🏗️ Барилга Экспо, ⚽ Хөлбөмбөгийн тэмцээн дээр уулзацгаая

Powered by

Намрын өглөөний мэнд ээ! ☀️ МАК-чууд бидний хувьд тун завгүй, хөл хөөртэй сар эхэлж байна. Барилга Экспо, Нээлттэй ажлын байрны өдөрлөг, спортын уралдаан тэмцээн зэрэг томоохон арга хэмжээнүүд ар араасаа болох нь ээ. 😇

👷 МАК 36 дахь удаагийн “Barilga Expo”-д МЕВАХҮ-ийн бүтээгдэхүүнүүдээ онцолно

“MAK Building Materials” энэ удаагийн “Barilga Expo” үзэсгэлэнд МЕВАХҮ-ийн инновацлаг, дулаан алдагдлыг бууруулах бүтээгдэхүүнүүдээ онцолж байна. Түүнчлэн МАК-ийн барилгын материалын брэндүүдийг нэгтгэсэн MAKBM аппликейшнээ танилцуулан оролцох юм. Компанийнхаа бүүтээр ороод гараарай. 😉

• 📌Хэзээ: 2024/09/06-09/08

• 📌Хаана: Буянт-Ухаа цогцолбор

• 📌Цагийн хуваарь: 09:00-18:00

🛫 “Хүннү Эйр” үйл ажиллагаагаа тэлэх томоохон хэлцлүүдийг амжилттай хийлээ

Тодруулбал, одоо ашиглаж буй Е190 агаарын хөлгийн түрээсийн хугацаа 2025 оны 5 дугаар сард дуусмагц тус агаарын хөлгийг худалдан авах гэрээ хийж баталгаажуулсан байна. Ингэснээр өөрийн эзэмшлийн 2 агаарын хөлөгтэй болох юм.

Мөн 2025 оны 3 болон 10-р сард Brand New Е195-2 агаарын хөлгийг түрээсэлж, гэрээний хугацааны эцэст худалдан авахаар тохиролцжээ. Тус агаарын хөлөг нь одоо ашиглаж буй ижил төрлийн агаарын хөлгүүдээс түлш зарцуулалт 20 орчим хувиар, нэгж суудлын зардал 14 хувиар тус тус бага юм байна👏

🥌 МАК компани нийгмийн хариуцлагын хүрээнд Монголын Кёрлингийн холбоог дэмжин ажиллаж байна

МАК компани Монголын Кёрлингийн холбоог идэвхтэй үйл ажиллагаа явуулж эхэлсэн цагаас нь хойш буюу 2022 оноос эхлэн дэмжин ажиллаж байгаа билээ. Тус холбоо нь өнгөрсөн 2 жилийн хугацаанд нийт 408.4 сая төгрөгийн зардал гаргасны 70 орчим хувь буюу 284.2 сая төгрөгийг МАК компани гарган дэмжсэн байна. Харин үлдсэн хувийг Дэлхийн Кёрлингийн Холбооноос санхүүжүүлжээ.

Монголын Кёрлингийн холбоо нийтэд нээлттэй сургалтаа тун удахгүй зохион байгуулах гэж байгаа бөгөөд хамрагдах хүсэлтэй ажилтнууд Фэйсбүүк хуудсыг нь дагаж, мэдээлэлд ойр байгаарай 😇

Сонирхуулахад, кёрлингийн спорт 1540-өөд оны үед Шотландад үүссэн гэгддэг. Гэхдээ түүнээс өмнөх үеийн зарим уран зургуудад мөсөн дээр чулуу гулсуулан тодорхой цэгт байрлуулан тоглож буй хүмүүсийг дүрсэлсэн байдаг тул үүнээс ч өмнө дэлхий дахинаа үүссэн гэж үздэг байна.

🤩 НСУ: Ямар хогийг ямар өнгөтэй хогийн саванд хаях вэ?

