- Makers News
- Posts
- 🏆 МАК-чуудын манлайлал
🏆 МАК-чуудын манлайлал
🏁 Амжилтын буухиа үргэлжилсээр | 🐻 Мазаалайг хамгаалцгаая | ⛹️ MAK Cup айсуй
Makers News
November 15, 2024
Өглөөний мэнд! 😁Компани маань үндэсний шилдэг аж ахуйн нэгжээр 26 дахь жилдээ дараалан шалгарсан баяртай мэдээтэйгээр шинэ өглөөг эхлүүлж байна. Компанийн үйл ажиллагаатай холбоотой онцлох мэдээллүүдийг өнөөдрийн дугаараас хүлээн аваарай 😇
Та newsltter-ийн зураг, дизайныг бүтнээр нь харахыг хүсвэл баруун дээд буланд байрлах “Trust Sender” товч дээр дарна уу.
🏆 Монгол Улсын ТОП аж ахуйн нэгжээр 26 дахь жилдээ шалгарлаа
МАК компани 1998 оноос хойш 26 жил тасралтгүй шилдгээр шалгарч байна
🇲🇳 Монгол Улсын Засгийн газар, Монголын Үндэсний Худалдаа, Аж үйлдвэрийн танхимаас жил бүр уламжлал болгон шалгаруулдаг ТОП-100 аж ахуйн нэгжийн жагсаалтад “Монголын Алт” МАК компани 26 дахь жилдээ дараалан нэрлэгдлээ.
Аж үйлдвэржилт, хүнд үйлдвэрлэлийн салбарын хөгжилд хувь нэмрээ оруулан 4000 гаруй хүнийг тогтвортой ажлын байраар хангаж буй МАК компани 2023 онд улс, орон нутгийн төсөвт нийт ₮357.3 тэрбумын татвар, хураамж төлж, "Хамгийн их татвар төлсөн шилдэг 10 татвар төлөгч"-ийн нэгээр шалгарсан билээ.
Бид улс, эх орны нийгэм, эдийн засагт бодитоор нөлөө үзүүлэх томоохон төсөл, хөтөлбөрүүдийг амжилттай хэрэгжүүлсээр байгаа бөгөөд уг шагналыг олгож эхэлсэн 1998 оноос хойш үндэсний шилдэг компаниудын жагсаалтын эхний 10 байрт тогтмол бичигдэж байна.
Компанийн нийт хамт олон, бүтээгчид та бүхэндээ халуун баяр хүргэе 👏
📇 Танилц: Цахим нэрийн хуудас ашиглах заавар
Компанийн ажилтнуудад зориулсан “Makers” апп-ийг ашиглан цахим нэрийн хуудсаа харилцагч, түншүүддээ хуваалцах боломжтойг та мэдэх үү? Дараах зааврын дагуу туршаад үзээрэй 👇
Ингэснээр цаасны хэрэглээгээ бууруулж, байгаль орчинд ээлтэй байдлаар үйл ажиллагаа явуулах компанийн бодлогод хүн бүр хувь нэмрээ оруулах боломжтой шүү 💡
🏅 “MAK CUP” спорт наадмын хаалтын тэмцээнүүд энэ амралтын өдрүүдэд болно
Жил бүр уламжлал болгон зохион байгуулдаг "MAK CUP" спортын наадмын 2024 оны хаалтын тэмцээнүүд болох "Сагсанбөмбөг, Гар барилдаан, Шатар, 100-н буудалт даам"-ны тэмцээний тов гарлаа.
♖ Шатрын тэмцээн 2024 оны 11-р сарын 16-ны Бямба гарагийн 12:00 цагаас Төв оффисын 1 давхрын Б зааланд эхлэх бөгөөд 100 буудалт даамны тэмцээн Шатрын тэмцээний дараа үргэлжлэн явагдах хуваарьтай байна.
🏀 Сагсан бөмбөгийн тэмцээний эрэгтэй, эмэгтэй төрлүүд 2024 оны 11-р сарын 17-ны Ням гарагт “Хүннү 2222” хотхоны Наадам-2 клубын А, Б заалуудад 08:00 цагаас эхлэн явагдана.
💪Гар барилдааны тэмцээн 2024 оны 11-р сарын 17-ны Ням гарагт “Хүннү 2222” хотхоны Наадам-2 клубын В зааланд 10:00 цагаас эхлэх нь ээ.
