- Makers News
- Posts
- 💰"SEE Learning" хөтөлбөрийн санхүүжилт: ₮800 сая
💰"SEE Learning" хөтөлбөрийн санхүүжилт: ₮800 сая
🏭 Импортыг орлох үйлдвэрлэл | ⏱️ Цаг бүртгэлийн журам | ♻️ Хог хаягдлын менежмент
Makers News
November 01, 2024
Баасан гарагийн мэнд!🌤️“Makers News”-ийн шинэ дугаарт МАК компанийн нийгмийн хариуцлагын онцлох төслүүдийн нэг “SEE Learning” хөтөлбөр болон импортыг орлох барилгын материалын үйлдвэрүүдийн талаар онцоллоо 📚🏭
Та newsltter-ийн зураг, дизайныг бүтнээр нь харахыг хүсвэл баруун дээд буланд байрлах “Trust Sender” товч дээр дарна уу.
🏗️ Бидний хөгжүүлж буй импортыг орлох барилгын материалын үйлдвэрүүд
МАК-чууд бид дэлхийд тэргүүлэх Европ стандарт, арга туршлагаар эх орондоо импортыг орлох барилгын материалын үйлдвэрлэл хөгжүүлсээр байна. 2015 онд “МАК Евро Блок“ хийт бетоны үйлдвэрийг ашиглалтад оруулж, Монгол инженерүүдийн ур ухаанаар дэлхийн стандартад нийцсэн чанартай бүтээгдэхүүн үйлдвэрлэн зах зээлд нийлүүлж эхэлсэн түүхтэй. Барилгын материал үйлдвэрлэлийн чиглэлд олон улсын 100 гаруй компанитай хамтран ажиллаж, барилга, бүтээн байгуулалтын салбарт 1500 гаруй ажлын байр бий болгоод байгаа юм. Түүнчлэн ногоон хөгжлийг эрхэмлэх стратегийн хүрээнд усны хаягдалгүй, эрчим хүчний хэмнэлттэй үйлдвэрлэл явуулж, байгальд ээлтэй эцсийн бүтээгдэхүүн үйлдвэрлэж байна.
👨🎓 МАК компани “SEE Learning” хөтөлбөрт ₮800 гаруй саяын хөрөнгө оруулалт хийгээд байна
Боловсролын салбарыг нийгмийн хариуцлагын тэргүүлэх чиглэлээрээ тодорхойлсон МАК компани хүүхэд бүрийг нийгмийн харилцаанд бэлтгэгдсэн, ёс зүйтэй, өөрийгөө болон бусдыг ойлгож, энэрэх сэтгэлтэй бие хүн болгон төлөвшүүлэхийн төлөө “SEE Learning” хөтөлбөрийн үйл ажиллагааг тууштай дэмжин ажиллаж байна. АНУ-ын Эмори их сургуультай хамтарсан энэхүү хөтөлбөрийг Монголд хэрэгжиж эхэлсэн цагаас нь буюу 2019 оноос хойш дэмжин ажиллаж байгаа юм. Өнөөдрийн байдлаар 2500 багш бэлтгэгдэж, Ерөнхий боловсролын 60 сургуулийн 10,000 гаруй хүүхэд ирээдүйд шаардагдах чухал ур чадваруудад суралцаад байна.
😇 Цагийн бүртгэл үүсгэхдээ анхаарах зүйлс
Нийт ажилтнууд та бүхэн өөрийн ирц, цагийн бүртгэлээ ERP систем болон www.intranet.mn сайтаас хянах боломжтой. Хэрвээ та гадуур ажилласан, өвчний чөлөө болон энгийн чөлөө, ээлжийн амралт авсан бол ERP системд заавал оруулж, газар нэгжийнхээ удирдлагаар батлуулах ёстойг анхаараарай ❗
Дэлгэрэнгүй мэдээллийг доорх бичлэгээс үзнэ үү 👇
🏀 MAK Cup-ийн оны хаалтын тэмцээн айсуй
“MAK CUP” спортын их наадмын энэ оны хаалтын тэмцээнүүд болох Сагсан бөмбөг, Гар барилдаан, Шатар даамны тэмцээний тов тун удахгүй зарлагдана.
