- Makers News
- Posts
- 🟢 Төв оффис: Ногоон барилга 🟢
🟢 Төв оффис: Ногоон барилга 🟢
👔👗 Хувцаслах соёл | 🏐 Волейболын аваргууд | 👩🍳 Тогооч нарын өдөр
Makers News
October 25, 2024
Өглөөний мэнд ээ! 🌦️ Бид дэлхийн хөгжилтэй хөл нийлүүлэн алхаж, компанийн төв оффисыг ногоон барилгын шалгуурт нийцүүлэх олон шинэчлэлийг хийгээд байна. Энэ удаагийн дугаарт ногоон барилгын стандартын талаар онцоллоо 👇 🟢
Та newsltter-ийн зураг, дизайныг бүтнээр нь харахыг хүсвэл баруун дээд буланд байрлах “Trust Sender” товч дээр дарна уу.
💁 Туслан гүйцэтгэгчийн сонгон шалгаруулалт зарлалаа
“MAK Евро Виндоор” цонх, хаалганы үйлдвэрийн цонх, хаалганы угсралт, суурилуулалтад хамтран ажиллах туслан гүйцэтгэгчийн сонгон шалгаруулалт зарлалаа.
📌 Тавигдах шаардлага:
Үйл ажиллагаа эрхлэхтэй холбоотой бичиг баримтын зөрчилгүй
Инженер, техникийн үндсэн ажилтнуудтай
Жилийн 4 улирал гэрээт ажлыг гүйцэтгэх боломжтой
Schüco брэндийн хуванцар болон хөнгөн цагаан шилэн фасад цонх, хаалганы угсралт суурилуулалт, тохиргоо үйлчилгээ хийж байсан туршлагатай байх
Санхүүгийн чадамжтай
Гэрээт ажлыг гүйцэтгэх хөлс зах зээлийн жишигт нийцсэн, өрсөлдөхүйц байх
Та бүхэн энэхүү мэдээллийг барилгын группуудэд түгээж, сонгон шалгаруулалтад хувь нэмрээ оруулаарай 😇
🏗️ MAK Euro Venti ногоон барилгын стандартад нийцэх ган агаар сэлгэлтийн хоолой үйлдвэрлэж байна
“МАК Евро Венти” үйлдвэр нь Швейцарын "Spiro International", Германы "Schroder Group"-ийн бүрэн болон хагас автомат тоног төхөөрөмжөөр Европын EN стандартад нийцсэн ган агаар сэлгэлтийн хоолой үйлдвэрлэн зах зээлд нийлүүлж байна. Бүтээгдэхүүний танилцуулга Reel-ийг үзэж, цахим орчинд түгээгээрэй 👇 😇
🟢Компанийн төв оффис "Ногоон барилга" болох боломжтой юу?
Компанийн төв оффисын барилгыг бүрэн засварлаж, ногоон барилгын шалгуурт нийцэх олон өөрчлөлт хийсэн тул дэлхийн хамгийн нэр хүндтэй, шалгуур өндөртэйд тооцогддог LEED (Leadership in Energy and Environmental Design) ногоон барилгын гэрчилгээ авахаар ажиллаж байна 🟢