Удирдамжтай сайтар танилцаж, тэмцээндээ оролцохыг уриалж байна👇
Нийт баг, тамирчдадаа амжилт хүсье 👏
|
♟️ Нарийнсухайтын уурхай шатар, даамны аваргуудаа тодрууллаа
Үйлдвэр, уурхайн зүгээс “MAK Cup”-ийн бэлтгэлээ базааж, шилдгүүдээ шалгаруулж эхэлсэн байна. Тухайлбал, Нарийнсухайтын уурхай энэ 7 хоногт ажилтнуудынхаа дунд "Шатар, Зуун буудалт даам"-ны аварга шалгаруулах тэмцээн зохион байгуулж, MAK Cup-т илгээх тамирчдаа тодрууллаа. Шатрын төрөлд 16, Зуун буудалт даамны төрөлд 26 ажилтан оюун ухаанаа сорин өрсөлджээ.
ШАТАР:
🥇"Тэргүүн байр" - Хүний нөөцийн мэргэжилтэн А.Чинбат
🥈"Дэд байр" - Тохируулгын цахилгаанчин Г.Санжбаасан
🥇 Тэргүүн байр - Хүний нөөцийн мэргэжилтэн А.Чинбат
🥈 Дэд байр - Тохируулгын цахилгаанчин Г.Санжбаасан
ЗУУН БУУДАЛТ ДААМ:
🥇"Тэргүүн байр" - RH-120 экскаваторын оператор Г.Урьдахбиш
🥈"Дэд байр" - CAT-395 экскаваторын оператор Б.Бат-эрдэнэ нар тус тус шалгарлаа.
🥇 Тэргүүн байр - "RH-120 экскаваторын оператор Г.Урьдахбиш
🥈 Дэд байр - CAT-395 экскаваторын оператор Б.Бат-Эрдэнэ
💁 “МИГ Даатгал” ХХК-ийн нөхөн төлбөрийн апп ашиглах заавар
|
|
🐻 Мазаалайг хамгаалцгаая!
Нарийнсухайтын уурхайн мэргэжилтнүүд Өмнөговь аймгийн Гурвантэс сумын “Шаригийн ганга” болон “Тоорой хөхийн ус” хэмээх газарт мазаалайн идэш тэжээлийн нөөцийн сав байрлууллаа. Мазаалай нь дэлхийд зөвхөн Монголын говиор нутаглаж амьдардаг нэн ховордсон амьтан ба 2024 оны байдлаар ердөө 51 бодгаль нутаглаж байгаа гэсэн мэдээлэл байна. Мазаалайн тоо толгой буурах нэг гол шалтгаан нь идэш тэжээлийн хомсдол бөгөөд энэхүү ажил нь мазаалайн тоо толгойг хадгалах, бууруулахгүй байхад чухал ач холбогдолтой юм 👏
2024.04.05-нд Өмнөговь аймгийн Гурвантэс сумын “Шаригийн ганга” хэмээх газарт идэш тэжээлийн нөөцийн сав байрлуулав
2024.11.09-нд Өмнөговь аймгийн Гурвантэс сумын “Тоорой хөхийн ус” хэмээх газарт идэш тэжээлийн нөөцийн сав байрлуулж, “Тос Тосон Бумбын Нурууны байгалийн нөөц газрын хамгаалалтын захиргаа”-нд хүлээлгэн өгөв
Ийнхүү МАК-чууд бид байгаль экосистемийн чухал хэсэг болох Мазаалайг хамгаалах их үйлсэд бодитоор хувь нэмрээ оруулж байна 🤗
🐻 Save Mazaalai
🇲🇳🇫🇷 Ураны төслийн бүтээн байгуулалтын ажил 3 жил үргэлжилнэ
Монгол Улсад албан ёсоор бүртгэгдсэн ураны нөөцийн 50 гаруй хувийг бүрдүүлдэг Зөөвч-Овоо болон Дулаан уул ураны ордод түшиглэн хэрэгжүүлэх Монгол-Францын ЗГ-ын хамтарсан төслийн бүтээн байгуулалтын ажил 3 жил орчим үргэлжилж, үүний дараа эхний шар нунтаг экспортод гарах хүлээлттэй байна. Засгийн газрын үйл ажиллагааны хөтөлбөрт орсон Цөмийн энергийн станц байгуулах ажил цаашид үргэлжлэх бөгөөд бага, дунд оврын цөмийн реактор 10-15 жилийн хугацаанд баригдах боломжтой гэж үзэж байгаа юм байна.
