- Makers News
- Posts
- 🚀 МАК-чуудын бүтээмж өсөв
🚀 МАК-чуудын бүтээмж өсөв
✅ МЕВАХҮ-ийн өргөжилт | 💻 Intranet + Makers app 📱 | 🙋 Танилцах аяллууд
Makers News
November 22, 2024
Өглөөний мэнд! 😁МАК-чууд бид ажлын бүтээмжээ нэмж, үйл ажиллагаагаа тэлснээр ТОП-100 аж ахуйн нэгжийн жагсаалтад групп компанийн үзүүлэлтээр 3-рт бичигдлээ. Компанийн үйл ажиллагаатай холбоотой онцлох мэдээллүүдийг өнөөдрийн дугаараас хүлээн аваарай 😇
Та newsltter-ийн зураг, дизайныг бүтнээр нь харахыг хүсвэл баруун дээд буланд байрлах “Trust Sender” товч дээр дарна уу.
🏆 МАК компани групп компанийн үзүүлэлтээр 9 байр урагшилж, 3-рт бичигдлээ
МАК компани 1998 оноос хойш 26 жил тасралтгүй шилдгээр шалгарч байна
Группийн хэмжээнд 3 компани Монгол Улсын Засгийн газар, Монголын Үндэсний Худалдаа, Аж үйлдвэрийн танхимаас жил бүр шалгаруулдаг үндэсний ТОП-100 аж ахуйн нэгжийн жагсаалтад 2 дахь жилдээ дараалан багтаж, групп компанийн эрэмбээр 3-р байрт бичигдлээ.
Улс, эх орны эдийн засаг, нийгмийн хөгжилд үнэтэй хувь нэмэр оруулахад чиглэсэн компанийн хэрэгжүүлж буй төсөл, хөтөлбөрүүдэд гар бие оролцож, бодитоор хувь нэмрээ оруулж буй нийт МАК-чууд, бүтээгчид та бүхэндээ халуун баяр хүргэе 👏
💯 МАК Евро Виндоор үйлдвэр бүрэн автомат будгийн цехээр өргөтгөл хийж байна
Бүрэн автомат будгийн цехийн тоног төхөөрөмжийн туршилт
МАК Евро Виндоор үйлдвэр бүрэн автомат будгийн цехтэй боллоо. Италийн Cefla брэндийн тоног төхөөрөмжөөр тоноглогдсон уг будгийн цех нь бүтээгдэхүүний хэмжээ, загварыг өөрөө таньж, будах чадамжтай. Мөн iGiotto брэндийн робот гараар тоноглогдсон учир хэмжилтийн хувьд өндөр нарийвчлалтай, жигд, чанартай будаж бүтээгдэхүүний үнэ цэнийг нэмэгдүүлэх ач холбогдолтой юм.
📇 Дотоод албан бланкууд Intranet.mak.mn вэбсайтад байршлаа
Компанийн газар, нэгж, үйлдвэр, уурхай, харьяа компанийн дотоод хэрэгцээний албан бичгийн загвар батлагдсантай холбоотойгоор эдгээр албан бичгүүдийг Intranet.mn вэбсайтад байршууллаа.
Та бүхэн байгууллагын дотоод вебсайтын “Хэрэгцээт файл” цэсээс газар, нэгжийнхээ дотоод албан бланкийг татан авч өдөр тутмын үйл ажиллагаандаа ашиглаарай 😉
📇 Танилц: Цахим нэрийн хуудас ашиглах заавар
Компанийн нийт ажилтнуудад зориулсан “Makers” апп-ийг ашиглан цахим нэрийн хуудсаа харилцагч, түншүүддээ хуваалцах боломжтойг та мэдэх үү? Дараах зааврын дагуу туршаад үзээрэй 👇
Ингэснээр цаасны хэрэглээгээ бууруулж, байгаль орчинд ээлтэй байдлаар үйл ажиллагаа явуулах компанийн бодлогод хүн бүр хувь нэмрээ оруулах боломжтой шүү 💡
🔬 БНСУ-ын KOMIR корпорацын төлөөлөгчид TTRC-ийн үйл ажиллагаатай танилцлаа
Монгол-БНСУ-ын Ерөнхийлөгч, УИХ-ын дарга, Ерөнхий сайдын түвшинд хэлэлцэж дэмжигдсэн “Газрын ховор элементийн судалгааны төв”-ийг Монгол улсад байгуулж буй БНСУ-ын "KOMIR" уул уурхайн нөхөн сэргээлт, ашигт малтмалын корпорацын төлөөлөгчид "Трү Ти Ар Си" ХХК-ийн үйл ажиллагаа, судалгааны ажлуудтай танилцлаа. Цаашид ногоон технологийг хөгжүүлэхэд бүх чиглэлээр хамтран ажиллахад бэлэн байгаагаа уулзалтын үеэр илэрхийлсэн байна.