Ногоон барилга гэдэг нь төлөвлөлт, материал сонголтоос эхлээд ашиглалтад орох бүхий л шат дамжлагыг байгаль орчин, хүний эрүүл мэндэд ээлтэй байхаар тооцоолж, зөвлөх экспертүүдийн хяналт, хамтын оролцоотойгоор барилгын ажлыг гүйцэтгэн аудитаар орж, баталгаажуулан тохирлын гэрчилгээ гардан авах үйл ажиллагааг хэлнэ. Ингэснээр, тухайн барилгын эдийн засгийн үр өгөөж нэмэгдэхээс гадна илүү ногоон ургамал бүхий орчин бий болсноор ажилтнууд байгальд байгаа мэт таатай мэдрэмж авч, стресс буурах, бүтээмж нэмэгдэх давуу талтай. Түүнчлэн энгийн барилгуудтай харьцуулахад байгаль орчинд эерэг нөлөөлөл үзүүлдгээрээ онцлог юм ✅
👩🍳 НСУ: Олон улсын тогооч нарын өдрийг тэмдэглэн өнгөрүүллээ
Нарийнсухайтын уурхайн хамт олон хоол үйлдвэрлэл, үйлчилгээний ажилтнууддаа талархал илэрхийлэн мэндчилгээ дэвшүүлж, “Олон улсын тогооч нарын өдөр“-ийг тэмдэглэн өнгөрүүлсэн байна. Энэ үеэр “Тогоочийн алдар” шагналаар Ахлах тогооч Д.Болортуяа, Ахлах тогооч Ч.Гантуяа, “Тэргүүний ажилтан”-аар Д.Цэндмаа, “Шилдэг залуу” шагналаар П.Болор-Эрдэнэ, А.Сүх-Эрдэнэ, Г.Урансувд, Г.Мөнхгэрэл нар тус тус шагнуулжээ. 👏👏👏
Мөн хэсэг, нэгжүүдийн дунд зохион байгуулсан "Би ч бас тогооч" хоол урлах тэмцээнд 10 баг оролцож, шилдэг гурван багийг шалгаруулан урамшуулсан байна.
🏐 Гар бөмбөгийн аваргууд тодорлоо
Жил бүр уламжлал болгон зохион байгуулдаг “MAK CUP” спортын их наадмын “Гар бөмбөгийн аварга шалгаруулах тэмцээн” амжилттай зохион байгуулагдаж, шилдгүүдээ тодрууллаа. Энэхүү тэмцээнд охин компани, үйлдвэр, уурхай, газар нэгжийн нийт 22 багийн 200 орчим тамирчин хурд хүч, авхаалж самбаа, авьяас чадвараа сорин өрсөлдсөн юм 🏐
Эрэгтэй төрөлд:
🥇 I байр: “Нарийнсухайтын уурхай”
🥈 II байр: “Харуул хамгаалалт, аюулгүй байдлын газар”
🥉 III байр: “Хүрэнтолгой Коал Майнинг” ХХК
🥇 I байр: “Нарийнсухайтын уурхай”
🥈 II байр: “Харуул хамгаалалт, аюулгүй байдлын газар”
🥉 III байр: “Хүрэнтолгой Коал Майнинг” ХХК
Эмэгтэй төрөлд:
🥇 I байр: “МАК Цемент” ХХК
🥈 II байр: “Нарийнсухайтын уурхай”
🥉 III байр: “Хүннү Эйр” ХХК
🥇 I байр: “МАК Цемент” ХХК
🥈 II байр: “Нарийнсухайтын уурхай”
🥉 III байр: “Хүннү Эйр” ХХК
🏆 Эрэгтэй шилдэг тэгш тоглогч: Т.Тэмүүгэн, Харуул хамгаалалт, аюулгүй байдлын газрын Аюулгүй байдлын мэргэжилтэн
🏆 Эмэгтэй шилдэг тэгш тоглогч: Б.Эрдэнэцэцэг, Нарийн сухайтын уурхайн Хүний нөөцийн мэргэжилтэн
👨⚖️ Ажил хэрэгч хувцаслах зөвлөмж
Та бүхнийг төв оффисын орчинд ажил хэрэгч хувцаслахыг уриалж байна. Ажил хэрэгч хувцаслалт нь өөртөө болон хамт олондоо хүндэтгэл үзүүлж буй нэг хэлбэр юм. Мөн ажлын байранд мэргэжлийн уур амьсгал бүрдүүлэн хамтын ажиллагааг идэвхжүүлэх давуу талтай 🤗
