- Makers News
- Posts
- 🪟 МЕВАХҮ ISO стандартын хэрэгжилтээ амжилттай хамгааллаа👏
🪟 МЕВАХҮ ISO стандартын хэрэгжилтээ амжилттай хамгааллаа👏
🪟 МЕВАХҮ ISO стандартын хэрэгжилтээ амжилттай хамгааллаа👏
Makers News
August 16, 2024
Powered by
Баасан гарагийн мэнд хүргэе! МЕВАХҮ-ийн хамт олон маань олон улсын нэгдсэн менежментийн тогтолцооны хэрэгжилтээ амжилттай хамгаалсан байна. Бүтээгчид та бүхэн цахим товхимлын шинэ дугаарыг хүлээн авна уу😉
Та newsletter-ийн зураг, дизайныг бүтнээр нь харахыг хүсвэл баруун дээд буланд байрлах “Trust Sender” товч дээр дарна уу.
👏 МЕВАХҮ: Олон улсын нэгдсэн менежментийн тогтолцооны стандартуудаа амжилттай хамгааллаа
Барилгын материал үйлдвэрлэлийн салбарт шинэ стандарт, шинэ технологийг нэвтрүүлэн манлайлан ажиллаж буй “МАК Евро Виндоор” хаалга цонхны үйлдвэр, “МАК Евро Венти” агааржуулалтын хоолойн үйлдвэр өнгөрсөн онд нэвтрүүлсэн олон улсын чанарын менежментийн тогтолцоогоо амжилттай хамгааллаа.
Тодруулбал, ISO 9001:2015 Чанарын менежментийн тогтолцоо, ISO 45001:2018 Хөдөлмөрийн аюулгүй байдал, эрүүл ахуйн менежментийн тогтолцоо, ISO 14001:2015 Байгаль орчны менежментийн тогтолцооны стандартуудыг мөрдөн ажиллаж байгаагаа баталгаажуулсан байна.
🏢 Төв оффисын хурлын танхимуудын засварын ажил дууслаа
Төв оффисын хурлын давхар буюу хоёрдугаар давхрын засварын ажил дуусаж, техникийн шинэчлэлийн ажил үргэлжилж байна.
Адуунчулуун
Технологийн талаас дараах шинэчлэлүүдийг хийж байна. Үүнд:
Телевиз, агааржуулагч, гэрэлтүүлэг зэргийг таблетаас удирдах
Хурлын өрөөний захиалгыг таблетаас үүсгэх
Цагаан Суварга танхимд 4K video wall суурилуулсан
Хол зайнаас мэдрэх заалны микрофон
Адуунчулуун, Нарийнсухайт танхимын шилэн хананд шаардлагатай үед харагдахгүй болгох автомат хуулга зэргийг суурилуулсан байна.
Цагаансуварга
Цагаан Суварга хурлын танхим
70 суудал, 204м2 талбай
2000х3600м LED дэлгэц
Microsoft Teams хурлын систем - спикер, микрофон, камер
Yamaha sound system, Saros speaker, Yamaha Woofer
Хөргөгч, кофе чанагч, ус цэвэршүүлэгч, аяга таваг угаагч тоноглосон цайны өрөөтэй
Механик (Parthos) хаалтаар тоноглож өгсөн ба 2 хуваан зэрэг ашиглах боломжтой
Акустик хавтан, Австри (Kronospan) хавтан, арьсан материал, Ядон (LX) дрож
Адуунчулуун
Адуун чулуун хурлын өрөө
20 суудал, 50м2 талбай
85 инч зурагт – 2ш
Microsoft Teams хурлын систем - спикер, микрофон, камер
Жижиг хөргүүр
Нарийнсухайт хурлын өрөө
14 суудал, 38,2м2 талбай
85 инч зурагт – 2ш
Microsoft Teams хурлын систем - спикер, микрофон, камер
Жижиг хөргүүр
Цагаансуварга хурлын өрөө
Коридор хэсэг
40м2
Хүлээлгийн хэсэг буйдантай илүү тухтай болсон
Утсаар ярих бүхээг
Ариун цэврийн өрөө – Kohler тоноглогдсон
✍️ Төв оффис: И-мэйл гарын үсгээ шинэчлээрэй
Төв оффисын ажилтнуудын цахим шуудангийн гарын үсгийг шинэчлэн нэгдсэн загварт орууллаа. Та бүхэн дараах зааврын дагуу Email Signature-аа шинэчлээрэй. Мэдээлэл шинэчлэх шаардлагатай эсвэл таны нэрээр файл байхгүй тохиолдолд Байгууллагын дотоод PR хариуцсан мэргэжилтэн Б.Үлэмжид хандаарай.
