- Makers News
- Posts
- ♻️ Эко поддон үйлдвэрлэж байна
♻️ Эко поддон үйлдвэрлэж байна
🌳 1500 мод | ♻️ Эко поддон | 🏸Спортын тэмцээн
Makers News
October 10, 2024
Пүрэв гарагийн мэнд ээ! Маргааш орон нутгийн сонгууль болж, бүх нийтээр амрах тул энэ удаагийн дугаар Пүрэв гарагт та бүхэнд хүрч байна. Сонгуульдаа идэвхтэй оролцож, ирэх 4 жилийн төлөөллөө заавал сонгоорой. Таны сонголт мэргэн байг 😇
Та newsltter-ийн зураг, дизайныг бүтнээр нь харахыг хүсвэл баруун дээд буланд байрлах “Trust Sender” товч дээр дарна уу.
🌳 “Тэрбум мод” үндэсний хөдөлгөөнд нэгдэж 1500 мод тарилаа
Жил бүр “Бүх нийтээр мод тарих өдөр”-ийг тэмдэглэн өнгөрүүлдэг уламжлалын дагуу өнгөрсөн Баасан гарагт Төв оффис болон “Аяан Хотелс Энд Ресортс” ХХК-ийн ажилтнууд Богдхан уулын Залаатын аманд 1500 орчим мод тарьж, "Тэрбум мод" үндэсний хөдөлгөөнд хувь нэмрээ орууллаа 👏
Ингэхдээ “Трү Ти Ар Си” ХХК-ийн Адуунчулууны хүрэн нүүрснээс гарган авсан 80л “ЭКО гумат”-ын бордоог ашигласан байна. МАК компани үйл ажиллагаа явуулж эхэлсэн цагаасаа хойш үйлдвэр, уурхайн бүсэд нийт 200 мянга гаруй мод тарьж, ургуулсан байна. Өөрөөр хэлбэл, 4924 тонн хүлэмжийн хийн ялгаруулалтыг бууруулсантай тэнцэх хэмжээний ногоон байгууламж бий болгожээ 🌳
♻️ MAKBM: Байгальд ээлтэй хуванцар поддон үйлдвэрлэж байна
МАК компани 100% дахин боловсруулагддаг, байгаль орчинд ээлтэй хүнд даацын хуванцар поддон үйлдвэрлэн зах зээлд нийлүүлж эхлээд байна. Энэ нь модон поддоноос 10 дахин удаан эдэлгээтэй, хэрэглэхэд хялбар, хүйтэнд тэсвэртэй зэрэг давуу талуудтай юм байна. Байгаль орчноо хамгаалж, ногоон хөгжлийн эрхэмлэх үүднээс модон поддоныг хэрэглээнээсээ халж, хүрээлэн буй орчинд ээлтэй жишиг тогтоож буй хамт олноо ойр хавийнхандаа “рекламдаарай” 😉
🏸 Агаарын теннисийн аварга шалгаруулах анхны тэмцээний тов гарлаа
"Монголын Алт" (МАК) ХХК-ийн нийт ажилтнуудын дунд 10-р сарын 13-ны өдөр анх удаа Агаарын теннисийн аварга шалгаруулах тэмцээн зохион байгуулагдахаар боллоо. Нийт ажилтнуудад тус спортыг сурталчлан таниулах, хамт олны нийгмийн идэвх, эрүүл мэндийг сайжруулах, чөлөөт цагийг үр бүтээлтэй өнгөрүүлэх зорилготой тус тэмцээн эрэгтэй, эмэгтэй ганцаарчилсан болон багийн төрлөөр зохион байгуулагдана.
Тэмцээний техникийн зөвлөгөөн өнөөдөр буюу 10-р сарын 10-ны өдөр 16 цагт Төв оффист зохион байгуулагдана. Та бүхэн доорх холбоосоор нэвтэрч мэдүүлгийн маягт бөглөн бүртгүүлээрэй.