💻 Төв оффисын хурлын өрөө захиалах заавар
Төв оффисын газар, нэгжүүд хурлын өрөөний урьдчилсан захиалгаа дараах зааврын дагуу Microsoft Outlook Email, Calendar функц ашиглан үүсгээрэй 👇
👋 Танилц: Intranet.mak.mn сайтын боломжууд
Та бүхэн www.intranet.mn сайтаас компанийн талаарх хэрэгцээтэй бүх мэдээллийг нэг дороос хүлээн аваарай. Тодруулбал, хэрэгцээт файл, компанийн дотоод дүрэм, журам зэрэгтэй танилцахаас гадна амралт чөлөөний хүсэлтээ үүсгэн дотоод тэмцээн, уралдааны зургуудыг үзэх боломжтой шүү 💻
Газрын тос боловсруулах үйлдвэрийн нэмэлт санхүүжилт: $431 сая 💰
Газрын тос боловсруулах үйлдвэрийн ажилд төслийн нийт санхүүжилт болох $1.2 тэрбум хүрэлцэхгүй нөхцөл байдал үүссэн гэж салбарын сайд мэдэгдлээ. Цар тахлаас хойш дэлхий даяар тоног төхөөрөмжийн үнэ, бүтээн байгуулалтын өртөг зардал өссөн нь үүнд нөлөөлсөн гэж тайлбарлаж байна. Тиймээс төслийг үргэлжлүүлж, 4-р багцын ажлыг эхлүүлэхэд Энэтхэгийн Эксим банкнаас нэмж $431 саяын зээл авахаар төлөвлөж байна.
Ибупрофен-Денк 400мг эмийг жоргүй авах боломжтой боллоо 💊
10-р сарын 1-ний өдрөөс эхлэн "Эм, эмнэлгийн хэрэгслийн тухай хууль"-д өөрчлөлт оруулан ихэнх эмийг зөвхөн эмчийн хүчинтэй жороор олгохоор шийдвэрлэсэн билээ. Тэгвэл 10-р сарын 21-ний өдрөөс эхлэн өвчин намдаах Ибупрофен-Денк 400мг эмийг жоргүй авах боломжтой болжээ.
Татвар, торгуулиа төлөөгүй бол замын хөдөлгөөнд оролцуулахгүй 🚗
Ирэх сарын 8-наас эхлэн импортоор орж ирсэн автомашинд Улаанбаатар хотод харьяатай улсын дугаар олгохгүй байхаар шийдвэрлэлээ. Түүнчлэн авто замын хөдөлгөөний ачааллыг бууруулахын тулд техникийн оношилгоонд ороогүй, татвар, торгуулиа төлөөгүй тээврийн хэрэгслийг 12-р сарын 1-нээс эхлэн замын хөдөлгөөнд оролцуулахгүй гэлээ.
Италийн 5 хот руу шууд нислэгтэй болно ✈️
Монгол Улс Бүгд Найрамдах Итали Улс болон Бүгд Найрамдах Руанда Улстай агаарын харилцааны гэрээ үзэглэж, харилцан ойлголцлын санамж бичиг байгууллаа. Үр дүнд нь Италийн Милан, Ром, Венец хотууд руу шууд нислэг үйлдэх боломжтой болж байгаа бөгөөд үүн дээр 2 чиглэлийг нэмж тодорхойлох юм байна. Харин Руандатай нислэгийн чиглэл, давтамж болон багтаамжийг хэлэлцээр байгуулах үед тохирох аж.
