион байгуулахаар боллоо. Та бүхэн удирдамжтай танилцан багаа бүрдүүлж [email protected] хаягаар мэдээллээ илгээн бүртгүүлээрэй. 11-р сарын 29-ний өдөр 19:30 минутад New York Restauran-д шүү. ☺️

📷 “We are makers” видео мэндчилгээний уралдаан зарлалаа

Шинэ жилийн баярыг угтан хамт олондоо видео мэндчилгээ дэвшүүлэх уралдаан зарлаж байна. Та мэндчилгээгээ хийхдээ дуу, бүжиг гэх мэт урлагийн аль ч төрлөөс оруулан баяжуулах боломжтой. Удирдамжтай танилцан идэвхтэй оролцоорой, амжилт хүсье. 👏 

МАК компани 1998 онд Монгол Улсын алтны үндсэн ордыг ашиглах анхны үйлдвэр болох “Бумбат” үйлдвэрийг ашиглалтад оруулсан 🏭

Нүүрс экспортын түүхэн дээд амжилт 🚀 

Засгийн газар он дуусахаас 40 хоногийн өмнө Монгол Улсын нүүрсний экспортын хэмжээ 60 сая.тн-д хүрч, төлөвлөсөн хэмжээнээс 10 сая.тн-оор давсныг мэдээллээ. 2019 онд 36.7 сая.тн нүүрс экспортолсон нь түүхэн дээд үзүүлэлт болж байсан юм.

Монгол-Солонгосын хамтарсан ховор металлын судалгааны төв байгуулна 🧪

БНСУ-ын буцалтгүй тусламжаар манай улсад хоёр улсын хамтарсан ховор металлын судалгааны төв байгуулахаар болжээ. Уг ажлын эхлэл болгон Монгол-Солонгосын хамтарсан хорооны анхдугаар хуралдааныг хийж, ховор металлын судалгааны төв байгуулах хамтарсан хороо байгуулсан байна.

Xanadu Mines нэмэлт хувьцаа гаргана 💰

Тодруулбал, $0.055-ын үнэ бүхий 78 сая хувьцаа гаргаж, түүнийгээ 2 транчаар арилжаалах юм байна. Улмаар олон нийтээс $4.3 саяыг татан төвлөрүүлэх төлөвлөгөөтэй байгаа аж. 

Засгийн газар “Хуралдай“ бондыг худалдан авах санал тавив 💵

Засгийн газар 2024 онд эргэн төлөгдөх “Хуралдай“ бондыг бэлэн мөнгөөр буцаан худалдан авах саналыг хөрөнгө оруулагчдад тавилаа. Бондын нийт үлдэгдэл 392.6 сая ам.доллар байгаа юм.

Тээврийн хэрэгслийн цахим гэрчилгээг үнэгүй нааж байна 🚘

Тодруулбал, харьяалал харгалзахгүйгээр "Автотээврийн үндэсний төв" ТӨҮГ-ын харьяа техникийн хяналтын үзлэгийн төвүүд дээр очиж RFID буюу цахим гэрчилгээ наалгах боломжтой юм байна.

“The Mongol Khan” in London

Энэ сарын 17-нд Лондон хотын “Колизей” театрт нээлтээ хийгээд буй “The Mongol Khan“ жүжиг 5 дахь өдрөө танхим дүүрэн үзэгчидтэй байлаа. Мөн манай уран бүтээлчид уг театрт тоглолт хийсэн анхны ази уран бүтээлчид болжээ. Сонирхуулахад уг театр нь 2359 хүний суудалтай аж.

 Blackpink ба төрийн айлчлал 

БНСУ-ын Ерөнхийлөгч Их Британид төрийн айлчлал хийхдээ Blackpink хамтлагийн гишүүдтэй хамт очжээ. Их Британийн хаан III Чарльз Blackpink хамтлагийг Букингемийн ордонд хүлээн авч, хүндэтгэлийн зоог барин Британийн төрийн дээд одон гардуулжээ.

Түүхэн удирдагчийн малгай

Напалеон Бонапартын засгийн эрхийг барих хугацаандаа өмсөж байсан 120 бикорн малгайны нэгийг дуудлага худалдаанд оруулж, 1.9 сая еврогоор ($2.1) заржээ.

Amazon (AMZN) машин зарна

Ирэх жилээс Amazon дээр машин борлуулж эхлэхээр болжээ. Тодруулбал, тус компани Hyundai -тай хамтран машин борлуулахаас гадна 2025 онд Hyundai-н машинд Alexa-г суурилуулахаар тохиролцсон байна.

Disney-ийн бүх цаг үеийн хамгийн өндөр үзэлттэй анимэйшн болох “Inside Out“-ийн 2-р анги ирэх оны 6-р сарын 14-нд нээлтээ хийхээ зарлаж, албан ёсны teaser trailer-ээ цацлаа. Энэ ангид шинэ “сэтгэл хөдлөл”-ийн дүр гарч ирэх бөгөөд гол дүр болох Райлигийн өсвөр насны талаар гарах юм байна.