📰 China Daily МАК-ийг онцлов

Morning! ☀️ Хятадын тэргүүлэх өдөр тутмын хэвлэл болох China Daily сонин МАК компанийн үлгэр жишээ бүтээн байгуулалт, БНХАУ-тай тогтоосон бат бэх түншлэлийн талаар онцоллоо. Newsletter-ээ уншиж дэлгэрэнгүй мэдээлэлтэй танилцаарай. Аа, бас бид шинэ булантай болсон шүү 😇 

📰 China Daily: МАК компани Монгол-Хятадын бизнесийн харилцаанд тогтвортой, сайн түншлэлийн жишиг тогтоож байна

Монгол улс, БНХАУ-ын хооронд дипломат харилцаа тогтоосны 75 жилийн ой энэ онд тохиож байгаа бөгөөд уг ойн хүрээнд China Daily сонин хоёр улсын бизнесийн түншлэл, эдийн засгийн хамтын ажиллагааны талаар "Mongolia Special" хэмээх тусгай нийтлэл бэлтгэсэн байна.

Энэхүү нийтлэлд МАК компанийг:

✅ Монгол улсаас БНХАУ-д нүүрс экспортолсон анхны компани

✅ Монгол, Хятадын бизнесийн харилцаанд тогтвортой, сайн түншлэлийн жишиг тогтоогч

✅ Шивээхүрэн боомтын хүчин чадлыг нэмэгдүүлэх төсөлд манлайлагч

✅ Хоёр улсын аялал жуулчлал, агаарын тээврийн салбарыг хослуулан хөгжүүлж буй компани

✅ Мөн тогтвортой хөгжил, ногоон ирээдүйд анхаарч БНХАУ-ын тэргүүлэх компаниудтай түншлэгч хэмээн онцолжээ.

China Daily сонин нь 530 мянга гаруй захиалагчтай, цахим хуудасны мэдээлэл нь өдөр бүр 40 сая гаруй хүнд хүрдэг БНХАУ-ын тэргүүлэх өдөр тутмын хэвлэл юм.

💊 Намрын витаминжуулалтын аян эхэллээ

Компанийн зүгээс ажилтнуудаа дархлаажуулах зорилгоор намрын витаминжуулалтын аян эхлүүлж, гурван төрлийн витамины 45 хоногийн хэрэглээг үнэ төлбөргүй өглөө. Ингэхдээ, хүний бие өөрөө нийлэгжүүлж чаддаггүй хамгийн чухал витамин болох C, D болон Омегаг сонгон ажилтнууддаа тараасан юм. 😇

👩‍💼 МАК компанид хүний нөөцийн 40 ажилтан ажиллаж байна

Энэ 7 хоногт “Хүний нөөцийн ажилтны өдөр” тохиолоо. МАК компанид одоогийн байдлаар хүний нөөцийн 40 ажилтан ажиллаж байгаа бөгөөд тэд компанийн үнэт капитал болох ажиллах хүчнийг бүрдүүлэхэд голлон ажиллаж байна. Мөн байгууллагын соёлоо сайжруулан төлөвшүүлэх зорилгоор жил бүр соёлын судалгаа явуулж, үр дүнг нь хүний нөөцийн бодлогодоо тусгаж байгаа юм.

Нийт Хүний нөөцийн ажилтнууддаа баярын мэнд хүргэе 👏

🌐 Мэдээллийн аюулгүй байдлын зөвлөмж

Мэдээлэл, технологийн газраас мэдээллийн аюулгүй байдлаа хангах үүднээс дараах зөвлөгөөг өгч байна. Үүнд:

• Chrome, Mozilla, Edge зэрэг веб хөтөч программд нууц үгээ хадгалахгүй байх

• Тушаал, гэрээ, төсөл, санхүү эдийн засаг, цалингийн мэдээлэлтэй цаасыг принтер, скайнер ширээн дээр орхихгүй байх, ноороглох бол шууд устгах

• Компьютер, ERP, и-мэйлдээ таах боломжгүй нууц үг ашиглах, бусдад нууц үгээ дамжуулахгүй байх. И-мэйлдээ 2 factor буюу дахин баталгаажуулалт ашиглах бол МТГ-т хандах

• Онц чухал файлуудаа МТГ, МТ-ийн мэргэжилтнүүдэд хадгалуулах

• Ширээнээсээ түр холдохдоо компьютераа заавал түгжиж хэвших

• Антивирус программын ажиллагааг шалгах, шаардлагатай бол МТГ-ын мэргэжилтнээс асуух

• Вирус нэвтрэх эрсдэлтэй тул USB флаш диск ашиглахгүй байх

• Интернэтээс программ татахгүй байх, нэмэлт программ шаардлагатай бол МТГ-ын мэргэжилтнүүдэд хандах

🏗️ Танилц: MAKBM-ийн шинэ бүтээгдэхүүн Си төмөр

МАК компани 2023 онд Шинэ Зеланд улсын “Howick” брэндийн автомат тоног төхөөрөмжөөр Си профиль буюу Си төмөр үйлдвэрлэн зах зээлд нийлүүлж эхлээд байна. Барилгын дээвэр, ханын карказ зангидах гол түүхий эдийг хэрхэн үйлдвэрлэдгийг доорх Reel-ээс үзээрэй 👇