 Амьдрал солироос эхэлсэн Харвардын эрдэмтэд дэлхийд 3 тэрбум жилийн өмнө солир унаснаар амьдрал үүссэн гэжээ. Тодруулбал, уг солир нь 66 сая жилийн өмнө үлэг гүрвэл болон бусад олон амьтдыг мөхөлд хүргэсэн солироос 200 дахин том байсан аж. Нүүрстөрөгч, фосфороор баялаг байсан уг солир нь молекулуудад хэрэгтэй шим тэжээл болж, далайн гүн дэх төмрөөр баялаг устай холилдсоноор олон төрлийн бичил организм үүсэх таатай орчин бүрдсэн гэж үзэж байна. |  Цэнэглэгчтэй замын туршилт Норвеги улсад дэлхийн анхны wireless цэнэглэгчтэй замын туршилт эхэллээ. Цахилгаан авто машиныг хөдөлж байхад нь ч, зогсож байхад нь ч цэнэглэх энэхүү шинэ технологи нь автомашиныг илүү байгальд ээлтэй болгох зорилготой юм. Уг туршилт нэг жилийн хугацаанд үргэлжлэх бөгөөд одоогоор Yutong болон Higer компанийн цахилгаан автобусууд оролцож байгаа аж. |
 GOT-ийн сэнтий $1.4 сая хүрэв “The Heritage Auctions” компанийн зохион байгуулсан дуудлага худалдаагаар “Game of Thrones” цувралын төмөр сэнтий 6 минутын дотор $1.49 саяар зарагджээ. Уг дуудлага худалдааны үеэр цувралтай холбоотой 900 гаруй эд хэрэглэл худалдаалагдсан байна. Жишээлбэл, Жон Сноу-ийн “Longclaw” илд $400,000, Серсей Ланнистерийн даашинз $137,500, Жейме Ланнистерийн савхин хүрэм $275,000-оор тус тус дуудагджээ. |  Өнгөт Kindle худалдаанд гарна Amazon.com компани өнгөт Kindle танилцууллаа. Хэрэглэгчдийн анхаарлыг хамгийн ихээр татаж буй Kindle Colorsoft загвар нь 7 инчийн дэлгэцтэй, усны хамгаалалттайгаас гадна 8 долоо хоног цэнэгээ барих гэнэ. Номын хавтас, зураг зэргийг өнгөтөөр хараад зогсохгүй хүссэн хэсгээ өнгөөр тэмдэглэх боломж олгох шинэ загварууд нь энэ сарын 30-наас эхлэн $279-оор зах зээлд борлуулагдах юм байна. |
Дэлхийн Эрүүл Мэндийн Байгууллагаас жил бүрийн аравдугаар сарыг "Хөхний хорт хавдартай тэмцэх сар" болгон зарласан. Хавдар судлалын үндэсний төвийн 2023 оны тайлангаар 7244 хорт хавдрын шинэ өвчлөл оношлогдсоноос 344 нь хөхний хорт хавдрын тохиолдол байжээ. Хөхний хорт хавдар нь нийт оношлогдсон хавдрын зургаадугаарт, эмэгтэйчүүдэд оношлогдож байгаа хорт хавдрын дөрөвдүгээрт эрэмбэлэгдэж байна. Тиймээс эмэгтэйчүүд сар бүр хөхөө шалгаж, сэжигтэй шинж тэмдэг илэрвэл шууд мэргэжлийн эмчид хандаарай 👇👇👇
"Engineered Arts" компани хиймэл оюун ухааны тусламжтайгаар хүмүүсийн асуусан асуултад хариулж, харилцах чадвартай "Ameca" хэмээх роботоо танилцууллаа. Энэхүү роботын зөвхөн толгой хэсэгт л гэхэд 27 хөдөлгүүр оржээ. Ингэснээр хүний нүүрний булчингийн хөдөлгөөн, нүүрний хувирлыг дуурайх боломжтой болсон аж 🤖
Та бүхэн дараах ажлын байруудад тохирно гэж үзэж буй найз нөхөд, танилууддаа эдгээр зарыг түгээж хүний нөөц бүрдүүлэлтэд хувь нэмрээ оруулаарай 🤩
Та орон зайн байршлаас үл хамааран МАК-ийн идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт шинэ жишиг тогтоож буй МАК компанийн бүтээн байгуулалтуудаар хамтдаа аялцгаая 👇
"Makers News" цахим товхимолд и-мэйл хаягаа бүртгүүлснээр Компанийн үйл ажиллагаа, дотоод арга хэмжээ, үйл явдлууд, улс эх оронд өрнөж буй хамгийн чухал, анхаарал татсан мэдээ мэдээллүүдийг нэг дороос унших боломжтой шүү 🙌
Та бүхэн шинэ ажилтан, ширээний найзууддаа дуулгаарай 📢