🗺️ “Эрдэс, түүхий эдээс эрчим хүч хэмнэх үе шат руу” сэдэвт танилцах аялал зохион байгуулав
“Трү Ти Ар Си” ХХК нийгмийн хариуцлагын хүрээнд Нийслэлийн Ерөнхий Боловсролын 20-р сургуулийн 9-р ангийн сурагчдад мэргэжил сонгох, мэргэжлийн чиг баримжаа олгоход дэмжлэг үзүүлэх зорилгоор танилцах аялал зохион байгууллаа. Энэ хүрээнд Хими, Баяжуулалт, Барилгын материалын судлаач инженерүүд “Эрдэс түүхий эд, барилгын материалыг хэрхэн судалж, юу бүтээдэг” талаар сурагчдад мэдээлэл өгсөн байна.
Мөн өөрсдийн гарган авсан графен-зэсийн супер капазиторыг 0.5 секундын дотор цэнэглэж, каскийн гэрэл асаах туршилтыг сурагчдад сонирхуулжээ.
👨🏼🎓 Бор-Өндөр сумын политехник коллежийн сурагчид МАК Цемент үйлдвэрээр зочиллоо
Хэнтий аймгийн Бор-Өндөр сумын Мэргэжлийн боловсролын сургууль буюу Политехникийн коллежийн 6 багш, 31 сурагч МАК Цемент үйлдвэрийн үйл ажиллагаатай танилцлаа. Энэ үеэр цаашид мэргэжлийн ажиллах хүчин бэлдэх чиглэлд хамтран ажиллах боломжуудын талаар ярилцаж, санал солилцсон байна.
📔 Гурвантэс сумын Эко клубийн хүүхдүүдийг гербарын сургалтад хамрууллаа
Нарийнсухайтын уурхай сум, орон нутгийн хүүхэд багачуудын боловсролыг дэмжих чиглэлд нөлөөллийн арга хэмжээ тогтмол өрнүүлдэг билээ. Энэ удаад Өмнөговь аймгийн Гурвантэс сумын "Эко клуб"-т харъяалагдах 6-12 дугаар ангийн 38 сурагчийг гербар буюу ургамал, цэцгийг хатаасан хэлбэрээр нь мөнхлөх сургалтад хамрууллаа.
Энэхүү сургалт нь ургамлын амьдралын хэлбэрийг таньж мэдэх, уран бүтээлч сэтгэлгээг хөгжүүлэх, шинэ хоббитой болж тархиа амраахад нь туслах зэрэг олон давуу талыг сурагчдад олгож байгаа юм 👏
⛔ Ерөнхийлөгч 2025 оны Төсөвт хориг тавилаа
Ерөнхийлөгч У.Хүрэлсүх 2025 оны улсын төсвийг үр ашигтай, хэмнэлттэй, алдагдалгүй батлах шаардлагатай, төсөвт тодотгол хийх тухай тогтоол баталсан нь хууль дээдлэх үндсэн зарчим зөрчигдөх нөхцөл бүрдүүлсэн гэсэн хоёр үндэслэлээр ирэх оны төсөвт бүхэлд нь хориг тавьсан. Уг хоригийг 10 хоногийн дотор хэлэлцэж тогтоол гаргах хуулийн зохицуулалттай. Тэгвэл өнөөдрийн УИХ-ын байнгын хороодын хуралдаан болон чуулганы нэгдсэн хуралдаанаар Ерөнхийлөгчийн хоригийг хэлэлцэхээр болжээ.
