- Makers News
- Posts
- ⚽🤯 МАК-ийн тэмцээнүүдийн аваргууд
⚽🤯 МАК-ийн тэмцээнүүдийн аваргууд
💼 MAK Job Fair | ⚽ Тэмцээний аваргууд | 📳 MTV & iPhone 16
Makers News
September 13, 2024
Powered by
Өглөөний мэнд ээ! ☀️ Makers Newsletter-ийн энэ удаагийн дугаарыг гэрлийн чийдэн, пянз, видео камер зэргийг бүтээсэн Америкийн зохион бүтээгч Томас Эдисоны хэлсэн үгээр эхэлье.
Бидний хамгийн том сул тал бол шантарч, бууж өгөх явдал юм. Гэвч амжилтад зайлшгүй хүрэх ганц арга нь дахин нэг удаа оролдож үзэх байдаг. - Томас Эдисон
👷 МАК-чууд бид 1300 гаруй шинэ хүнээ угтаж авах “Нээлттэй ажлын байрны өдөрлөг” зохион байгуулж байна.
МАК-ийн хэмжээнд нийт 1300 гаруй нээлттэй ажлын байр зарлагдаж байгаа бөгөөд уг ажлын байрыг танилцуулах “MAK Job Fair - 2024” өдөрлөгийг УБ, Дархан, Хөтөл, Эрдэнэт хотуудад зохион байгуулж байна. Тиймээс МАК-чууд та бүхэн ажил хайж буй найз, нөхдөдөө ажлын байрны өдөрлөгийн талаар мэдээлэл дуулгаарай.
Та newsletter-ийн зураг, дизайныг бүтнээр нь харахыг хүсвэл баруун дээд буланд байрлах “Trust Sender” товч дээр дарна уу.
⚽ Хөлбөмбөгийн тэмцээний шилдгүүд шалгарлаа
Харуул хамгаалалт, аюулгүй байдлын газрын 20 жилийн ойн нэрэмжит болгон зохион байгуулсан "MAK Cup 2024" хөлбөмбөгийн аварга шалгаруулах тэмцээнийн шилдгүүд шалгарлаа.
Тэмцээн 9-р сарын 7-нд Төв аймгийн Зуунмод суманд байрлах Монголын хөлбөмбөгийн холбооны бэлтгэлийн төв /Эйрдом/-д зохион байгуулагдсан юм.
1-р байр - Төв оффис
2-р байр - МАК Евро Блок
3-р байр - МАК Цемент
🤔 Төв оффисийн Quiz Night тэмцээний ялагчид тодорлоо
Өнгөрсөн баасан гарагт төв оффис болон харьяа газар нэгжүүдийн хүрээнд Quiz & Cocktail night тэмцээн зохион байгуулагдаж шилдгүүдээ тодрууллаа.
УБ хотын хамгийн олон оролцогчтой Quiz Night-ийг зохион байгуулдаг UB Quiz Night with Miko багийн хамт олны зохион байгуулсан уг тэмцээнд …. шилдгүүдээр шалгарлаа.
1-р байр “TTRC-1” баг
2-р байр “Yin” баг
3-р байр “El vino cervisio” баг
🛠️ МАК Цементийн мэргэжилтнүүд нэмэгдсээр…
МАК Цемент ХХК - ийн 26 ажилтан "Зам барилгын машин механизмын оператор" болон "Метал боловсруулах тоног төхөөрөмжийн оператор" мэргэжлээр амжилттай суралцан, мэргэжлийн үнэмлэхээ гардан аваа 😇
🏫 Сургалтын хөтөлбөр, нэр төрөл танилцуулах өдөрлөг боллоо
Говьсүмбэр аймаг дахь Политехникийн коллеж 2024 оны намрын мэргэжил олгох сургалтын хөтөлбөр болон нэр төрлүүдийн талаар МАК Цемент ХХК - ийн ажилтнуудад танилцуулан, зөвлөгөө мэдээллээр хангаж, суралцах сонирхолтой ажилтнуудыг бүртгэх ажлыг зохион байгууллаа.