⛰️ Бямба гарагт ууланд алхана
“МАК Ууланд алхалтын клуб”-ээс энэ долоо хоногийн Бямба гарагт Зайсан Чингисийн өргөө → Зүүн оргил → Тэнгэрийн хад гэсэн маршрутаар алхалт зохион байгуулахаар боллоо. Өглөөний 07:00 цагт Зайсан дахь Чингисийн өргөө авто зогсоол дээр цуглаж алхалтаа эхлэх юм байна. Та бүхэн хамт олноороо ууланд гарч амралтын өдрөө идэвхтэй өнгөрүүлээрэй 👍
Дэлхийн Банк таамгаа ахиуллаа 📈
Дэлхийн Банк 2024 оны Монгол Улсын эдийн засгийн өсөлтийн төсөөллөө 4.8 хувиас 5.3 хувь болгон ахиулсан байна. Харин ирэх онд Монгол Улсын эдийн засаг 6.5 хувиар өснө гэж төсөөлсөн нь Зүүн Ази, Номхон далайн хөгжиж буй орнууд дунд хоёрдугаарт бичигдэх өндөр үзүүлэлт болж байна.
Хөдөлмөрийн хөлсний доод хэмжээ 20% нэмэгдэнэ 💰
Одоо 660 мянган төгрөг байгаа хөдөлмөрийн хөлсний доод хэмжээг ирэх оны 4-р сарын 1-нээс 792 мянган төгрөг болгон 20% нэмэхээр боллоо. Харин 2 жилийн дараанаас буюу 2026 оноос энэ дүнг 1 сая төгрөгт хүргэх эсэх тухай хэлэлцэж байна.
Уул уурхайн дараагийн томоохон төсөл: Цөмийн түлш 🔥
Францын "Orano" компаниас хэрэгжүүлж буй $1.6 тэрбумын хөрөнгө оруулалттай уран олборлох төсөл “Зөөвч Овоо”-оос 2030 он гэхэд цөмийн түлш үйлдвэрлэж эхлэх боломжтой гэж тус компанийн зүгээс мэдэгдлээ. Уурхайн үйлдвэрлэл хөрөнгө оруулалтын гэрээ байгуулагдсанаас хойш 5 жилийн дараа эхлэх юм. Хэрэв төсөл амжилттай хэрэгжвэл Оюу Толгойн дараа орох Монголын хамгийн том уул уурхайн төсөл болох юм.
ТАНИЛЦ: Орон нутгийн сонгуулийн саналын хуудас бөглөх заавар 🗳️
Саналын хуудас нь "Аймаг, нийслэлийн Иргэдийн төлөөлөгчдийн хурал", "Сум дүүргийн Иргэдийн төлөөлөгчдийн хурал" гэсэн хоёр хэсэгтэй байх ба та өөрийн дэмжиж буй нэр дэвшигчийн өмнөх зууван дүрсийг дүүргэн будаж саналаа өгнө. Мандатын тооноос илүү нэр дэвшигчийг сонгосон бол тус санал хүчингүйд тооцогдох учраас тойргийнхоо мандатын тоог зайлшгүй мэдэх шаардлагатай шүү 👇
Эрчим хүч хэмнэх энгийн аргууд ⚡
Ирэх сарын 1-нээс цахилгаан болон дулааны үнэ нэмэгдэхээр болоод байгаа. Гэхдээ одоо хүртэл цахилгааны үнэ яг ямар шатлалтайгаар, хэдэн хувиар нэмэгдэх нь тодорхой болоогүй л байна. Ямартай ч цахилгааны үнэ нэмэгдэх нь тодорхой болсон тул ахуйн цахилгааны хэрэглээгээ хэмнэх энгийн аргуудыг та бүхэнд хуваалцаж байна. 👇
 БНХАУ-д дэлхийн анхны AI эмнэлэг нээгдлээ БНХАУ-ын Цинхуа их сургуулийн технологийн мэргэжилтнүүдийн хөгжүүлсэн дэлхийн анхны AI эмнэлэг үүд хаалгаа нээлээ. Энэхүү эмнэлэг нь 14 робот эмч, 4 виртуал сувилагчтай аж. Энгийн эмч нар хоёр жилийн дотор 10,000 өвчтөнд үйлчилгээ үзүүлдэг бол хиймэл оюун ухаант робот эмч нар хэдхэн өдрийн дотор энэ тооны хүмүүст үйлчилгээ үзүүлэх чадамжтай юм. |  AI-ийн загалмайлсан эцэг Нобель хүртэв Хиймэл оюун ухааны загалмайлсан эцэг гэгддэг Жеффри Хинтон Нобелийн шагнал хүртлээ. Тодруулбал, профессор Жон Хопфилд, Жеффри Хинтон нар машин сургалтын салбарт хийсэн нээлтээрээ Физикийн салбарын Нобелийн шагналыг хүртсэн юм. Тэрээр өнгөрсөн жил “Google”-ээс гарахдаа хиймэл оюун ухааны хөнөөлт талыг судална гэж мэдэгдэж байсан юм. |