📄 УИХ: Цөмийн энергийн тухай хуульд нэмэлт өөрчлөлт орууллаа
Ингэхдээ төрийн эзэмшлийн 34 хувийг АМНАТ-өөр орлуулах, энгийн хувьцааг давуу эрхийн хувьцаа болгох боломжийг хуульд тусгалаа. Тодруулбал, АМНАТ нь суурь, тусгай, өсөн нэмэгдэх нөхцөлтэй байх юм байна. Мөн хөрөнгө оруулалтын гэрээг 20 хүртэлх жилээр сунгаж, уурхайн нөхөн сэргээлтэд зарцуулах хөрөнгийг Монголбанкны валютын тусгай дансанд байршуулж, зөвхөн зориулалтын дагуу ашиглах зохицуулалтыг оруулжээ.
⚡ Айл өрхийн сарын эхний 150 кВт.ц хүртэлх хэрэглээг 175 төгрөгөөр тооцно
Цахилгааны үнийг 30% нэмж, хэрэглээнээс хамаарсан 3 шатлалт тарифыг нэвтрүүллээ. Шинэчилсэн тарифаар айл өрхүүдийн тухайн сарын эхний 150 кВт.ц хүртэл хэрэглээг 175 төгрөгөөр, дараагийн 150-300 кВт.ц-ийн хэрэглээг 256 төгрөгөөр, 300 кВт.ц-аас илүү гарсан хэрэглээг 285 төгрөгөөр тооцох юм байна. Улсын хэмжээнд өрхийн сарын дундаж хэрэглээ 220 кВт.ц буюу 36,220 төгрөг байсан нь 52,107 төгрөг болж нэмэгдэх нь ээ.
🥚 Өндөгний импорт буурч, дотоодын үйлдвэрлэл тэлж байна
Манай улсын өндөгний жилийн нийт хэрэглээ 20 орчим хувиар нэмэгдэж 400-450 саяд хүрлээ. Ковидоос шалтгаалан хил, гаалийн үйл ажиллагаа саатаж, импортын өндөгний нийлүүлэлт тасалдсанаар дотоодын үйлдвэрүүдийн үйл ажиллагаа өргөжихөд нөлөөлсөн байна. Одоогоор дотоодын хэрэглээний 60 гаруй хувийг хангаж буй үндэсний үйлдвэрлэгчид ирэх 2-3 жилд хэрэглээг 100% хангах боломжтой болно гэсэн тооцоо гаргажээ.
🏥 Нийслэлийн хэмжээнд 22 байршилд хүүхдийн амбулатор ажиллаж байна
Улаанбаатар хотын хэмжээнд томуу, томуу төст өвчний тархалт өндөр түвшинд хүрээгүйг тогтоосон боловч өнгөрсөн 7 хоногт 7800 орчим хүн амьсгалын замын томуу, томуу төст өвчний улмаас эмнэлэгт хандсан байна. Харин хүүхдүүдийн хувьд ихэвчлэн оройн цагаар эмнэлэгт хандаж байгааг харгалзан үзэж нийслэлийн 6 дүүргийн 22 байршилд хүүхдийн амбулатор ажиллуулж эхэлжээ. Эдгээр амбулаторууд ажлын өдрүүдэд 08:30-20:00 цаг, амралтын өдрүүдэд 10:00-17:00 цаг хүртэл ажиллах юм байна.