🏸 Агаарын теннисийн аваргууд тодорлоо

"Монголын Алт" (МАК) ХХК-ийн нийт ажилтнуудын дунд анх удаа зохион байгуулагдсан Агаарын теннисийн аварга шалгаруулах тэмцээн амжилттай зохион байгуулагдлаа. Тэмцээнд амжилттай оролцсон бүх ажилтнууддаа баяр хүргэе 👏👏👏

Эрэгтэй ганцаарчилсан төрөлд,

• 🥇 I байр: О.Энхбат, Харуул Хамгаалалт Аюулгүй Байдлын Газар

• 🥈 II байр: Ө.Ренчинхүү, Нарийнсухайтын Уурхай

• 🥉 III байр: н.Галбадрах, “МАК Цемент” ХХК

Эрэгтэй хосын төрөлд,

• 🥇 I байр: ХХАБГ

• 🥈 II байр: “МАК Цемент” ХХК

• 🥉 III байр: Төв оффис

Эмэгтэй ганцаарчилсан төрөлд,

• 🥇 I байр: Хүрэн Толгой Коал Майнинг - н.Номинчимэг

• 🥈 II байр: Нарийнсухайтын Уурхай - С.Бумдарь

• 🥉 III байр: “МАК Цемент” ХХК - н.Уранжаргал

Эмэгтэй хосын төрөлд,

• 🥇 I байр: “МАК Цемент” ХХК

• 🥈 II байр: ХХАБГ

• 🥉 III байр: НСУ

Уур амьсгалын өөрчлөлтийн тухай Парисын хэлэлцээр: ♻️

Дэлхийн бодлого тодорхойлогчид 2015 онд Парис хотноо цуглан 2020 оноос хүлэмжийн хийн ялгаруулалт, агаар дахь нүүрсхүчлийн хийг бууруулах замаар дэлхийн цаг уурын өөрчлөлтийг сааруулах зорилгоор энэхүү хэлэлцээрийг хийж байсан юм. Энэхүү хэлэлцээрт манай улс ч мөн нэгдэн орсон билээ.

МАК компанийн тухайд дэлхий нийтийн хөгжлийн чиг хандлагыг чухалчлан “Ногоон хөгжилд тэмүүлэх 30 жил” хэмээн стратегиа томьёолоод байна. Энэ хүрээнд үйл ажиллагаандаа Тогтвортой хөгжлийн стандарт (ESG-Environment, Social, Governance)-ыг нэвтрүүлэн ажиллаж байна 🟢

Намрын витаминжуулалтын аян өрнөж байгаатай холбогдуулан витаминуудыг өдрийн аль цагт уувал тохиромжтой талаарх зөвлөмжийг хүргэж байна. 😇

💊 C Витамин: С витамин нь дархлааг дэмжих үйлчилгээтэй тул өглөө эрт уувал өдрийн турш бие махбодийг сэргэг байхад тусалдаг.

💊 D Витамин: Тосонд уусдаг витамин тул өдрийн хоолны дараа уух нь зохимжтой. Өдрийн хоол нь бага зэрэг өөх, тос агуулсан байвал сайн шүү.

💊Омега: Өглөөний цай, өдрийн хоолны дараа уувал тохиромжтой. Омегаг тогтмол хэрэглэх нь зүрх судас, тархины үйл ажиллагааг сайжруулах, үрэвсэл бууруулах зэрэг олон талын ач холбогдолтой.

Нийгмийн хатуу шүүмжлэл, борлуулалт зэрэг олон хүчин зүйлээс шалтгаалан 1995 оноос эхэлсэн “Victoria's Secret” шоу 2019 онд цуцлагдаж байв. Харин 6 жил завсарлаад байсан тус шоу энэ долоо хоногийн Лхагва гарагт эргэн ирсэн нь яалт ч үгүй онцлох үйл явдлуудын нэг байлаа. Шоуны шууд дамжуулалтыг үзэж амжаагүй бол дараах холбоосоор хүлээн аваарай 👑 

Та бүхэн дараах ажлын байруудад тохирно гэж үзэж буй найз нөхөд, танилууддаа эдгээр зарыг түгээж хүний нөөц бүрдүүлэлтэд хувь нэмрээ оруулаарай 🤩

Та орон зайн байршлаас үл хамааран МАК-ийн идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт шинэ жишиг тогтоож буй МАК компанийн бүтээн байгуулалтуудаар хамтдаа аялцгаая 👇

"Makers News" цахим товхимолд и-мэйл хаягаа бүртгүүлснээр Компанийн үйл ажиллагаа, дотоод арга хэмжээ, үйл явдлууд, улс эх оронд өрнөж буй хамгийн чухал, анхаарал татсан мэдээ мэдээллүүдийг нэг дороос унших боломжтой шүү 🙌

Та бүхэн шинэ ажилтан, ширээний найзууддаа дуулгаарай 📢