 Япон GPS-ээс өрх тусгаарлана Япон улс өөрийн газар нутгийнхаа байршил тогтоох системийг АНУ-ын GPS системээс хамааралгүйгээр хөгжүүлэхээр шийдвэрлэлээ. GPS-ийн суурин дээр өргөтгөл байдлаар ажиллаж буй 4 хиймэл дагуулаа 2030 он гэхэд 11 болгоно гэж мэдэгдсэн юм. Тойрог замд ажиллаж буй 4 Michibiki хиймэл дагуул нь 2018 оноос хойш тасралтгүй ажиллаж байгаа аж. |  Тетрисийг дуусгасан анхны хүн Майкл Артиага гэх 16 настай Америк хүү сонгодог видео тоглоом Тетрисийн бүх үеийг амжилттай дуусгасан анхны хүн боллоо. Тэр нийт 82 минут тоглож, 255 үеийг дуусгасны дараа тоглоомын оноо дахин тэгээс эхэлсэн байна. Артиага 2020 онд 13 настайдаа Сонгодог Тетрисийн Дэлхийн аварга шалгаруулах тэмцээнд төрсөн ахыгаа хожиж, түүхэнд хамгийн залуу аваргаар тодорч байжээ. |
“Нобелийн 7 хоног” эхэлсэнтэй холбоотойгоор тус шагналын түүхийг хуваалцъя 🏆
Энэхүү шагналыг 1901 оноос эхлэн динамитыг нээсэн алдарт эрдэмтэн, химич, инженер, зохион бүтээгч Альфред Нобелийн гэрээслэлийн дагуу олгож эхэлсэн байна. Тэрээр амьдралынхаа туршид зохиосон бүтээлүүдийнхээ орлогоо физик, хими, биологи, физиологи анагаахын шинжлэх ухаан, уран зохиол, энхтайвны үйлст томоохон хувь нэмэр оруулан шинэ нээлт хийсэн хүмүүст олгохоор гэрээслэн үлдээсэн юм.
Харин 1969 онд Шведийн банкнаас “Эдийн засаг”-ийн салбарыг нэмж, тус номинацын шагналыг Нобелийн сангаас бус Шведийн банк гаргадаг болсон. Сонирхуулахад, математикийн салбарт Нобелийн шагнал олгодоггүй нь Альфред Нобелийн хайрт бүсгүй нь Франц Лемарж хэмээх математикчтай гэрлэсэн тул түүнийг математикчдад дургүй байсан гэж тайлбарладаг аж 😉
"Miss Universe Korea" тэмцээнд 81 настай Чой Сун Хва финалд шалгарч, “Best Dressed” номинацийн эзэн болжээ. Солонгос улс энэ жилээс эхлэн гоо бүсгүй шалгаруулах тэмцээнд оролцогчдод дээд насны хязгаар тогтоохоо больж байгаа юм. Ингэснээр тус тэмцээнд 19-өөс дээш насны солонгос эмэгтэй бүр оролцох боломж бүрджээ 👑
Та бүхэн дараах ажлын байруудад тохирно гэж үзэж буй найз нөхөд, танилууддаа эдгээр зарыг түгээж хүний нөөц бүрдүүлэлтэд хувь нэмрээ оруулаарай 🤩
Та орон зайн байршлаас үл хамааран МАК-ийн идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт шинэ жишиг тогтоож буй МАК компанийн бүтээн байгуулалтуудаар хамтдаа аялцгаая 👇
"Makers News" цахим товхимолд и-мэйл хаягаа бүртгүүлснээр Компанийн үйл ажиллагаа, дотоод арга хэмжээ, үйл явдлууд, улс эх оронд өрнөж буй хамгийн чухал, анхаарал татсан мэдээ мэдээллүүдийг нэг дороос унших боломжтой шүү 🙌
Та бүхэн шинэ ажилтан, ширээний найзууддаа дуулгаарай 📢