Нарийнсухайтын уурхайн ажилтнууд нийт хамт олондоо хог хаягдлыг өнгөт хогийн саванд ангилан хаях тухай мэдлэгийг түгээх зорилгоор лед гэрэл бүхий үзүүлэх самбар хийсэн байна. Байгаль орчны асуудал нухацтайгаар хөндөгдөх болсон өнөө үед хогоо ангилж хаях уриалга эрчээ авсан ч хэрхэн ангилах тухай мэдээлэл олон нийтийн дунд төдийлөн түгээмэл биш байсаар байна. Нийт ажилтнууд та бүхэн ч доорх самбараас мэдээлэл авч өнгөт хогийн саванд хогоо ялган хаяж заншаарай ♻️

🤩 Танилц: Төв оффисын хурлын өрөө захиалах заавар

Төв оффисын 2-р давхрын засвар бүрэн дуусаж, газар, нэгжүүд хурлын өрөө ашиглахдаа урьдчилсан захиалга үүсгэх боломжтой боллоо. Тиймээс та бүхэн доорх бичлэгт заасанчлан Microsoft Outlook Email, Calendar функц ашиглан захиалга үүсгээрэй 👇

💁 “MAK Job Fair 2024”: 1300 нээлттэй ажлын байр зарлалаа

Энэ сарын 13-14-ний өдрүүдэд Төв оффист "Нээлттэй ажлын байрны өдөрлөг" зохион байгуулах гэж байна. Энэ үеэр 1300 гаруй ажлын байранд сонгон шалгаруулалт явуулах бөгөөд нарийн мэргэжил шаардагдахгүй ажлын байранд ажиллах хүсэлтэй хүмүүсээс анкет авч, ярилцлага хийн шууд ажилд орох боломж олгох юм байна. Тиймээс та бүхэн энэ мэдээг ойр тойрныхондоо түгээж, компанийн арга хэмжээг дэмжээрэй😉

Нээлттэй ажлын байрны өдөрлөг цаашид

• 09/12-13 - Эрдэнэт,

• 09/21 - Дархан /Хөтөл/

• 09/22 - Эрдэнэт хотод тус тус зохион байгуулагдах товтой байна 🚀

Та бүхэн дараах ажлын байруудад тохирно гэж үзэж буй найз нөхөд, танилууддаа эдгээр зарыг түгээж хүний нөөц бүрдүүлэлтэд хувь нэмрээ оруулаарай🤩

Кёрлингийн спорт нь багууд мөсөн дээр чулуу гулсуулж тодорхой бай руу чиглүүлэн байршуулдаг өвөрмөц спорт юм. Зориулалтын кёрлингийн мөс нь барзгар гадаргуутай байдаг ба үрж гулсамтгай болгох эсвэл зууралдуулах аргаар чулууг удирддаг. Кёрлингийн спортыг мөсний шатар хэмээдэг. Учир нь энэ спорт тооцоолол, стратеги, багаар ажиллах чадварыг нэгэн зэрэг шаарддаг онцлогтой. Кёрлингийн чулууг боржин чулуугаар хийдэг ба олон улсын хэмжээнд зөвхөн Шотланд улсын Айлса Крэйг арлаас олборлосон чулууг ашиглахыг зөвшөөрдөг.

2025 оны 3-р сард нээлтээ хийх “Snow White” бүрэн хэмжээний уран сайхны киноны тийзер трейлэр цацагдсан байна. Гол дүрийн жүжигчдийн талаарх мэдээлэл зарлагдсанаас хойш дэлхий даяар Цасан цагааны дүрд тоглосон Рэйчл Зэгрлерийг эсэргүүцэн энэ дүрд тохирохгүй хэмээн шүүмжилж байсан билээ 🎥

Та орон зайн байршлаас үл хамааран МАК-ийн идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт жишиг тогтоож буй МАК компанийн бүтээн байгуулалтуудаар хамтдаа зочилцгооё 👇