Та бүхэн багаа бүрдүүлэн бэлтгэлдээ гараарай. Тэмцээнд оролцох баг, тамирчдадаа амжилт хүсье 😉
🤩 Нарийнсухайтын уурхай сонирхлын клубууд байгуулжээ
Нарийнсухайтын уурхайн хамт олон нэгэн сонирхол дор эвлэлдэн нэгдэж, амралт, чөлөөт цагаа үр дүнтэй өнгөрүүлэх, бусдаасаа суралцан хөгжих боломжийг нийт ажилтнууддаа олгох зорилгоор сонирхлын клубүүд нээн ажиллуулж эхэлсэн байна. Түүнчлэн шинээр клуб үүсгэн байгуулах боломжийг ч нээлттэй олгож байгаа юм байна.
Тавигдах шаардлага:
✅ 10 ба түүнээс дээш гишүүн хамруулах
✅ Үйл ажиллагааны чиглэлээ нарийн тодорхойлсон байх
Одоогийн байдлаар байгуулагдсан, цаашид байгуулахаар төлөвлөж буй клубуудтэй танилцъя 👇
Фитнесс клуб
Урлагийн клуб
Сагсан бөмбөгийн клуб
Гар бөмбөгийн клуб
Сонирхлын клубт бүртгүүлэх болон шинээр клуб үүсгэн байгуулах бол Нарийнсухайтын уурхайн Сургалтын инженер Б.Анхбаяр-тай (9590-8097) холбогдох боломжтой юм байна шүү 😉
🟢 МАК Цемент ХХК: “Далан түрүү” булгийн эхийг хашиж хамгааллаа
“МАК Цемент” ХХК Хөх цавын уурхайн дүйцүүлэн хамгаалах ажлын хүрээнд Дорноговь аймгийн Даланжаргалан сумын “Далан түрүү” булгийн эхийг хашаалан хамгааллаа. Ингэснээр байгалийн өвөрмөц тогтцыг унаган төрхөөр нь хадгалж, биологийн олон янз байдлыг нөхөн сэргээж байгаа юм.
Түүнчлэн тухайн бүсэд нутгийн иргэд, аялагчдад зориулан автомашины зогсоол, хогийн цэг, сүүдрэвч, шорлогийн зуух зэргийг байрлуулжээ 👏
🟢Хог хаягдлыг бууруулах нь санхүүд хэмнэлттэй💵
Бидний өдөр тутмын амьдралдаа гаргадаг олон шийдвэр манай гарагт томоохон нөлөө үзүүлдэг. Компанийн хэмжээнд үүсэж буй нийт хог хаягдлын 20% дахин боловсруулах төвүүдэд нийлүүлэгдэж, үлдсэн 80% хөрсөнд зориулалтын бус аргаар булагдаж байна. Хөрсөнд булагдаж байгаа хаягдлын хэмжээг бууруулахын тулд ажилтан таны хувь нэмэр хамгаас чухал юм. Тиймээс өөрсдийн амьдрах орчноо эрүүл байлгах болон санхүүгээ хэмнэхэд хог хаягдлыг бага үүсгэх дараах аргуудаас туршаад үзээрэй 👇
🍶Гадуур явахдаа дахин ашиглах боломжтой усны савыг ашиглах, 1 удаагийн хэрэглээнээс татгалзаад үзэхийг танд санал болгож байна. Ингэснээр та сард дунджаар 56,000 төгрөг, жилд дунджаар 672,000 төгрөгийг хэмнэх боломжтой.
🧺Хүнсний зүйлсээ цуглуулах гэж байна уу? Тэгвэл та дахин ашиглах боломжтой даавуун уутыг сонгохыг хичээгээрэй.
🌳Нэг ширхэг нас бие гүйцсэн модноос 17 ширхэг боодол цаас үйлдвэрлэх бөгөөд цаасны хэрэглээгээ аль болох бууруулснаар та модны нөөцийг хэмнэж чадна.