🏔️ Төв Азийн уулархаг бүсийн мөсөн голууд хайлах эрсдэлтэй байна
Уур амьсгалын өөрчлөлтийн тухай “COP29” уулзалтын үеэр НҮБ-ын Байгаль орчны хөтөлбөрт 2050 он гэхэд Төв Азийн уулархаг бүсийн улс орнуудын мөсөн голуудын 50 гаруй хувь нь хайлж, 64 сая гаруй хүн ус, хүнсний аюулгүй байдлын эрсдэлд орж болзошгүйг анхаарууллаа. Уулархаг бүс нутгийн улс орнууд дэлхийн хүлэмжийн хийн ялгаруулалтын багахан хувийг бүрдүүлдэг ч, гамшгийн үр дагаврыг хамгийн ихээр амсах тул яаралтай арга хэмжээ авах шаардлагатайг онцолсон байна.
🏠 Орон сууцны үнэ жилийн өмнөхөөс 13.1% өсжээ
Шинэ орон сууцны үнэ өмнөх оны мөн үеэс 11%, өмнөх сараас 1.9%, хуучин орон сууцны үнэ өмнөх оны мөн үеэс 14.7%, өмнөх сараас 1.6% тус тус өссөн байна. Олон улсад өрхийн орлогын 1/3-ийг орон сууц худалдан авах, түрээслэхэд зарцуулж байвал худалдан авах чадварт нийцэж байна гэж үздэг бол, манай улсад энэ үзүүлэлт 2-2.5 дахин их байгаа нь иргэдийн орлоготой харьцуулахад өндөр үзүүлэлт болж байна.
🚗 Тээврийн хэрэгслийн улсын дугаар олгох дэс дарааллыг цахимаар тогтооно
Түгжрэлийг бууруулах зорилгоор НИТХ-аас нийслэл хотод олгох тээврийн хэрэгслийн улсын бүртгэлийн дугаарын дээд хязгаарыг 730 мянгаар тогтоож, шинээр дугаар олгоход найман шалгуур үзүүлэлт баримталж эхэлсэн. Тэгвэл дугаар олгох дэс дарааллыг цахимаар тогтоох юм байна. Дашрамд дуулгахад импортоор орж ирж буй автомашинд улсын дугаар шинээр олгох ажлыг хариуцаж эхэлсэн Замын хөдөлгөөний удирдлагын төв Нийслэлийн тавдугаар байр буюу Улаанбаатар чуулга руу нүүж очоод байгаа юм байна.
 Ф.Шопенийн үл мэдэгдэх вальс Польшийн нэрт хөгжмийн зохиолч Фредерик Шопенийн нэр нь үл мэдэгдэх бүтээлийн гар бичмэлийг “Манхэттэн дэх Морган номын сан ба музей”-н ажилтнууд олсныг Нью Йорк Таймс мэдээллээ. Тус музейн ажилчид соёлын дурсгалт зүйлсийн цуглуулгаа ангилж байхдаа 1830-аад онд хамаарах уг ховор баримтыг олсон байна. Улмаар мэргэжлийн шинжээч, судлаачдын тусламжтайгаар олдворыг жинхэнэ гэдгийг батлах хэд хэдэн шинж тэмдгийг илрүүлжээ. |  Шинэ iMac Зах зээлийн үнэлгээгээр дэлхийд тэргүүлэгчдийн нэг Apple компани суурин компьютер iMac-ийн илүү хүчирхэг M4 чиптэй шинэ загвараа танилцууллаа. Шинэ iMac нь ногоон, шар, цэнхэр зэрэг 7 өнгийн сонголттой, үнийн хувьд $1,299-$2,899-ын хооронд худалдаалагдах юм байна. Харин Mac Mini өмнөх хувилбараасаа 2 дахин жижиг хэмжээтэй болсон ч үзүүлэлт нь улам нэмэгдсэн байна. Тус загвар хоёр USB-C оролт, гурван Thunderbolt, Lan, чихэвч, HDMI оролттой худалдаанд гарчээ. |