Арга хэмжээний үеэр танилцуулсан мэргэжлийн нэр төрлүүд:
Цахилгаан хангамж, тоног төхөөрөмж ашиглалт
Металлурги, металын технологи
Гагнуур
Механикжсан тээврийн хэрэгсэл, механизмын засвар, үйлчилгээ
Уул уурхайн ашиглалт
Эрдэс, чулуулаг боловсруулах төхөөрөмжийн ашиглалт
Уул уурхайн машин механизмын угсралт, засвар
Барилгын бүтээц, угсралт
Зам гүүрийн, байгууламж / замын бүх төрлийн техник барих эрхтэй төгсөнө/
Үйлдвэрийн тоног төхөөрөмжийн засвар үйлчилгээ
Хөдөлмөрийн аюулгүй байдал, эрүүл ахуй
🔖 “Бүтээгч Монголын Төлөө” шинэ сэтгүүл хэвлэгдлээ
Монголын Алт МАК ХХК-ийн амжилтын замнал, өнөөгийн үйл ажиллагаа ба бодлого, алсын харааг тусгасан шинэ сэтгүүлийг хүргэж байна. Доорх холбоос дээр дарж онлайн хувилбарыг уншаарай 🤓
Нийслэлийн цэцэрлэгийн бүртгэл дуусахад 3 хоног үлдлээ 🧒
Нийслэлийн цэцэрлэгийн элсэлтийн хоёрдугаар шатны бүртгэл 2024 оны есдүгээр сарын 5-ны өдрөөс 2024 оны есдүгээр сарын 15-ны 17:00 цаг хүртэл И-Монголиа системээр дамжуулан цахимаар хүлээн авч байна. Энэ удаагийн бүртгэлд цэцэрлэгт бүртгэлгүй хүүхэд болон нэгдүгээр шатанд хүсэлтээ илгээж амжаагүй эцэг эх, асран хамгаалагчид, түр оршин сууж буй иргэд хүсэлтээ цахимаар илгээн нийслэлийн цэцэрлэгт хамрагдах боломжтой юм.
Хэрвээ та E-Mongolia системээр дамжуулан цэцэрлэгийн бүртгэлийн хүсэлт явуулах боломжгүй байгаа тохиолдолд харьяа дүүргийн цэцэрлэг дээр ажиллаж буй ажлын хэсэгт хандаж зөвлөгөө, дэмжлэг авахыг зөвлөж байна.
Номын баяр эхэллээ 📚
36 дахь удаагийн номын баяр өнөөдрөөс эхлэн энэ амралтын өдрүүдийг дуустал Сүхбаатарын талбайд болж байна. "Илүү номыг их уншъя" уриатайгаар зохион байгуулагдаж буй энэ удаагийн номын баяраар Ерөнхийлөгчийн ивээл дор эрхлэн гаргаж буй Монгол Улсын түүхийн 12 боть номын нээлтийг хийхээр болжээ.
ХХААХҮЯ-ыг Дархан-Уул аймаг руу нүүлгэнэ 👋
Засгийн газрын хуралдаанаар Хүнс, хөдөө аж ахуй, хөнгөн үйлдвэрийн яам (ХХААХҮЯ)-ыг нийслэлээс нүүлгэх шийдвэр гаргасан байна. Тодруулбал, хот хөдөөгийн сэргэлтийн хүрээнд ХХААХҮЯ-ыг Дархан-Уул аймаг руу нүүлгэх шийдвэр гаргажээ.
Инфляц буцаад өсөв 😬
Хэрэглээний бараа, үйлчилгээний үнийн өсөлт наймдугаар сард улсын хэмжээнд 6.5 хувьтай гарч, өмнөх сараасаа даруй 1 нэгж хувиар эрчимжсэнийг ҮСХ мэдээллээ. Улсын хэмжээнд инфляц 2022 оны сүүлээс энэ оны зургаадугаар сар хүртэл тасралтгүй буурч байсан юм.
Гэвч сонгууль угтсан мөнгө тараалт, төсвийн зарцуулалтын нэмэгдлийн нөлөөгөөр инфляц энэ оны сүүлээр эргэн эрчимжих төлөвтэйг Төв банк ч, олон улсын байгууллагууд ч анхааруулаад байна.
 iPhone 16-ийн онцлог Apple компани “Glowtime” хэмээн нэрлэсэн арга хэмжээнийхээ үеэр iPhone 16 шинэ загвараа танилцууллаа. Уг бүтээгдэхүүн нь дөрвөн өөр хувилбартай бөгөөд есдүгээр сарын 20-нд худалдаалж эхлэх юм байна. Энэ удаагийн iPhone загвар хиймэл оюуны Apple Intelligence технологийг үйлдлийн системдээ шингээсэн гэдгээрээ онцлог. Үүнээс гадна камерын хувьд нэлээд сайжруулж, шинэ үеийн процессороор тоноглож, шинэ товчтой болжээ. |  Шинэ Harry-ийн эрэлд Алдарт Харри Поттерын шинэ цувралд тоглох хүүхдүүдийг сонгон шалгаруулах зарыг түгээж эхэлжээ. Тодруулбал HBO телевизээр гарах "Харри Поттер" цувралд тоглох залуу жүжигчдийг сонгон шалгаруулж байна. Зарыг энэ долоо хоногийн эхээр нээсэн бөгөөд Харри, Рон, Гермиона нарын дүрд тоглох хүүхдүүдийг сонгох юм. Эдгээр хүүхдүүд нь 9-11 настай бөгөөд Их Британи эсвэл Ирландын харьяалалтай байх ёстой юм байна. |
 3 нугардаг утас Хятадын технологийн аварга компани Huawei дэлхийд анхны гэгдэж буй гурав нугардаг гар утсаа танилцуулжээ. Өөрийн хүчтэй өрсөлдөгч Apple компанийг iPhone 16 загварын гар утсаа танилцуулснаас хойш хэдхэн цагийн дараа Mate XT нэртэй уг бүтээгдэхүүнээ нийтэд үзүүлсэн юм. Шинэ бүтээгдэхүүн $2,800 үнэтэй бөгөөд 3.7 сая хэрэглэгч урьдчилсан захиалга өгчээ. |  MTV-ийн шилдгүүд тодорлоо Америкийн хөгжмийн ертөнцийн томоохон ёслолын нэг болох MTV хөгжмийн шагнал гардуулах ёслолын ажиллагаа боллоо. Зуны шилдэг дуу, Шилдэг хамтын дуу, Шилдэг найруулга гэсэн гурван номинацид Тейлор Свифт, Пост Мэлоун нарын хамтарсан "Fortnight" дуу шалгарсан бол шилдэг уран бүтээлчээр дахиад Тейлор Свифт шалгарав. Онцлох дуунуудыг сонсохыг хүсвэл энд дарна уу. |
Томуу, томуу төст өвчнөөс сэргийлэх болон өвдсөн үед илрэх шинж тэмдгийн талаар Нийгмийн Эрүүл Мэндийн Үндэсний Төв(НЭМҮТ)-өөс зөвлөгөө мэдээлэл хүргэж байна.