🍱Хоолоо таваглахдаа идэх хэмжээгээрээ аваарай. Энэ нь хоолны хаягдлаас үүсэх хүлэмжийн хийг бууруулах юм 😊
“Цэн тогоруу“ газрын тосны орд нээлтээ хийлээ 👏
Монгол инженер, геологичдийн нээн илрүүлсэн “Матад-ХХ” газрын тос олборлох орд ашиглалтад орлоо. 2021 онд тус ордын нөөцийг 8.7 сая баррель буюу 1.1 сая тонн хэмээн тогтоосон юм. “Петроматад” ХХК-ийн Цэн тогоруу-1 цооногоос 2024 оны туршилтын байдлаар өдөрт 200 баррель газрын тос олборлох төлөвлөгөө гаргаж, шингэн хагалбарын ажил, цооногийн гадаргуугийн байгууламжийн угсралтын ажлуудыг хийсэн. Газрын тос олборлох ажил өргөжсөнөөр дотоодын хэрэгцээг хангах хэмжээний олборлолт хийнэ гэж тооцож байгаа юм.
Эрчим хүчний шөнийн тарифын хөнгөлөлт өнөөдрөөс хэрэгжинэ ⚡
Улаанбаатар хотын гэр хорооллын 189,000 орчим айл өрхийг эрчим хүчний шөнийн тарифын хөнгөлөлтөд хамруулж эхэллээ. Гэхдээ зөвхөн төлбөрийн үлдэгдэлгүй өрхүүдийг уг хөнгөлөлтөд хамруулах юм байна. Ингэхдээ, айл өрхийн 21:00-06:00 цагт хэрэглэсэн цахилгааны төлбөрийг 50-100% хөнгөлөх аж.
Монгол Улс “Дэлхийн энх тайвны индекс"-т 45-рт эрэмбэлэгдлээ 🕊️
Энх тайвны индексийг тооцохдоо нийгэм, улс төр, эдийн засгийн тогтвортой байдал, хүний эрх, эрх чөлөө, террорист аюулын түвшин зэргийг харгалзан үздэг байна. Дэлхийн 163 улсыг хамруулан гаргадаг энэхүү индекст манай улс 2022 онд 39 дүгээрт жагсаж байсан нь хамгийн өндөр үзүүлэлт болж байжээ.
Улаанбаатар хотын 385 жилийн ой тохиолоо 🏙️
Энэ долоо хоногийн Лхагва гараг буюу 10-р сарын 29-ний өдөр нийслэл Улаанбаатар хот байгуулагдсаны 385 жилийн ой тохиолоо. Тодруулбал, 1639 оны 10-р сарын 29-ний өдөр одоогийн нийслэл Улаанбаатар хот маань Өргөө нэртэйгээр байгуулагдаж байсан юм. Сонирхуулахад, өнгөрсөн хугацаанд нийслэлийн нэрийг 5 удаа сольжээ. 1651 онд Номын хүрээ, 1706 онд Их хүрээ, 1912 онд Нийслэл хүрээ, 1924 онд Улаанбаатар хот болгон өөрчилсөн байна.
 Мазаалайн тоо толгой өсжээ Мазаалайн тоо толгой 2016 оны тооллогоор улсын хэмжээнд 22 байсан бол 2018 онд 36 болж, харин 2024 онд 51 болж өссөн байна. Мазаалайн тоо толгой хэт цөөн учраас байгальд өөрийн гүйцэтгэх үүрэггүй болсон байх магадлалтай гэж үзэж байсан юм. Гэтэл сүүлийн үеийн судалгаагаар мазаалай говийн баян бүрдийг нөхөн сэргээж, хармагийг ургуулдаг амьтан болохыг нотолсон байна. Сонирхуулахад, мазаалай идэш тэжээлийнхээ 77%-ийг ургамлаас, 23%-ийг махаар хангадаг байна. |  Монгол хатны хувцастай гүйжээ Монгол эмэгтэй үндэсний хувцсаараа гоён 42 км марафонд гүйж, дэлхийн дээд амжилт тогтоолоо. Тодруулбал, Хөвсгөл аймгийн Тосонцэнгэл сумын уугуул Г.Оюунгэрэл нь Канад улсын Торонто хотын “TCS Toronto Waterfront”-д болсон марафонд монголын үндэсний өв соёлыг сурталчлан таниулах зорилгоор XIII зууны монгол хатны богтаг малгай, дээл, ууж өмсөн гүйжээ. Улмаар 42 км зайг 3:40:28 хугацаанд туулан Гиннесийн амжилт тогтоосон байна. |