Аж үйлдвэрийн салбарын хөрөнгө оруулалт 💰
Манай улсад 2023 онд нийт ₮24.6 их наядын хөрөнгө оруулалт хийгдсэний 60.3% буюу ₮14.8 их наяд нь аж үйлдвэрийн салбарт чиглэжээ. Энэ дүнг салбараар нь задлан харвал, 91.3%-ийг уул уурхай, олборлолт, 6.8%-ийг цахилгаан, хий, агааржуулалт, усан хангамж, 1.9%-ийг боловсруулах үйлдвэрлэлийн салбарын хөрөнгө оруулалт эзэлж байна.
УБ хотын төвлөрлийг нэмэхгүй байх бодлого баримтална 🏠
2024 онд манай улсад 37 мянган айлын орон сууцны барилга угсралтын ажил шинээр эхэлснээс 81.5% нь нийслэлд баригдаж байна. Тиймээс төвлөрлийг бууруулахын тулд эдийн засгийн өсөлт өндөртэй, аж үйлдвэрлэл, худалдаа, тээвэр логистик хөгжсөн, бүлэг суурингийн төв болох чадамжтай орон нутгийн хот суурин газрыг дэмжих бодлого баримтална гэлээ.
Нийтийн тээврийн тоог нэмнэ 🚌
Хичээлийн шинэ жил эхэлж байгаатай холбогдуулан энэ сарын 26-наас 110 шинэ автобусыг нийтийн тээврийн үйлчилгээнд нэмж гаргахаар боллоо. Ингэснээр 1,200 орчим нийтийн тээврийн автобус иргэдэд үйлчилнэ. Үүнээс 805 нь Дүнжингарав, Хархорин, Нарантуул гэх мэт томоохон зах, худалдааны төвөөр дайран өнгөрч буй нийтийн тээврийн үйлчилгээнд явах юм байна.
Цэцэрлэгийн хүүхдийн хоолны зардлыг нэмнэ 🧒
Боловсролын сайд П.Наранбаяр цэцэрлэгийн хүүхдийн хоолны зардлыг 1000 төгрөгөөр нэмэхээ мэдэгдлээ. Ингэснээр хүүхдийн нэг өдрийн хоолны мөнгө 2500-3000 төгрөг болж, эцэг, эхчүүд сард 22 мянган төгрөг төлөхөөр болж байна. Харин зорилтот бүлгийн өрхийн хүүхдийн зардлыг төр хариуцах юм байна.
Ороод гараарай: “Japan Festival in Mongolia” 🇯🇵
Энэ амралтын өдрүүдээр Сүхбаатарын талбайд “JAPAN FESTIVAL IN MONGOLIA” арга хэмжээ зохион байгуулагдах гэж байна. Япон улсын өв соёлыг сурталчлах, түгээн дэлгэрүүлэх зорилготой энэ удаагийн арга хэмжээ нь "Бүхнийг ирээдүйн төлөө" уриан дор болох бөгөөд Монгол-Японы бизнес, боловсрол, соёл, эдийн засгийн хамтын ажиллагааг гүнзгийрүүлэн эрчимжүүлэхэд чиглэх юм байна.
