🌳 Бид 200 мянган мод тарьжээ 🌳

Өглөөний мэнд ээ! ⛅ Makers News цахим товхимлын энэ удаагийн дугаарт дэлхий дахины тудгамдсан асуудал болох уур амьсгалын өөрчлөлтийн талаар онцоллоо. Энэ хүрээнд МАК компани экологийн ул мөрөө бууруулахаар үйлдвэр, уурхайн бүсэд ногоон байгууламж бий болгож, сэргээгдэх эрчим хүчний төслүүд хэрэгжүүлж байгаа билээ. 🌳😇🌳

🌳 МАК-чууд бид 200 мянга гаруй мод тарьж, ургуулсан байна

МАК компани үйл ажиллагаа явуулж эхэлсэн цагаасаа хойш үйлдвэр, уурхайн бүс болон биологийн нөхөн сэргээлтийн хүрээнд 200 мянга гаруй мод тарьж, ургуулсан байна. Өөрөөр хэлбэл, 4924 тонн хүлэмжийн хийн ялгаруулалтыг бууруулсантай тэнцэхүйц ногоон байгууламж бий болгожээ 🌳🌳🌳

Жил бүрийн “Бүх нийтээр мод тарих өдөр”-ийг тэмдэглэн өнгөрүүлдэг уламжлалын дагуу өнөөдөр Төв оффис болон Аяан Хотелс Энд Ресортс ХХК-ийн ажилтнууд Богдхан уулын Залаатын аманд мод тарьж байна 👏

Нарийнсухайтын уурхайн хамт олон мөн 10/04-10/05-ны өдрүүдэд мод тарих өдөрлөг зохион байгуулж, тарьсан мод бүртээ нэр өгч, пайз зүүхээр болжээ 🌳 👏

📱 MAKBM аппликейшний 2.0 хувилбар гарлаа

МАКBM аппликейшний шинэ хувилбарыг ашиглан шаарлагатай материалын тооцоолол хийн, үнийн санал авч, шууд захиалга өгөх боломжтой боллоо. Түүнчлэн тус аппликейшн нь QPay системд нэгдсэн тул төлбөр тооцоо хийхэд илүү хялбар болсон байгаа шүү. Та бүхэн туршаад үзээрэй 😉

👩‍⚕️ Зөвлөгөө: Ханиадны шинж тэмдэг илэрсэн бол заавал бүрэн эмчлэх хэрэгтэй

Төв оффисын эмчид хандаж, зөвлөгөө авч буй ажилтнуудын 80% нь амьсгалын замын өвчлөлийн хөнгөн хэлбэрээр өвдсөн байгаа тул эмч Ц.Цэрэнханд сайн дураараа эм, бэлдмэл хэрэглэхгүй байхыг зөвлөж байна. Ханиадыг дутуу эмчлэх нь зүрхний шигдээс, бөөрний эмгэг, уушгины цочмог үрэвсэл зэрэг олон өвчний суурь шалтгаан болдог аж. Таны хоолой хөндүүрлэн бие зарайх мэдрэмж төрж байгаа бол халуун бүлээн усанд “Терафлю”, “Тайлол хот” зэрэг эмийг найруулан ууж болох юм байна. Харин нус гоожин цэртэй, зовуурьтай ханиалгаж байгаа тохиолдолд зайлшгүй эмчид хандан зөвлөгөө аваарай.

👩‍⚕️ ТАНИЛЦ: “Үндэсний Эвсэл”-ээс орон нутгийн сонгуульд нэр дэвшигчид

Компанийн нийт ажилтнуудын дунд үүсгэн байгуулагдсан "Үндэсний Эвсэл"-ийн тэргүүн Н.Номтойбаярыг дэмжих сайн дурын баг орон нутгийн сонгуультай холбоотой цуврал мэдээллүүд хүргэж эхэллээ.

"Үндэсний Эвсэл" 2024 оны НИТХ-ын сонгуульд "Иргэн баян бол хот баян" уриаг дэвшүүлж, салбар бүрийн мэргэшсэн 27 мэргэжилтнийг нийслэлийн 8 тойрогт нэр дэвшүүлээд байна. Улаанбаатар хотод тулгамдаж буй асуудлуудад бодит шийдэл хэрэгжүүлэх нэр дэвшигчидтэй танилцаарай 👇

Дэлхийн дундаж температур 1880 оноос хойш цельсийн 1.2 хэмээр нэмэгдсэн нь XX зууны сүүлчээр гарсан хамгийн том өөрчлөлтөд зүй ёсоор тооцогддог. 1.2 хэм гэхээр бага сонсогдож болох ч, энэ тоо туйлын мөсийг хайлуулж, хур тунадасны хэмжээг өөрчлөн экосистемийг ч сүйрүүлэх хүчтэй. Сүүлийн 80 гаруй жилийн хугацаанд манай орны жилийн дундаж агаарын температур 2.25 градусаар нэмэгдэж, хур тунадасны хэмжээ 7.3 хувиар буурч, уур амьсгалын өөрчлөлтөд хамгийн хурдацтайгаар нэрвэгдэж буй улсуудын нэгээр тодроод байгаа. Тиймээс экологийн ул мөрөө бууруулж, уур амьсгалын өөрчлөлтийг сааруулахад бидний оруулах хамгийн үр дүнтэй хувь нэмэр мод тарих явдал юм.

Уур амьсгалын өөрчлөлтөөс үүдэлтэй аймшигт зудын дараа хөдөөнөөс хот руу нүүж, амьдралын шинэ хэв маягт дасан зохицож байгаа залуу хос Даваасүрэн, Отгонзаяа нарын тухай өгүүлэх баримтат, уран зохиол хосолсон "Чононууд үргэлж шөнөөр ирдэг" бүтээл Торонтогийн кино фестивалийн үеэр нээлтээ хийсэн байна. Уг киног олон улсын баримтат кино борлуулалтын “Cinephil” компани зохиолч, найруулагч Габриэль Брэдигээс худалдаж авчээ.

Та бүхэн дараах ажлын байруудад тохирно гэж үзэж буй найз нөхөд, танилууддаа эдгээр зарыг түгээж хүний нөөц бүрдүүлэлтэд хувь нэмрээ оруулаарай 🤩

Та орон зайн байршлаас үл хамааран МАК-ийн идэвхтэй үйл ажиллагаа явуулж буй үйлдвэр, уурхайгаар зочлох боломжтой гэдгийг мэдэх үү? 🤭 Makers News цахим товхимолд “360 аялал” нэмэгдсэн шүү. Аж үйлдвэрийн салбарт шинэ жишиг тогтоож буй МАК компанийн бүтээн байгуулалтуудаар хамтдаа аялцгаая 👇

"Makers News" цахим товхимолд и-мэйл хаягаа бүртгүүлснээр Компанийн үйл ажиллагаа, дотоод арга хэмжээ, үйл явдлууд, улс эх оронд өрнөж буй хамгийн чухал, анхаарал татсан мэдээ мэдээллүүдийг нэг дороос унших боломжтой шүү 🙌

Та бүхэн шинэ ажилтан, ширээний найзууддаа дуулгаарай 📢