 Apple-ийг хакердаад саяыг ав! Apple компани өөрсдийн Apple Intelligence функцийг дэмждэг платформыг “хакердаж” чадсан хүнд 1 сая хүртэлх доллар санал болгож байна. Apple Intelligence-д зориулсан хэрэглэгчийн хүсэлтийг хүлээн авч, боловсруулах серверүүд болох “Private Cloud Compute”-ийн аюулгүй байдлыг ийнхүү шалгаж байгаа аж. Тэд сонгогдсон цөөн хакеруудыг сорьж эхэлсэн боловч өнгөрсөн долоо хоногт олон нийтэд зарлаж, сонирхсон бүх хүмүүст боломж олгохоор шийджээ. |  Фүжи уул цасан бүрхүүлгүй байна Японы алдарт Фүжи ууланд одоог хүртэл цасан бүрхүүл тогтоогүй байгаа нь сүүлийн 130 жилд тохиогоогүй үзэгдэл болж байна. Фүжи уулын орой дунджаар жил бүрийн 10-р сарын 2-нд цасан бүрхүүлтэй болдог ч энэ жил цасгүй байгаа юм. Энэ зун Япон улсад түүхэнд байгаагүйгээр өндөр хэм хүрч халсан. Тодруулбал өнгөрсөн сард Япон даяар 1,500 орчим байршилд агаарын температур 35 цельсээс давж хэт халжээ. |
МАК Цемент ХХК-ийн ахуйн хэсгийн хамт олон өдөр тутмын хүнсний хэрэглээний нарийн ногоогоо технологийн дагуу өвлийн хүлэмжид тарьж ургуулан, жилийн дөрвөн улирлын турш тасралтгүй эрүүл шинэ хүнс хэрэглэх боломжийг хамт олондоо бүрдүүлж байна 👏
Та хашаандаа хүнсний ногоо тариалах талаар бодож байсан уу? Тийм бол энэ бодлоо хэрэгжүүлэхэд тань туслах зөвлөгөө хүргэе 🥔🥕
“Юуны өмнө тарихыг хүссэн хүнсний ногооныхоо үрийг сонгон, үрслүүлэх шаардлагатай. Мөн өөрийн амьдарч буй газрын цаг агаар, ургамал ургахад хэр таатайг судлах нь хүнсний ногоогоо амжилттай ургуулахад чухал нөлөөтэй. Учир нь зарим үр хүйтэнд тэсвэртэй байхад, зарим нь тэсвэр муутай байдаг”
“Ногоог усалсны дараа хөрс дагтаршдаг тул шаардлагатай сийрэгжүүлэлтийг хийснээр ургах боломжийг илүү сайжруулдаг” ✅
Алдарт дуучин Lady Gaga 2025 онд гарах 8 дахь бүрэн хэмжээний цомгийнхоо эхний дуу болох “Disease”-ийн клипийг 10-р сарын 30-ны өдөр Youtube сувагтаа цацсан байна. Тэрбээр шинэ цомгоо “LG7” нэрээр гаргана гэсэн таамаг сонсогчдынх нь дунд түгжээ. Шинэ уран бүтээлийг нь хамтдаа сонирхъё 🎶
Та бүхэн дараах ажлын байруудад тохирно гэж үзэж буй найз нөхөд, танилууддаа эдгээр зарыг түгээж хүний нөөц бүрдүүлэлтэд хувь нэмрээ оруулаарай 🤩
Та орон зайн байршлаас үл хамааран компанийнхаа идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт шинэ жишиг тогтоож буй МАК компанийн бүтээн байгуулалтуудаар хамтдаа аялцгаая 👇
"Makers News" цахим товхимолд и-мэйл хаягаа бүртгүүлснээр компанийн үйл ажиллагаа, дотоод арга хэмжээ, үйл явдлууд, улс эх оронд өрнөж буй хамгийн чухал, анхаарал татсан мэдээ мэдээллүүдийг нэг дороос унших боломжтой шүү 🙌
Та бүхэн шинэ ажилтан, ширээний найзууддаа дуулгаарай 📢