 Энх тайвны шагналт тэмцэгч охин Афганистан нь охид, эмэгтэйчүүдийн суурь боловсрол эзэмших эрхийг хориглодог дэлхий дээрх цор ганц улс билээ. Тэгвэл 17 настай Афган охин Нила Ибрахими эх орондоо Талибуудын тогтоосон хуулийг эсэргүүцэж, Афган охидын эрхийг хамгаалсныхаа төлөө олон улсын хүүхдийн энх тайвны шагнал хүртсэн байна. Нила охин одоогоор гэр бүлийн хамт Канад улсад амьдарч байгаа юм байна. |  Jaguar-ийн шинэ эрин үе 102 жилийн түүхтэй автомашин үйлдвэрлэгч Jaguar брэнд ребрэндинг хийлээ. Шинэ логонд дэлхий дахинаа танигдсан ирвэстэй эмблем нь ороогүй ба минималь шинжийг агуулахаар J, R үсэгнүүдийг бэлгэдэл болгожээ. Үүгээр хөгжлийн шинэ эрин үеэ эхлүүлж байгаа бөгөөд Jaguar брэндийг урьдын адил тансаг зэрэглэлийн седан, үнэтэй спорт машинаар төсөөлдөг цаг үе ард хоцрох нь ээ. Учир нь тэд анхны цахилгаан автомашинаа 2026 онд үйлдвэрлэж эхлэхээр төлөвлөж байна. |
 Хамгийн том пуужинг хөөргөлөө SpaceX компани хүн төрөлхтний түүхэн дэх хамгийн том Starship пуужинг хөөргөлөө. Сансрын хөлөг Техас мужийн Боко Чика баазаас хөөрсөн бөгөөд одоогоор хийгдэж буй туршилтын анхдагч нь болсноороо онцлогтой. 122 метрийн өндөр уг пуужин нь эхний туршилтаараа дэлхийг нэг бүтэн тойрсон бөгөөд төлөвлөгөөнийхөө дагуу анх хөөрсөн газар луугаа буцаж чадалгүй, гэнэтийн байдлаар Мексикийн буланд газарджээ. Starship-ийн эцсийн зорилго нь хүмүүсийг Сар болон Ангараг гараг руу хүргэхэд чиглэж байгаа аж. |  Египет дэх виртуал музей Египетийн музей Meta компанитай хамтран түүх соёл, технологийг хослуулсан шинэ төслийг хэрэгжүүлсэн байна. Тус улсыг зорих сая сая жуулчид виртуал төхөөрөмжийн тусламжтайгаар эртний дурсгалуудыг 3 мянган жилийн өмнөх үед байгаа юм шиг “бодитоор” харах боломжийг олгож байгаа юм. Мөн үзмэрийн талаарх судалгааны нэмэлт мэдээлэлтэй танилцсанаар иргэд, ялангуяа залуучууд эх орныхоо өв уламжлалтай танилцахад томоохон дэмжлэг болж байна гэж онцолжээ. |
Дендрохронологи нь модны жилийн цагариг болон уур амьсгалын өөрчлөлт, бусад хүчин зүйлсийг холбон судалдаг салбар шинжлэх ухаан юм. Уг салбарыг үндэслэгч нь АНУ-ын Одон орон судлаач Andrew E. Douglass бөгөөд тэрээр 1904 онд АНУ-ын баруун өмнөд хэсэгт орших Пондероза нарсны жилийн цагаригийг судалснаар уур амьсгалыг шинжлэн судлах суурь судалгааны эхлэлийг тавьсан байдаг.
Модны жилийн цагариг судлахдаа тусгай зориулалтын өрмөөр өрөмдөж дээж аван хадгалдаг бөгөөд үүний дараагаар лабораторийн Lintab гэх багажийг ашиглан үүсгэсэн цагариг хоорондын зайгаар нь тоолж насыг тодорхойлдог.
Бид аж үйлдвэр, барилгын салбарын мэдээллийг нэгтгэн “Бүтээгчдийн дуу хоолой”-г хүргэх зорилгоор олон нийтэд нээлттэй “The Makers” цахим товхимлыг өнгөрсөн 8-р сараас эхлэн 7 хоног бүр тогтмол бэлтгэн хүргэж байгаа билээ 📈🥳👏
Цахим товхимлын шинэ булан "Global Makers"-ийн эхний дугаарт цахилгаан автомашин үүссэн түүх болон ирээдүйн чиг хандлагын талаар онцоллоо.
Энэ төрлийн цуврал контентуудыг тогтмол үзэхийг хүсвэл дараах сувгуудыг дагаж, найз нөхөддөө түгээгээрэй 👇
Та бүхэн дараах ажлын байруудад тохирно гэж үзэж буй найз нөхөд, танилууддаа эдгээр зарыг түгээж хүний нөөц бүрдүүлэлтэд хувь нэмрээ оруулаарай 🤩
Та орон зайн байршлаас үл хамааран компанийнхаа идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт шинэ жишиг тогтоож буй МАК компанийн бүтээн байгуулалтуудаар хамтдаа аялцгаая 👇
"Makers News" цахим товхимолд и-мэйл хаягаа бүртгүүлснээр компанийн үйл ажиллагаа, дотоод арга хэмжээ, үйл явдлууд, улс эх оронд өрнөж буй хамгийн чухал, анхаарал татсан мэдээ мэдээллүүдийг нэг дороос унших боломжтой шүү 🙌
Та бүхэн шинэ ажилтан, ширээний найзууддаа дуулгаарай 📢