Уг өвчнөөр өвдсөн үед илрэх шинж тэмдэг:
Ханиах, найтаах
Толгой өвдөх, ядрах
Халуурах, бие зарайх
Хамар битүүрэх, нус гоожих
Хоолой өвдөх, хатах
Булчингаар өвдөх
Цөөн тохиолдолд суулгах, бөөлжих шинж тэмдэг илэрнэ.
Дээрх шинж тэмдэг илэрвэл харьяа сум, өрхийн эрүүл мэндийн төвдөө хандаж, эмчид үзүүлэн, зааврын дагуу эм хэрэглэнэ үү. Мөн томуугаар өвдсөн бол амны хаалт заавал хэрэглэхийг зөвлөе. Учир нь томуугаар өвдсөн хүн ханиах найтаалгахад нян нь долоон метр зайд үсэрч, бусдыг халдварлуулдаг байна.
“Сонгуулийн өндөр жил” гэгдэж буй 2024 оны онцлох сонгууль болоход ердөө хоёр сар үлдээд байна. АНУ-ын Дэд Ерөнхийлөгч Камала Харрис, Ерөнхийлөгч асан Дональд Трамп нарын өрсөлдөөнийг тодорхойлох эргэлтийн цэг ч болох магадлалтай эхний мэтгэлцээн боллоо.
Энэ үеэр татвар, худалдааны тариф, цагаачлалын асуудал гол сэдэв байлаа… 🎥
Татвар: Дональд Трамп компаниудын орлогын татварын хувийг одоогийн 21%-иас 15% болгож бууруулж, 2017 онд Бүгд найрамдах намаас санаачилж, батлуулж байсан татварын хөнгөлөлтийн хуулийг байнгын болгохоо амлаад байгаа. Харин Харрис компанийн татварыг 28% болгож өсгөх төлөвлөгөөгөө танилцуулаад байна.
Худалдаа, тариф: Трампын хувьд бүх төрлийн импортын бараанд 10%-ийн тариф ногдуулж, тэр дундаа БНХАУ-д үйлдвэрлэгдсэн барааны тарифыг бүр ч эрчтэй өсгөнө гэдгээ хэлж байсан. Харрис мөн Хятад улсад тийм ч зөөлөн хандахгүй гэсэн дохио өгч буй ч дэлхийн хамгийн том эдийн засагтай хоёр орон хоорондын хагарлыг даамжруулах хүсэлгүй байгаагаа кампанит ажлынхаа үеэр илэрхийлж байв.
Цагаачлал: Хууль бус цагаачдыг зүгээр л албадан буцаахаа Трамп мэдэгдсэн бол Харрис хилийн зурваст нэмэлт хана барих зэрэг арга хэмжээг багтаасан цагаачлалын илүү уян хатан шийдлийг дэмжиж байгаагаа илэрхийлсэн. Цагаачлалыг хязгаарлах аливаа арга хэмжээ хэрэгжсэнээр ажиллах хүч хомсдож, инфляцыг өсгөх үр дүн гарч болзошгүйг JPMorgan-ийн шинжээчид онцолж байв.
Та орон зайн байршлаас үл хамааран МАК-ийн идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт жишиг тогтоож буй МАК компанийн бүтээн байгуулалтуудаар хамтдаа зочилцгооё 👇
Төв оффисын хурлын өрөө захиалах заавар
Төв оффисын 2-р давхрын засвар бүрэн дуусаж, газар, нэгжүүд хурлын өрөө ашиглахдаа урьдчилсан захиалга үүсгэх боломжтой боллоо. Тиймээс та бүхэн доорх бичлэгт заасанчлан Microsoft Outlook Email, Calendar функц ашиглан захиалга үүсгээрэй 👇