 Ангараг ба сарны илэрц Ангараг гарагийн гадаргын гүнд усны нөөц байгааг NASA-ийн эрдэмтэд илрүүллээ. Тодруулбал, гарагийн гүнд явагдаж буй чичиргээг хэмжих сейсмометрийн дохиогоор гадаргын гүнд ус байгааг тогтоосон аж. Түүнчлэн сарны ард талаас авч ирсэн дээжийн 41% нь ус байгааг Хятадын эрдэмтэд мэдээлээд байна. |  “Нисдэг” галт тэрэг Урд хөршид цагт 1000 км/ц хурдалдаг ультра-өндөр хурдны галт тэргийн бүрэн хэмжээний туршилтыг амжилттай гүйцэтгэлээ. Энэхүү төсөл нь цагт 1000 км-ээс илүү хурдалдаг, өөрөөр хэлбэл, нисэх онгоцноос хурдан зорчигч тээврийн галт тэргийг зохион бүтээх зорилготой аж. |
 Иман Хелиф шүүхэд ханджээ Олимпын эмэгтэй боксын 66кг-ийн жинд алтан медаль хүртсэн Иман Хелиф Илон Маск, Ж.К.Роулин нарыг өөрийнх нь эсрэг худал мэдээлэл тараасан хэрэгт буруутган шүүхэд нэхэмжлэл гаргалаа. Парисын прокурорын газар гомдлыг нь хүлээж авсан бөгөөд “хүйсийн шалтгаанаар бусдад цахим орчинд дарамт учруулж, олон нийтийн дунд доромжилсон” гэх үндэслэлээр шалгаж эхэлсэн тухайгаа мэдээлжээ. |  Эрчим хүчний дэвшил Оксфордын их сургуулийн эрдэмтэд хүний үснээс 100 дахин нимгэн атлаа нарны гэрлээс эрчим хүч үйлдвэрлэдэг материал гарган авсан байна. Энэ материалаар үүргэвч, гар утас, барилга гээд аль ч төрлийн гадаргууг бүрэх боломжтой аж. Уламжлалт хавтангууд нарны гэрлийн 22 хүртэлх хувийг эрчим хүч болгон хувиргадаг бол энэхүү шинэ материал нь одоогоор 27 хувийг эрчим хүч болгон хувиргаж байгаа аж. |
2050 он гэхэд дэлхийн хүн ам 10 тэрбумд хүрч улмаар агаарын дундаж температур 1.5-2 хэмээр нэмэгдэнэ гэсэн тооцоо бий. Ингэснээр нийт амьд амьтдын 90 хувь нь аюулд өртөж, байгалийн гамшгийн давтамж 3-5 дахин нэмэгдэх юм. Тиймээс дэлхий даяар нүүрсхүчлийн хийн ялгаруулалтыг бууруулах зорилт тавин сэргээгдэх эрчим хүчний салбарын хөгжилд ихээхэн анхаарал хандуулж байна. Манай компани ч ирэх 30 жилийн зорилгоо ногоон хөгжилд тэмүүлнэ хэмээн тодорхойлж үйлдвэр, уурхайн цахилгааны хэрэглээг сэргээгдэх эрчим хүчээр хангахын зэрэгцээ цахилгаан хөдөлгүүрт тээврийн хэрэгсэл нэвтрүүлэх ажлаа эхлүүлээд байгаа билээ. 🌳
Apple компани өөрийн бүтээгдэхүүнүүдийнхээ давуу талыг харуулан, хэн бүхэнд зориулагдсан болохыг илтгэх шинэхэн сурталчилгаагаа олон нийтэд цацлаа. Хүмүүсийн ялгаатай байдлыг хүндэтгэх, хүлээн зөвшөөрөхийг уриалсан, дулаан мэдрэмж өгөх энэхүү бичлэгийг та бүхэнтэй хуваалцаж байна 🤗
Та бүхэн дараах ажлын байруудад тохирно гэж үзэж буй найз нөхөд, танилууддаа эдгээр зарыг түгээж хүний нөөц бүрдүүлэлтэд хувь нэмрээ оруулаарай. 🤩
Та орон зайн байршлаас үл хамааран МАК-ийн идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт жишиг тогтоож буй МАК компанийн бүтээн байгуулалтуудаар хамтдаа зочилцгооё 👇