 Google-ийг 20 дециллион ам.доллараар торгов Дөрвөн жилийн өмнө ОХУ-ын шүүх хурал ”Google” компанийг “YouTube” платформоос "Царьград", "РИА ФАН" сувгуудыг үндэслэлгүйгээр хаасан хэмээн 100,000 рублийн торгууль ногдуулжээ. Улмаар эдгээр торгууль нь дөрвөн жилийн хугацаанд долоо хоног бүр хоёр дахин нэмэгдсээр хорин дециллион ам.долларт хүрсэн байна. Энэ нь дэлхийн нийт эдийн засгаас ч том тоо бөгөөд нэг дециллион нь 10-ын 33 зэрэгтэй тэнцүү тоо ажээ. Монгол хэлэнд энэ тоог “эрхэт” хэмээн нэрлэдэг гэнэ. |  Хятадын хамгийн баян хүн: TikTok-ийн үүсгэн байгуулагч Жан Юиминг Өдгөө 41 настай Жан Юиминг анх удаа Хятадын хамгийн чинээлэг хүнээр тодорлоо. TikTok-ийн толгой компани ByteDance-ийг үүсгэн байгуулагч түүний хөрөнгө 49.3 тэрбум доллараар хэмжигдэж байна. Тэрээр 2012 онд үүсгэн байгуулсан компанийнхаа 20%-ийг эзэмшдэг юм. Түүний ард сүүлийн 3 жил уг жагсаалтыг тэргүүлсэн, цэвэр усны магнат Жон Шаншан болон Tencent, WeChat-ийн эзэн Пони Ма нар бичигджээ. |
⚕️ДЭМБ болон Олон улсын чихрийн шижингийн холбооноос Инсулин дааврыг нээсэн эрдэмтэн Фредрхи Бантингийн төрсөн өдөр буюу 11 сарын 14-ний өдрийг Чихрийн шижинтэй тэмцэх өдөр болгон тэмдэглэж эхэлсэн түүхтэй.
🇲🇳 Монгол Улсад чихрийн шижинтэй тэмцэх дэлхийн өдрийг 2003 оноос эхлэн тэмдэглэж байгаа юм. Өнөөдрийн байдлаар дэлхийд чихрийн шижинтэй 415 сая хүн амьдарч байна. 2040 он гэхэд энэ тоо 642 саяд хүрч, дэлхий даяар 10 хүн тутмын нэг нь энэ өвчнөөр өвчлөх эрсдэлтэй байгааг Чихрийн шижинтэй тэмцэх олон улсын нийгэмлэгээс мэдээллээд буй.
💉Чихрийн шижин нь бодисын солилцооны архаг өвчин бөгөөд цусан дахь сахарын хэмжээ ихэссэнээр зүрх, судас, нүд, бөөр, мэдрэл зэрэгт ноцтой хохирол учруулдаг байна. Чихрийн шижин өвчин архагшиж хүндэрснээр нүд сохрох, бөөрний дутагдалд орох, зүрхний шигдээс, цус харвалт, доод мөчдийн ампутацийн гол шалтгаан болдог ажээ.
💚Эрүүл хооллолт, биеийн тамирын дасгал хөдөлгөөнийг чухалчилж, архи, тамхи хэрэглэхээс зайлсхийх нь чихрийн шижин өвчнөөс урьдчилан сэргийлэх гол арга юм. Тиймээс та бүхэн дасгал хөдөлгөөнөөр идэвхтэй хичээллэж, эрүүл мэнддээ анхаараарай 🏃♂️🏃♀️
Найруулагч Жеймс Камероны алдарт Avatar цувралын удаах анги. Өмнөх анги нь нийт 2.320 тэрбум ам.долларын ашиг орлого олсноороо цар тахлаас хойших хамгийн өндөр ашиг орлоготой бүтээл болсон билээ. Хүлээлт өндөртэй байгаа шинэ ангийн трэйлерийг хүлээн авна уу 👇🏻
Та бүхэн дараах ажлын байруудад тохирно гэж үзэж буй найз нөхөд, танилууддаа эдгээр зарыг түгээж хүний нөөц бүрдүүлэлтэд хувь нэмрээ оруулаарай 🤩
Та орон зайн байршлаас үл хамааран компанийнхаа идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт шинэ жишиг тогтоож буй МАК компанийн бүтээн байгуулалтуудаар хамтдаа аялцгаая 👇
"Makers News" цахим товхимолд и-мэйл хаягаа бүртгүүлснээр компанийн үйл ажиллагаа, дотоод арга хэмжээ, үйл явдлууд, улс эх оронд өрнөж буй хамгийн чухал, анхаарал татсан мэдээ мэдээллүүдийг нэг дороос унших боломжтой шүү 🙌
Та бүхэн шинэ ажилтан, ширээний найзууддаа дуулгаарай 📢